ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ ကောန်အီမာည်း(1)အီး ကာည်း တိုအီးဒါခံင်ယိူည်ႇ(7)အီး ပလှံင်အေဲမ်ခြီရ်
07 April 2026
ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ ကောန်အီမာည်း(1)အီး ကာည်း တိုအီးဒါခံင်ယိူည်ႇ(7)အီး ပလှံင်အေဲမ်ခြီရ်
အေဲမ်ခြီရ်၊ ကျံရ်ဖိုန်၊ ဆငည်း(7)
ဆဒါင်ကုင်တအာင်း
ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ ကောန်အီမာည်း(1)အီး ကာည်း တိုအီးဒါခံင်ယိူည်ႇ(7)အီး ပလှံင်အေဲမ်ခြီရ်၊ အိူင်အေဲမ်ခြီရ်။
ကျံရ်အိုည်၊ ဆငည်း(31) အခိင်ရဆံန်(၁း၄၅)နြီ ပလှံင်အေဲမ်ခြီရ်၊ ဇံင်နောင်ဆာန်ကီုင်း ဘိူန်းဆဒါင်ယိူဝ်ႇဒါႈ မိူဝ်ႈတိုအီးကဇိူရ်ႈကယံင်းခံင်ယိူည်ႇ ဘိူန်းတိုည်း ကအာင်းဆနံမ်းပ်ုန်နောႈမှာည် (182)ကအာင်း တာဆာန်ကျော်လိက် ဘိူန်းအဆာက်(36)ဆန်ုမ်။
ဆဲႈဒီန် အခိင်ရဆံန်(2:00)နြီမာ် ဘိူန်းတိုည်း တိုအီးဒါခံင်ယိူည်ႇ တာအိုက်နာည် ဘိူန်းအဆာက်(27)ဆန်ုမ်၊ တာချီတ်ထူန် ဘိူန်းအဆာက်(32)ဆန်ုမ်၊ တာဆဲင်ယောန ဘိူန်းအဆာက်(37)ဆန်ုမ်၊ မာည်းမျီတ်ဟေင် ဘိူန်းအဆာက် (21)ဆန်ုမ်၊ တာမျိုးဝူန်ထူန်း ဘိူန်းအဆာက်(32)ဆန်ုမ်၊ တာအိုက်အံင် ဘိူန်းအဆာက်(32)ဆန်ုမ် ကာည်း တာမာဘယာန် ဘိူန်းအဆာက်(33)ဆန်ုမ် ကဂေါပ်တောႇဂြူခြီုင်းကဆီုဝ်ကဆဲင်ခေဲင်ပ်ုန်ဒါခံင်ယိူည်ႇ။
ဆာ်မိုႈ ပ်ုန်ဘိူန်းတိုည်းတိုအီးကဇိူရ်ႈကယံင်း ကာည်း တိုအီးဒါခံင်ယိူည်ႇကဲနီန် တံပ်အွံရ်ပ်ုန်လောတ် ကပီုန်တအာင်း-PSLF/TNLA နှာင်းဘြဲဆာင်းဒဲႈအကျံင်ဂဲ ပဂါင်ဆငါးကာည်း နှာင်းဆီုပ်တိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်ယိူည်ႇ။
မိုႈဘိုး ကျံရ်အိုည်၊ ဆငည်း(1) ရောတ် ဆငည်း(27) ခေဲင်ဆငည်းဂဲဒီန် အခိင်ဖုင်ပလိက်ဂဲ စေတ်မေန်းခေဲင်အရာပ်အရာ ရေဲန်ဟာဝ်းဇီုင်းကာန်တီုက်ယာ်ႈအရေးခံင်ယိူည်ႇဒီန် ဘိူန်းတိုည်း ကောန်အီပ်ုန်(3)အီး ကာည်း ကောန်အီမာည်း(7)အီးအောႏ။
ပ်ုန်ကယေင်တံပ်အွံရ်ပ်ုန်လောတ်ကပီုန်တအာင်း-PSLF/TNLA ရေဲန်ဇီုင်းကာန်တီုက်ယာႈ အရေး ခံင်ယိူည်ႇနီန်မိုႈ တိုအီးဒါခံင်ယိူည်ႇခေဲင်အရာပ်တကြာက်အယ်ကာည်း တိုအီးကဇိူရ်ႈကယံင်း ခံင်ယိူည်ႇကဲနီန် မောကံပ်ယောမ်ဟာဝ်း၊ မောကံပ်ဘယ်ထိင်ဒံန်ခြဲဒဲႈ ဘံန်နံင်ဒေဲႈ ကောန်တဘိုက်ဂဲကာည်း မောကံပ်ဘယ်ရေဲန်ပဇာရ်ဒဲႈ လံပ်ကတ်ုမ်ဇိုဇာတ်တိုအီးယေန်ငံင်။ ဆဲႈဒီန် မောကံပ်ဇီုင်းကာန် ဘ္လီုက်လှူပ်တြားဥပဒေ ကတာ်န်းကႎျှံန်း ၊ ခေါခါႇကနာည်ကူန်ရဝ်မာဂါင်ဂဲ ကာည်း ပ်ုန်နံပ်ပ်ုန်ဆမား ဇိုဇာတ်တိုအီးအယ် မောကံပ်ကဟိုက်ကဟာဝ်းဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists