01 April 2026

ခေဲင်ကျံရ်အိုည်နီန် ဖုင်ပလိက်ကုင်တအာင်း ဘိူန်းတိုည်းတိုအီးဒါခံင်ယိူည်ႇ(19)အီး ကာည်း  တိုအီးကဇိူရ်ႈကယံင်းခံင်ယိူည်ႇ(2)အီး ပလှံင်ကုင်ငှေါ

လှံင်ကုင်ငှေါ၊ ကျံရ်အိုည် ဆငည်း(31)
ဆဒါင်ကုင်တအာင်း

ကုင်တအာင်း၊ အိူင်အိုမ်ယ်ုရ်၊ ပလှံင်ကုင်ငှေါ ခေဲင်ကျံရ်အိုည်နီန် ဖုင်ပလိက်ကုင်တအာင်း ဘိူန်းတိုည်းတိုအီးဒါခံင်ယိူည်ႇ(19)အီး ကာည်း  တိုအီးကဇိူရ်ႈကယံင်းခံင်ယိူည်ႇ(2)အီး။

ဘံန်ဟောည်ႇဒေဲႈ ကျံရ်အိုည် ဆငည်း(8)ဒိူန် ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်း ခံင်ယိူည်ႇ ယာတာန်းတာန်းထေး အ်ုန်တောပ်ဘေဲႇ(WY) ကအာင်ဆနံမ်းဂိူဝ်ႈ(295)ကအာင်၊ မိုႈဘိုး ကျံရ်အိုည် ဆငည်း(25)ဒိူန် စီဘိူန်းဘိုးတိုည်း တာတေင်ဟာန် အ်ုန်တောပ်ဘေဲႇ(WY) ကအာင်ဆနံမ်းဂိူဝ်ႈ(180)ကအာင်။

ဆဲႈဒါႇဒီန် ပလှံင်ကုင်ငှေါ ကျံရ်အိုည် ဆငည်း(21)ဒိူန် အခိင်ဖုင်ပလိက်ကုင်တအာင်း ကပါ်ႇတိူရ်ႈယာမ်းဒိူန် ဘိူန်းတိုည်းတိုအီးဒါခံင်ယိူည်ႇ ယာအေးပီ အဆာက်(39)ဆန်ုမ်၊ ကျံရ်အိုည် ဆငည်း(22)ဒိူန် ဘိူန်းတိုည်းမံင်လှမံင် အဆာက်(19)ဆန်ုမ်၊ ဆိုးအံင် အဆာက်(30)ဆန်ုမ်၊ ကျော်မံင် အဆာက်(29)ဆန်ုမ်၊ လောက်မေင် အဆာက်(26)ဆန်ုမ်၊ တာကျော်ရဲသူ အဆာက်(32)ဆန်ုမ်၊ မံင်အခေး အဆာက်(19)ဆန်ုမ်၊ ဖိုးအံင် အဆာက်(23)ဆန်ုမ်၊ မံင်ပါင်ဆာန်း အဆာက်(15)ဆန်ုမ်၊ တာအံင်ချှံန်း အဆာက်(38)ဆန်ုမ် ကာည်း တာအံင်ခီန် အဆာက်(45)ဆန်ုမ် ကစုကပိုမ်(11)အီး။

ႎါည်ဒီန် ကျံရ်အိုည် ဆငည်း(23)ဒိူန် အခိင်ဖုင်ပလိက်ကုင်တအာင်းရေဲန်ဇီုင်းကာန် ကပါ်ႇတိူရ်ႈယာမ်းဒိူန် ဘိူန်းဘိုးတိုည်းတိုအီးဒါခံင်ယိူည်ႇ တာဆာည်တေင်မံင် အဆာက်(30)ဆန်ုမ်၊ တာကျော်တေင် အဆာက်(40)ဆန်ုမ်၊ တာအံင်မျီတ်အူး အဆာက်(45)ဆန်ုမ်၊ တာအံင်လီအူး အဆာက်(30)ဆန်ုမ်၊ တာအဟ အဆာက်(35)ဆန်ုမ်၊ တာဆာအံင် အဆာက်(59)ဆန်ုမ်၊ တာအကောင်း အဆာက်(35)ဆန်ုမ် ကာည်း တာကျော်အူး အဆာက်(54)ဆန်ုမ် ကစုကပိုမ်(8)အီး။

ပ်ုန်ဘိူန်းတိုည်းတိုအီးကဇိူရ်ႈကယံင်း ကာည်း တိုအီးဒါခံင်ယိူည်ႇကဲနီန် တံပ်အွံရ်ပ်ုန်လောတ် ကပီုန်တအာင်း-PSLF/TNLA နှာင်းဘြဲဆာင်းဒဲႈအကျံင်ဂဲ ပဂါင်ဆငါးကာည်း နှာင်းတိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်ယိူည်ႇ။

ပ်ုန်ကယေင်တံပ်အွံရ်ပ်ုန်လောတ်ကပီုန်တအာင်း-PSLF/TNLA ရေဲန်ဇီုင်းကာန်တီုက်ယာႈ အရေး ခံင်ယိူည်ႇနီန်မိုႈ တိုအီးဒါခံင်ယိူည်ႇခေဲင်အရာပ်တကြာက်အယ်ကာည်း တိုအီးကဇိူရ်ႈကယံင်း ခံင်ယိူည်ႇကဲနီန် မောကံပ်ယောမ်ဟာဝ်း၊ မောကံပ်ဘယ်ထိင်ဒံန်ခြဲဒဲႈ ဘံန်နံင်ဒေဲႈ ကောန်တဘိုက်ဂဲကာည်း မောကံပ်ဘယ်ရေဲန်ပဇာရ်ဒဲႈ လံပ်ကတ်ုမ်ဇိုဇာတ်တိုအီးယေန်ငံင်။ ဆဲႈဒီန် မောကံပ်ဇီုင်းကာန် ဘ္လီုက်လှူပ်တြားဥပဒေ ကတာ်န်းကႎျှံန်း ၊ ခေါခါႇကနာည်ကူန်ရဝ်မာဂါင်ဂဲ ကာည်း ပ်ုန်နံပ်ပ်ုန်ဆမား ဇိုဇာတ်တိုအီးအယ် မောကံပ်ကဟိုက်ကဟာဝ်းဒေဲႈအောႏ။

#PSLF/TNLA
#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း