ကျံရ်အာရ်၊ ဆငည်း(12) အခိင်ရမှိဝ်(7:30)နြီ ဖုင်ပလိက်ကုင်တအာင်းဂဲ ဘိူန်းဆဒါင် ဒါ်ႈ တာဝူန်စော ဘိူန်းအဆာက်(36)ဆန်ုမ် မိူဝ်ႈခံင်ယိူည်ႇႎံင် (4)ထုတ်၊ ထုတ်ဒဲ့(22)ထုတ် ကစုကပိုမ် ထာန်ဇံန်(1462.6)ဂရမ် ကာည်း ပယာယီမွှေး ခံင်ယိူည်ႇလူည် ဂေါည် (126.4)ဂရမ် တောပ် ကအာင်ယာမ(113.6)ဂရမ်) ဘိူန်းတိုည်းဟာဝ်းအောႏ။
ဒီရ်;ကဇေန်နီး
အိုမ်ဘြည်ကတာည်းဒီဘြောင်ချှာင်ဟာဝ်း တံပ်အွံရ်ပ်ုန်လောတ်ကပီုန်တအာင်းPSLF/TNLA ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒဲႈပဴင် ပ္လေဘျုင် စီလံက်ဟာဝ်း တိုအီးရဝ်(13)အီးယံမ်း၊ (36)အီးကတူႈဘာတ်။
ကုင်တအာင်း၊ အိူင်မာဝ်းႎံင်း တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ဒံန်ခြဲတြားဥပဒေဂဲ ဘိူန်းဒေတိုည်းတိုအီးကဇိူရ်ႈကယံင်းခံင်မံဝ်(1)အီး ခေဲင်လှံင်နောင်ချှို။
တံပ်အွံရ်ပ်ုန်လောတ်ကပီုန်တအာင်း PSLF/TNLA အီမိုႈဌာန တီုင်ကောန်အီပ်ုန်ဟြေဲဒါင်းဇာရ်ဂဲ ခေဲင်ကျံရ်အာရ်နီန် ဘယ်ဒေလေႈဒေင် ဒဲႈလော်င်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်ရဝ်(20)ရဝ်။
ကုင်တအာင်း၊အိူင်အေဲမ်ခြီရ်၊ ပလှံင်မူစဲ မိူင်ယု(105)လှာ့် ဂါရ်ကောန်ကူန်(2)အီး ဂေါႇကူန်အ်ုန် ယံမ်းဘိီရ် ဆဲင်ကယ်ဂေႈကပ္လါႇကောန်အ်ုန် စီကတူႈဖေးဆဝ်။
ကုင်တအာင်း၊ အိူင်အေဲမ်ခြီရ်၊ လှံင်အေဲမ်ခြီရ်၊ ပဇံင်ႎေင်ဆာ ဂေါႇရောင်ကတာည်းထာင်ဂေႈတက်ုတ် ကောန်ဒဲႇ(1)အီးယံမ်း၊ (1)အီးကတူႈဖေးဆဲဝ်။
ကုင်တအာင်း၊အိူင်အေဲမ်ခြီရ်၊ ပလှံင်မူစဲ မှိုင်ယု(105)လှံက်ဒီန် ဂေါ,မို;ကော;ချာ်န်းကား စီပဲန်ဒူ; ဟာဝ်းတံင်ငံရ်ရာင်(1)အီးယံမ်း၊(2)အီးကတူဖေးဆဲဝ်ဒါင်။
ကုင်တအာင်း၊ အိူင်အိုမ်ယ်ုရ်၊ ပလှံင်ဆဘော ၊ ရဝ်ဆာန်ဖေတ်ဒီန် ကောန်အီမာည်း (1)အီး ဂေါ,ဒါဘိုက်ဘြူ;ရဟောမ်ရမာအ်ုန် (2)အီးယံမ်း၊ (2)အီးကတူ;ဖေးဆဲဝ်ဒါင်း။
ကျံရ်အာရ် ဆငည်း(23)ဒိူန် ဆီုက်ဘြာန်ဇေဝ်ဂဲ ကာည်း တံပ်နာန်းတအာင်း (TNLA) ပဲန်ကတီုက်ကပဴင်ဘ္လောမ် ခနားရဝ်တောင်ရှည် ကာည်း ရဝ်မန်မော် ၊ ဒီအိုမ်ဘြည်ကတာည်း တီုင်တံပ်ဒါင်း(2) ပလှံင်နောင်ချေဝ် ခေဲင်ကုင်တအာင်း။
ပ်ုန်ဒီရ်;ဂီုန်း
