ကျံရ်အာရ်၊ ဆငည်း(12) အခိင်ရမှိဝ်(7:30)နြီ ဖုင်ပလိက်ကုင်တအာင်းဂဲ ဘိူန်းဆဒါင် ဒါ်ႈ တာဝူန်စော ဘိူန်းအဆာက်(36)ဆန်ုမ် မိူဝ်ႈခံင်ယိူည်ႇႎံင် (4)ထုတ်၊ ထုတ်ဒဲ့(22)ထုတ် ကစုကပိုမ် ထာန်ဇံန်(1462.6)ဂရမ် ကာည်း ပယာယီမွှေး ခံင်ယိူည်ႇလူည် ဂေါည် (126.4)ဂရမ် တောပ် ကအာင်ယာမ(113.6)ဂရမ်) ဘိူန်းတိုည်းဟာဝ်းအောႏ။
ဒီရ်;ကဇေန်နီး
ဘံန်ဆီုက်ဘြာန်ဇေဝ်ဂဲ ဆီမ်းဟာဝ်းအာဏာ ခေဲင်ကုင်ဘြာန်နီန် ယိူဝ်ႇတီုက်ႎှီုန်းဟာဝ်းဒိုည်ႇ လံပ်ပိင်ငျာဂဲနီန်မာ် လီပ်ဟာဝ်းဒိုည်ႇ CDM။ ဂေါႇဘည်ဒီန် ကနာည် ကျောင်(TLEC)နီန် နံင်ကတာရ်ႈဟိုက်ဇာရ်ဟာဝ်း လိုတာဆြာ/ယာဆြာ အီမိူဝ်ႈပ်ုန်နံပ်ပ်ုန်ဆမားကဲနီန်ဂီုန်း ကာည်း နံင်တောႇဟာဝ်း အီညှံမ်လီပ်ထာမ်းဇီုင်းကပ္လိူင် တာဆြာ/ယာဆြာ ကနာည်ပနောဘေဲႇ(Preservice Teacher) (1000)အီးအော။
အီအွံရ်ကဒါႇဖုင်က်ုန်ရံရ်PSLF မိုႈတာမ်ခူန်ချုဒါင်း တားဇိုက်ဇာရ် ကာည်း တားတီုင်ကဆီုပ်ကုင်အီဟံရ် ခူန်အွံရ်ဒါင်း၊ တားမိုးဟေင်၊ တောပ်ဘိုး ဖုင်က်ုန်ရံရ်(9)အီး နံင်ဟိုက်ဟာဝ်းပါင်ကမိုန်၊ အီအွံရ်ကဒါႇက်ုန်ရံရ်ဆီုက်ဘြာန်ဂဲ မိုႈကစထ(1) တာမ်ခူန်ချုဒါင်း တားကိုကိုအူး အ်ုန်မိုႈ အီးကတူႈကငျားတောပ်ဒေဲႈ တဖုင်က်ုန်ရံရ် ဆီုက်ကိုကာင် (MNDAA)ဂဲ။
ဖုင်တီုင်ဒံန်ခြဲတြားဥပဒေဂဲ ဘိူန်းဒေတိုည်း တိုအီးအီဒါခံင်မံဝ် ခေဲင်အိူင်မာဝ်းဓံင်းဒီန် (38)အီး ကာည်း အီကဇိူရ်ႈကယံင်း (4)အီး ခေဲင်ဒီန်အ်ုန်တောပ် ကအာင်ယာမ (1276)ထူက်၊ ဆာ်မိုႈ ခေဲင်အိူင်မိုဂူႈ စီဘိူန်းဒေတိုည်း အီဒါခံင်မံဝ် (11)အီး ကာည်း အီကဇိူရ်ႈကယံင်း (2)အီး။
ဘည်မိုဘည်ဘာည်းအ်ုန် ကျံရ်အာရ် ဆငည်း(6) စူမ်အံပ်(5:30)နြီဒိူန် နှာရိူဝ်ႇလှံင် ဒီဂေါည်ဆခါန်း ဆီုက်ဘြာန်ဇေဝ်ဂဲ အာည်ႇနီန် တပြောကျောင်စဝ်မျဆျှိုည်ဂူ အီမာည်းအူအီး ယိူဝ်းမဴင်အူပိုင်း အခိင်အ်ုန်တိူဝ်ႈကနိုက် မဴင်စီပဒူႈဟာဝ်း။
ဘည်ဘ္လဟာဝ်း ခေဲင်ဧရ်ိယာဒီအိုမ်ဘြည်ကတာည်းပ်ုန်ထိင်ခြဲကဲနီန် ပံက်ဟံပ်ဟာဝ်း ဆဲင်ဘုက် ကာည်း ကတူႈကငျားတောပ် တကူန်ရဝ်မာဂါင်ဂဲ ကဘ္လာင်းဟာဝ်း ဘည်မိုႈဘည်ဘာည်းအ်ုန် ဘည်ရေဲန်ဟာဝ်းကဲနီန်။
ပ်ုန်ဒီရ်;ဂီုန်း
