အခိင်ကူန်ရဝ်ဂါင်မာဂဲ ကတူႈဖေးအန္တရာယ် ကဇေန်နီး ဆီုက်ဘြာန်ဇေဝ်ဂဲမာ် ဒါဒရုန်းရောတ်ပဴင်ပလှံင်နောင်ချှို
03 April 2025
အခိင်ကူန်ရဝ်ဂါင်မာဂဲ ကတူႈဖေးအန္တရာယ် ကဇေန်နီး ဆီုက်ဘြာန်ဇေဝ်ဂဲမာ် ဒါဒရုန်းရောတ်ပဴင်ပလှံင်နောင်ချှို
ပလှံင်နောင်ချို ၊ ကျံရ်အိုည် ဆငည်း (1)၊
ဆဒါင်ကုင်တအာင်း
အခိင်ကူန်ရဝ်ဂါင်မာဂဲ ကတူႈဖေးအန္တရာယ် ခေဲင်ကုင်ဘြာန် ဆီုက်ဘြာန်ဇေဝ်ဂဲမာ် ဒါဒရုန်းရောတ်ပဴင် ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်းPSLF\TNLA ပလှံင်နောင်ချှို ပရဝ်ကျောက်ကြမ်းအောႊ။
ကျံရ်အိုည် ဆငည်း (31) အခိင်ခီညှာ(10)နြီဒီန်မာ် ဆီုက်ဘြာန်ဇေဝ်ဂဲ ဒါဒရူန်း ရောတ်ဒေဲႈပ္လေႈပ္လေဘျုင်(120)မမ ပလှံင်နောင်ချှို(1) လိူဝ်ႈ။ ဂေါႇပ္လေဘျုင်ပဒူႈ စီလံက်ဟာဝ်းမိူဝ်ႈပ်ုန်ချူမ်ဂီုန်ခည်းအောႊ။
ဘံန်ဟောည်ဒေဲႈ ကျံရ်(3) ဆငည်း(28) ဆာ်မိုႈ အီမ်ယာရယူႈဒီန် ခေဲင်ကုင်ဘြာန် အ်ုန်ဂေါည်ရဲင်ဘ္လောမ် 7.7 ရစ်(စ်) တာစကေး အခိင် (1:05)မိနေတ် ဆီုက်ဘြာန်ဇေဝ်ဂဲ ဒါဂျဲတ်စှည်တာ ရောတ်ဒေဲႈပဴင် ထာန်ဇံန် (250)ဘျုင်(2)ပိုင်း လံက်ဟာဝ်း ဂါင်ကူန်ရဝ်မာဂါင် (3)ဂါင် ကာည်း ကျောင်ပနောဘေဲႇ (2)ကျောင် လှုလှဲဝ်ႊဟာဝ်း။
ဆဲႈဒီန် ကျံရ်အိုည် ဆငည်း(26)ဒိူန် အာဝ်မိူဝ်ႈကတီုက်ကပဴင်မာ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင် ခေဲင်နောင်ချှို ပရဝ်အိုမ်မ္မခါး ဆျှိုည်ညောင်ပီန် ကာည်း ရဝ်အိုည်ကိူရ် တိုအီရဝ် (4)အီးယံမ်း၊ (4)အီးကတူ;ဖေးဘာတ်ဒါင်း။
အီုင်ဆံန်ရယူ; ဇူ; 31.3.2025ရောတ် 6.4.2025 ဒိူန် နံင်မိုႈဆငည်းနောႈခဲမ်း ဆီုက်ဘြာန်ဇေဝ်ဂဲ မိူဝ်ႈပ်ုန်ကယေင် ဒါပ္လေဘျုင် ရောတ်ဒေဲႈပဲင်ဘည်ဒီန်အောႊ။ ဆီုက်ဘြာန်ဇေဝ်ဂဲ အာဝ်မိူဝ်ႈပဲန်ကတီုက်ကပဴင် မိူဝ်ႈနောႈကယေင်ဒါင်းဒါင်းတဲင်ကူန်ရဝ်မာဂါင်ဂဲ။ ဆဲႈဒီန် ဆာ်မိုႈကူန်ရဝ်မာဂါင်မာ် လိုဂေါည်ဆဒိ လိုတောပ်ခေါပ်ပြာႇပ်ုန်ထုတ်လေႈ ဘည်လိုဒံန်ခြဲယာန်ပ်ုရ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists