ဆငည်း 28 ဒိူန် အီုင်ဆံန်ရယူႈ ဘ္လောမ်ဒိူန် ပကုင်ဘြာန် စကစကဲ ဒါယာန်ပ်ုရ် ပ္လေႈပ္လေဘျုင် ပလှံင်နောင်ချေဝ် ပရဝ်နောင်လီန်
31 March 2025
ဆငည်း 28 ဒိူန် အီုင်ဆံန်ရယူႈ ဘ္လောမ်ဒိူန် ပကုင်ဘြာန် စကစကဲ ဒါယာန်ပ်ုရ် ပ္လေႈပ္လေဘျုင် ပလှံင်နောင်ချေဝ် ပရဝ်နောင်လီန်
ကျံရ်3၊ ဆငည်း31၊ ဆဒါင်ကုင်တအာင်း
ဆီုက်ဘြာန်ဇေဝ်ဂဲ ဒါယာန်ပ်ုရ်ပ္လေႈပ္လေဘျုင်ဘာည်းဒီန် စီလံက်ဟာဝ်း ဂါင်ဂေါည်ကူန်ရဝ်မာဂါင် (3)ဂါင် လူလှဲဝ်ႊဟာဝ်း တောပ်ဘိုး ကျောင်ပနောဘေဲႇ အာရ်ကျောင် ဂါင်တာတာန်ဆော် တာဆိုးတာန် ကာာည်း တာမျိုစူန် လူလှဲဝ်ႊဟာဝ်း။
ကျံရ်အိုည် ဆငည်း (26) ဒိူန် ဆီုက်ဘြာန်ဇေဝ်ဂဲ ဘိူည်အာဝ်မိူဝ်ႈကတီုက်ကပဲင်မာ် ကဲဒါနောႈဇေဝ်ကဲ ဒါယာန်ပ်ုရ် အီမိုႈ ဂျဲတ်စှည်တာ ပ္လေႈပ္လေဘျုင် ထာန်ဇံန် (500) အီဘိူန်းဒေဲႈ ခေဲင်နောင်ချေဝ် ပရဝ်အိုမ်မ္မခါး ဆျှိုည်ညောင်ပီန် ကာည်း ရဝ်အိုည်ကိူရ် တိုအီရဝ် (4)အီး ယံမ်းဟာဝ်း။
ဆီုက်ဘြာန်ဇေဝ်ဂဲ ဂေါႇကဲဒါနောႈအခည်း ဒါယာင်ပ်ုရ် ပ္လေႈပ္လေဘျုင် ဒီဂေါည်ကူန်ရဝ်ဂါင်မာကဲ ကဇေန်နီး ကနာည်နှာင်းလောတ်ဖေးအန္တရာယ် ကာည်း ကာင်ဟာဝ်း ရဒေင်ဘည်ပ်ုန်ပ္လေပ္လေႈအူန်းနီန်။
ဂေါႇအီုင်ဆံန်ရယူးဒါင်း ခေဲင်ကုင်တအာင်း ဆငည်း (28) ကပွတ် (12) နြီ (50) မိနေတ်ဒိူန် ရယူႈ ဟာဝ်း ပလှံင်ရူကော၊ ပလှံင်အိုမ်ငျံရ်၊ ပလှံင်အိုမ်ယ်ုရ်၊ ပလှံင်မာဝ်းဝံင်း၊ ပလှံင်ဆဘော၊ ပလှံင်ကိုက်ခည်း၊ ပလှံင်မိုဂူႈ ကာည်း ပလှံင်အေဲမ်ခြီရ် ၊ ဂေါႇအီမ်ဆံန်ဒါင်း ရယူႈ ဘာည်းဒီန် ဂါင်ဂေါည်ကူန်ရဝ်မာဂါင် ကာည်း ကော်င်မူ လူလှဲဝ်ႊဟာဝ်း။
ဆာ်မိုႈ အီုင်ဆံန်ရယူႈဒီန် ခေဲင်ကုင်ဘြာန်အ်ုန်ယီုဝ်ပွံတ် ဆာဂဲင် ကာည်း မာန်တလေး အ်ုန်ဂေါည်ရဲင်ဘ္လောမ် 7.7 ရစ်(စ်) တာစကေ; ။ ဆာ်မိုႈခေဲင် လှံင်ရူကော ပရဝ်ထဲတ်ဇဲတ် ၊ ရဝ်ဆဲင်လေန် ကာည်း ရဝ်ဟီန်ဟောင် ကော်င်မူအီမိူဝ်; အစဲန် ( သမိုင်းဝင်စေတီ ) ဆကေ;။ ဆာ်မိုႈ ခေဲင်အေဲမ်ခြီရ် ပရဝ်တာပုံမာ် ကော်င်မူလူလှဲဝ်ႊဟာဝ်း။
ခေဲင်အိုမ်ယ်ုရ်မာ် မိူဝ်ႈဘည်ဆကေႈ ပရဝ်အားရာမ် ကျောင်ပနောဘေဲႇ ကာည်း ပရဝ်ကီန် ကဒါႇလီပ်ဆငည်း ရဝ်ဆိုရ်ရဝ် မိုႈကော်င်မူအီမိူဝ်ႈ အစဲန် (သမိုင်း) မံင်ခ္လ လူလှဲဝ်ႊဟာဝ်း။
ဂေါႇအီုင်ဆံန်ဒါင်းဒီန် ယုင်ဆနံမ်မံင်ခ္လ အီဂေါည် ပလှံင်မိုႈဂူႈ ဇောႈလူလှဲဝ်ႊ ကာည်း ယိူဝ်းတိူရ်ႈမိူဝ်ႈအီကတူႈဆဲဝ်။ ဆာ်မိုႈ ပလှံင်မှိူမ်မီုတ်မာ် ဂေါႇအီမ်ယာဒီန် ကောင်မူ ဆျှိူည်ဂူ (ရွှေဂူ) ပလှံင်မှိူမ်မီုတ် တက္လာႈဇောႈလူလှဲဝ်ႊဟာဝ်း။
ဆာ်မိုႈ ခေဲင်ကုင်တအာင်း ကီုင်း အီဟံရ်မာ် ကော်င်မူဇောႈတက္လာႈ တောပ်ဘိုး ဂါင်ဂေါည် ကူန်ရဝ်မာဂါင်ဂဲ မံင်ခ္လ လူလှဲဝ်ႊဟာဝ်း ။
ဂေါႇဂီုည်မိူဝ်ႈ အီနံင်ဒေဲႈရဘံန် အီမ်ယာဒဲႈ ကဆီုဝ်ကူန်ရဝ်မာဂါင်မာ် ဂါ်ဆီုင်မိုႈ ဇီုင်းကာန်အီမိူဝ်ႈဖေးအန္တရာယ် ဘ်ုပ်ဇံင်းဒါ့်အူန်း အူကဇေန် အာဝ်ဘိူန်းဂေါည် ပဂါင်ဒါင်းအီဆကေႈ ဂါင်ဇာရ် (အထပ်မြင် ) လိုစေတ်မေန် ဂါင်ဒါင်း အီဂေါည်အဒံတ် ဂါင်အယ် မိူဝ်ႈအာဝ်မိူဝ်ႈ အီတက္လာႈ ၊ ဘည်တက္လာႈ ဆာ်လိုႎဲႈမာ် ဘ်ုမ်စဲႈ မှာန်းမေတ္တာဒါနောႈဆငါးက္လာင်းအောႊ။
#PSLF /TNLA
#တီုင်ပ္လေႈလေႈဆဒါင်
Comment Lists