တံပ်အွံရ်ပ်ုန်လောတ်ကပီုန်တအာင်းPSLF/TNLA ဂေါပ်တားချှာင်ဇီုင်းကာန်တောန်နဲ(1) ခူန်အွံရ်ချု တားအိုမ်တမာဝ်း ဟိုက်ရောတ်ဒေဲႈ ခေဲင်ပ္လေါည်ပ္လိုတ်ႎါင်ပနော ဘေဲႇလူမ်တအာင်း ပရဝ်ပါင်ပေတ်
05 April 2025
တံပ်အွံရ်ပ်ုန်လောတ်ကပီုန်တအာင်းPSLF/TNLA ဂေါပ်တားချှာင်ဇီုင်းကာန်တောန်နဲ(1) ခူန်အွံရ်ချု တားအိုမ်တမာဝ်း ဟိုက်ရောတ်ဒေဲႈ ခေဲင်ပ္လေါည်ပ္လိုတ်ႎါင်ပနော ဘေဲႇလူမ်တအာင်း ပရဝ်ပါင်ပေတ်
ကုင်တအာင်း၊ ကျံရ်(4)၊ ဆငည်း(5)
ကုင်တအာင်း၊ အိူင်မိုဂူႈ၊ လှံင်မိုဂူႈ၊ ပရဝ်ပါင်ပေတ် ဘေဲႇလူမ်တအာင်း-TLAဂဲ ဆော်အွံရ်ရေဲန်ဟာဝ်းပ္လေါည်ပ္လိုတ်ႎါင်ပနော ဘေဲႇလူမ်တအာင်း ပရဝ်ပါင်ပေတ်ဒီန် တံပ်အွံရ်ပ်ုန်လောတ်ကပီုန်တအာင်းPSLF/TNLA ဂေါပ်တားချှာင်ဇီုင်းကာန်တောန်နဲ(1) ခူန်အွံရ်ချု တားအိုမ်တမာဝ်း ဟိုက်ရောတ်ဒေဲႈအောႏ။
ဇူႈ ကျံရ်(4)၊ ဆငည်း(2)ဒိူန် ရေဲန်ပ္လေါည်ပ္လိုတ်ႎါင်ပနောဘေဲႇလူမ်တအာင်း ဂေါပ်တားချှာင်ဇီုင်းကာန်တောန်နဲ(1) ခူန်အွံရ်ချု တားအိုမ်တမာဝ်း ဟိုက်ရောတ်တံမ်ကြောႈက္လာင်း ကြောႈတအာင်းဒီန် မိုႈကြောႈကူန်မာတာယာအယ်ဂဲ လိုဒါဟာဝ်း လိုပနောဟာဝ်း ဂေါႇဘည်ဒီန် ကောန်ႎါင်ပနော အီဟောည်ႇဘေဲႇလူမ်တအာင်းနီန် လိုဝီရ်ပနောဒေဲႈတကူန်မာဂါင်ဂဲအောႏ။
ဘေဲႇလူမ်တအာင်းနီန် ဇူႈကျံရ်(1)၊ ဆငည်း(6) ဝိူဝ်ႈဟာဝ်း ကောန်အီမာည်း(7)အီး၊ ကောန်အီပ်ုန်(31)အီး ဟိုက်ရောတ်ပနောဟာဝ်းအောႏ။ ဖုင်ဘေဲႇလူမ်တအာင်း-TLAဂဲ အံပ်ဒဲႈပ္လါႇဘေဲႇတကောန်ကျောင် ဘည်ဟောည်ႇႎါင်ပနောဘေဲႇလူမ်တအာင်းနီန်အောႏ။
ပ်ုန်ကယေင်ႎိူဝ်ႈဘေဲႇလူမ်တအာင်းနီန် နံင်ဘေဲႇလူမ်တအာင်းကတာႈဒါင်းဇာရ်၊ နံင်ကြောႈတအာင်းအယ်ကဟိုက်ဒါင်းဇာရ်၊ နံင်ပိုင်ကြောႈခြိူဝ်းတအာင်းကနှေရ်၊ ဌာနဘေဲႇလူမ်တအာင်းဂဲ စီအံပ်ပနောဒေဲႈဟာဝ်းအောႏ။ နံင်ကြောႈကူန်မာတာယာအယ်အာဝ်ဟြာည်ႇကမော်ႈ၊ အီးလူမ်အီဂေါည်တောန်တီုင်ဌာန ဘိူန်းဒေဒါဘေဲႇလူမ်တအာင်းဂဲ နံင်အိီးရံပ် ဇီုင်း ကပ္လိူင်တီုင်ဌာနဖုင်တအာင်း ကာည်း တိုအီးလူမ်ဂဲ ဘယ်ဒေဒါဘေဲႇလူမ်တအာင်း ၊ နံင်ကံပ်ဘယ်ဒေရိူရ်ႈလေႈ ပံပ်မဂ္ဂဇီန် ဘေဲႇလူမ်တအာင်း ၊ ခေဲင်ကျောင်ပိင်ငျာခြိုဝ်းတအာင်း ကနာည်နံင်ဘယ်ဒေပြိူဝ်ႈလေႈ တာဆြာ/ယာဆြာ အီးနံင်ပနောဟာဝ်း ဖာဆာဘေဲႇလူမ်တအာင်းတောန်နဲအောႏ။
ခေဲင်ဆန်ုမ် 2025 ၊ ကျံရ်(4) ၊ ဆငည်း(2) ဒီန် ဖုင်ဘေဲႇတအာင်း (TLA) ဘည်းရေဲန်ဝိူဝ်ႈႎါင်ပနော ပ္လံက်တံင်ဇူႈ ဘေဲႇလူမ်တအာင်း (11)လိူဝ်ႈအောႊ။
#PSLF/TNLA
#တီုင်ပ္လေႈလေႈဆဒါင်
Comment Lists