တံပ်အွံရ်ပ်ုန်လောဝ်ကပီုန်တအာင်းPSLF/TNLA ပလိက်ကုင်တအာင်းဂဲ ဘြဲဆာဒေဲႈအကျံင် တိုအီးဒါခံင်ယိူည်ႇ(85)အီး
05 April 2025
တံပ်အွံရ်ပ်ုန်လောဝ်ကပီုန်တအာင်းPSLF/TNLA ပလိက်ကုင်တအာင်းဂဲ ဘြဲဆာဒေဲႈအကျံင် တိုအီးဒါခံင်ယိူည်ႇ(85)အီး
မိုဂူႈ၊ ကျံရ်(4)၊ ဆငည်း(5)၊ ကုင်တအာင်း
တံပ်အွံရ်ပ်ုန်လောဝ်ကပီုန်တအာင်းPSLF/TNLA ပလိက်ကုင်တအာင်းဂဲ ဘြဲဆာဒေဲႈအကျံင် တိုအီးဒါခံင်ယိူည်ႇ(85)အီး ပလှံင်မိုဂူႈ၊ အိူင်မိုဂူႈအောႏ။
ဆာ်မိုႈတိုအီးဒါခံင်ယိူည်ႇဒီန် ဖုင်တီုက်ယာႈအရေးခံင်ယိူည်ႇဂဲ တိုန်းဟာဝ်းဒီဘြဲဆာအကျံင် ပလှံင်မိုဂူႈ လှေ(6)ပကျံရ် ပ်ုန်ရောတ် ကျံရ်(3)၊ ဆငည်း(3)ဒိူန် ႎီရ်ပ္လေႈအောႏ။
ပလိက်ကုင်တအာင်းဂဲ ပ်ုန်ဘိူန်းတိုန်းအူန် တိုအီးဒါခံင်ယိူည်ႇဒီန်မာ်မိူဝ်ႈ မိုႈပွံတ်ကူန်မာဂဲဒေဲႈတိုန်းအံပ်ဆာဘြဲဒေဲႈအကျံင်မာ်မိူဝ်ႈအောႏ။
တိုအီးဒါခံင်ယိူည်ႇဒီန် လိူဝ်ႈအူဒိူန် တိုန်းဟာဝ်းဒီဘြဲဆာအကျံင် (6)ပကျံရ် ဆာ်မိုႈလိူဝ်ႈဘံန် က်ုန်ဝီရ်ယိူဝ်ႇကဲဒါခံင်ယိူည်ႇဒီန် နံင်ကတူႈတိုန်းဘြဲဆာအကျံင် (3)ဆန်ုမ်အောႏ။
ဘံန်ဟောည်ႇဒေဲႈ ကျံရ်(3)၊ ဆငည်း(26)၊ ခေဲင်လှံင်မိုဂူႈ ဖုင်ပလိက်ကုင်တအာင်းဂဲ ပ္လေႈဝီရ်တိုအီးဘြဲဆာအကျံင်(35)အီးအောႏ။
မိုႈဘို ဘံန်ဟောည်ႇဒေဲႈ ကျံရ်(2)၊ ဆငည်း(25) မိုႈခေဲင်လှံင်မိုဂူႈ ပ်ုန်ဘိူန်းတိုည်း တိုအီးဒါခံင်ယိူည်ႇ (71)အီးဒီန် တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်ပလိက်ဂဲ ဝီရ်ပ္လေႈဝီရ် တိုအီးဘြဲဆာအကျံင်အောႏ။
ဘံန်နှာမ်းရောတ် လံပ်တီုက်နာန်း1027ဒိူန် ခေဲင်ကုင်တအာင်း မိူဝ်ႈတိုအီးဒါ ခံင်ယိူည်ႇဂီန်းခည်အောႏ။ ဘံန် PSLF/TNLA ဘြောင်ချှာင်ကုင်လှံင်ဒီန် ဖုင်ပလိက်ဂဲ ရီန်ရေဲတ်ရေဲန်ဟာဝ်းဇီုင်းကာန်ဒံန်ခြဲတြားဥပဒေ တိူဝ်ႈဟာဝ်းတာမ်ဂ္လံက်ဒါင်းဒါင်းတဂဲ အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists