ခေဲင်ကျံရ်(3) ပဲန်ငံရ်က္လိုႇဟာဝ်း (6)လိူဝ်ႈ ချှူမ်ဟာဝ်းရိူန်း (1400)လိူဝ်ႈ ခေဲင်ကုင်တအာင်း
04 April 2025
ခေဲင်ကျံရ်(3) ပဲန်ငံရ်က္လိုႇဟာဝ်း (6)လိူဝ်ႈ ချှူမ်ဟာဝ်းရိူန်း (1400)လိူဝ်ႈ ခေဲင်ကုင်တအာင်း
ကုင်တအာင်း၊ ကျံရ်(၄)၊ ဆငည်း(၄)
ကုင်တအာင်း ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်းPSLF/TNLA ခေဲင်ကျံရ်(3) ပဲန်ငံရ်က္လိုႇဟာဝ်း (6)လိူဝ်ႈ ချှူမ်ဟာဝ်းရိူန်း (1400)လိူဝ်ႈ ခေဲင်ကုင်တအာင်း။
ဘံန်ဟောည်ႇဒေဲႈ ကျံရ် (3) ဆငည်း (1) အခိင် (1;13) မိနေတ် ပလှံမှိူမ်မှီတ် ဂေါည်ဇံင်သဲရီ ဇီုင်းနေမျို ဇူႈဝှါင်တေင်ပေါမ် စိ ပဲန်ငံရ်က္လိုႇဟာဝ်း ခေဲင်ဂါင် ဂြိုခြီုင်ပ်ုန်ချှူမ်ဟာဝ်း ကစုကပိုမ်ငေါႈခံန် (100) ဆဲန်အောႊ။
ကျံရ် (3) ဆငည်း (6) အခိင် (2;00)နြီဒီန် ပလှံင်ကိုက်ခည်း ရဝ်ဟိုခို ယာယူန် ဇူႈဝှါင်တေင်ပေါမ် စိ ပဲန်ငံရ်က္လိုႇဟာဝ်းခေဲင်ဂါင် ဂြိုခြီုင်ပ်ုန်ချှူမ်ဟာဝ်း ကစုကပိုမ်ငေါႈခံန် (13) ဆဲန်လိူဝ်း ငံရ်ကဆူမ်းအောႊ။
ကျံရ် (3) ဆငည်း (1) အခိင် (1;13) မိနေတ် ပလှံင်အေဲမ်ခြီရ် ရဝ်ဖာပြန် ဇီုဝ်တာညီအေးဟာဝ်းရေဲန်ကာန်း ဇူႈပ္လေးထာတ် ပဒူႈ စိပဲန်ငံရ်က္လိုႇဟာဝ်း ခေဲင်ဂါင် နံင် (1)လှေ ၊ ငေါႇ (2)လှေ ၊ တောပ်ဘိုး ရကာဝ် ဂြိုခြီုင်ပ်ုန်ချှူမ်ဟာဝ်း ကစုကပိုမ်ငေါႈခံန် (100)ဆဲန်လှိူဝ်ႏ ငံရ်ကဆူမ်ဟာဝ်းအောႊ။
ဘံန်ဟောည်ဒေဲႈ ကျံရ် (3) ဆငည်း (11) အခိင် (6;00) မိနေတ် ပလှံင်မာဝ်းဝံင်း ဂေါည် ဇံင်အင်ကြင် ယာခါဝ် (1) ပါး ဟောည်ႇဂူပ်ဖြား ဇူႈငံရ်တေန် စီ ပဲန်က္လိုႇငံရ်ဟာဝ်း ကျောင် (1)ကျောင်အောႊ။ ခေဲင်ကျောင်စဝ် ဂြိုခြီုင်ပ်ုန်ချှူမ်ဟာဝ်း ကစုကပိုမ်ငေါႈခံန် (180)ဆဲန်လှိူဝ်း ငံရ်ကဆူမ်ဟာဝ်းအောႊ။
ဘံန်ဟောည်ဒေဲႈ ကျံရ် (3) ဆငည်း (19) အခိင် (2;30) မိနေတ် ယာခါဝ် (1) ပါး ကုင်ငှေါ ရဝ်ဟူးဆွန် ဇူႈငံရ်တေန် တာကျော်ခံမ် ဘံန်ဟောည်နံင်ပေါမ် အာဝ်ပျံတ်ငံရ်ကတီးကရီး ဟာဝ်းပလိုန်မျံမ် စီပဲန်ငံရ်က္လိုႇဟာဝ်းခေဲင်ဂါင်။
ဂါင်ပဲန်ငံရ်ကဆူမ်ဒီန်မာ် စီကဆူမ်ကက္လိုႇတောပ်ဘိုးဂါင် (12)ဂါင် ဆဲႈဒီန် ပ်ုန်ငံရ်ကဆူမ်ဒီန် ဂါင်တေဲင် ကာည်း ဂါင်ကထာပ် ဂြိုခြီုင်ပ်ုန်ချှူမ်ဟာဝ်း ကစုကပိုမ်ငေါႈခံန် (40) ဆဲန်လှိူဝ်း ငံရ်ကဆူမ်ဟာဝ်းအောႊ။
ဘံန်ဟောည်ဒေဲႈ ကျံရ် (3) ဆငည်း (19) အခိင် (2;30) မိနေတ် ပလှံင်မာဝ်းဝံင်း ရဝ်မာန်ဆဲန် ဂေါႇမိူဝ်ႈရောဂါ လေႈ ယာဆဲင်ကွေ ဇူႈပထရီပဒူႈ ငံရ်ဝံရ် စီပဲန်က္လိုႇငံရ်ဟာဝ်းခေဲင်ဂါင်ဒီန်မာ် ဂြိုခြီုင်ပ်ုန်ချှူမ်ဟာဝ်း ကစုကပိုမ်ငေါႈခံန်( 34) ဆဲန်လှိူဝ်း ငံရ်ကဆူမ်ဟာဝ်းအောႊ။
ဇူႈချိုင် ဂေါႇမှည်ရောတ်ဒီန်မာ် ကူန်ရဝ်မာဂါင် ဒံန်ခြဲငံရ်အန္တရာတ်နီန် ခေဲင်ကပါႇကပံန် အိုမ်စာတ် ၊ အိုမ်ဒီဆယ် ဘိူန်းငှိူည်ကဆူမ် ဂြိုအီဂေါည်ခေဲင်ဂေါင် ပ္လါႇစေ ၊ ဂြို ၊ ပဲန် ၊ ဟြံင်း၊ ဝနိ၊ ပ္လါင် ၊ လိုအူဆထိ ခေဲင်ငံရ်နီန်၊ ဆဲႈဒီန် ခေဲင်ဂါင် ကနာည်အာဝ်ပဲန်ငံရ်ကဆူမ်း ဒီဒါငံရ်နီန် လိုအူဆထိပျံတ်ငံရ် ကာည်း အီဒါစာတ်ငံရ် ဒီပျံတ်ငံရ် ဘီရ်အူဆေဆေ ကတီးကရီးအောႊ။
#PSLF/TNLA
#တီုင်ပ္လေႈလေႈဆဒါင်
Comment Lists