ဖုင်အိုည်ဖုင်ဂဲ ဘိူည်ဇံင်အူန် ပ္လေါည်ကတီုက်ကပဴင်မာ် ကဒါႇဆီုက်ဘြာန်ဇေဝ်ဂဲ ထီမ်ဟိုက်ဒီဂေါည်တံပ်ဆခါန်း ဖုင်အိုည်ဖုင် ကာည်း ပနိုက်ရဲင်ဘ္လောမ်
04 April 2025
ဖုင်အိုည်ဖုင်ဂဲ ဘိူည်ဇံင်အူန် ပ္လေါည်ကတီုက်ကပဴင်မာ် ကဒါႇဆီုက်ဘြာန်ဇေဝ်ဂဲ ထီမ်ဟိုက်ဒီဂေါည်တံပ်ဆခါန်း ဖုင်အိုည်ဖုင် ကာည်း ပနိုက်ရဲင်ဘ္လောမ်
ကုင်တအာင်း၊ ကျံရ်(4)၊ ဆငည်း(4)
ဘဝ်ကီုက်ဒါင်း အိုည်ဖုင်ဂဲ ဂေါႇမိုႈပ်ုန်နောႈခေဲမ် တောပ်ကူန်ရဝ်မာဂါင် ကတူႈအီမ်ယာယူႈ ရိူရ်ႈလေႈပ္လါႇဘေဲႇဒါႈဇံင်ဟာဝ်းပ္လေါည်ကတီုက်ကပဴင် ကျံရ်(4)၊ ဆငည်း(1)ဒိူန်အောႏ။
ဘိူည်ရိူရ်ႈလေႈဇံင်ပ္လေါည်ကတီုက်ပဴင် ကျံရ်(4)၊ ဆငည်း(3) အခိင်ရဆံန်(၁၂း၀၀)နြီ ဆီုက်ဘြာန်ဇေဝ်ဂဲ ဒါယာန်ပ်ုရ် (7)ကြောင် ကာည်း ပဘိုပနိုက်ရဲင်ဘ္လောမ် ကဒါႇ ကျောက်ဂူ၊ တောင်ချေ၊ အမက(902)အောႏ။ ဆဲႈဒီန် ကဒါႇ ကလှံင်သပိတ်ကျင် ထာန်(7)မဲင်မာ် ဒါယာန်ပ်ုန်(4)လိူဝ်ႈ၊ ပ္လေဘျူင်(8)ပိုင် ရောတ်ဒေဲႈပဴင်ဟာဝ်းအောႏ။
ကဒါႇဆီုက်ဘြာန်ဂဲ ကျံရ်(4)၊ ဆငည်း(2) ရောတ် (20)ဆငည်း ဇံင်ဟာဝ်းပ္လေါည်ကတီုက်ကပဴင်။ ဆဲႈဒီန် ကီုင်းဂဲထုတ်လေႈပ္လါႇဘေဲႇပဇံင် ပ်ုန်နောႈခေဲမ်မာ် ဆီုက်ဘြာန်ဇေဝ်ဂဲ မိူဝ်ႈနောႈကယေင်တေဲင် ကူန်ရဝ်မာဂါင် ဒါယာန်ပ်ုန်ရောတ်ဒေဲႈပ္လေႈအောႏ။
ဘံန်ဟောည်ႇဒေဲႈ ကျံရ်(3)၊ ဆငည်း(28)ဒိူန် ဂေါႇကတူႈအီမ်ယာယူႈဒါင်း တောပ်ပွံတ်ဆငည်း(3)နီန် ခေဲင်ကုင်ကပိုမ် တိုအီးယံမ်း(3085)အီး၊ တိုအီးကတူႈဘာတ်(4715)အီး ကာည်း တိုအီးဟြာည်ဂေါည်(341)အီးထာန်အီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists