ပလိက်ကုင်တအာင်း ဘိူန်းဒေတိုည်း တိုအီးကဇိူရ်ႈကယံင်းခံင်ယိူည်ႇ(1)အီး ကာည်း တိုအီးဒါခံင်ယိူည်ႇ (50)အီး ပလှံင်ရူကော
10 April 2025
ပလိက်ကုင်တအာင်း ဘိူန်းဒေတိုည်း တိုအီးကဇိူရ်ႈကယံင်းခံင်ယိူည်ႇ(1)အီး ကာည်း တိုအီးဒါခံင်ယိူည်ႇ (50)အီး ပလှံင်ရူကော
ရူကော၊ ကျံရ်ဖိုန်၊ ဆငည်း(10)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း PSLF/TNLA ပလိက်ကုင်တအာင်း ဘိူန်းဒေတိုည်းတိုအီးကဇိူရ်ႈကယံင်းခံင်ယိူည်, (1)အီး ကာည်း တိုအိီးဒါခံင်ယိူည်ႇ (50)အီး ပလှံင်ရူကော၊ အိူင်အိုမ်ယ်ုရ်၊ ခေဲင်ကုင်တအာင်း။
ဘံန်ဟောည်ႇဒေဲႈ ကျံရ်အိုည် ဆငည်း(19)ဒိူန် ဖုင်တီုင်ဒါင်းပလိက်၊ အိူင်ပလိက် ကာည်း လှံင်ပလိက်ဂဲ ကပိုမ်ဒေ စေတ်ဆေးဟာဝ်း ဂိက်ဒီနံင်လီပ်ခေဲင်လှံင် ကာည်း ခေဲင်ရဝ်ကဲနီန်၊ ဘိူန်းဒေတိုည်း တိုအီးကဇိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇဂီုန်း။
ပ်ုန်ဘိူန်းတိုည်းဟာဝ်းကဲဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA ပလိက်ကုင်တအာင်းဂဲ နှာင်းတိူဝ်ႈလာည်းဟာဝ်းအရေးတောပ်လိူည်ဘာည်း ဥပဒေ။ PSLF/TNLA နှာင်းတိုန်းဟာဝ်း တိုအီးဒါခံင်ယိူည်ႇကဲနီန် ဘြဲဆားအချံင် ပဂါင်ဆပယ်ဆငါး လှေင် (6)ကျံရ်၊ ဆာ်မိုႈ တိုအီးကဇိူရ်ႈကယံင်းခံင်ယိူည်ႇကဲနီး နှာင်းတိုန်းဒဲႈဟာဝ်း ဂဲလီပ်ကဘေဲမ်။
ဆန်ုမ် 2025နီန် PSLF/TNLA ပလိက်ကုင်တအာင်းဂဲ ဂေါႇဂဲဘိူန်းရေဲန်ဟာဝ်းလံပ်တီုက်ယာႈအရေးခံင်ယိူည်ႇနီး ခေဲင်အိူင်(5)အိူင်၊ လှံင်(17)လှံင် မှည်အာည်ႇနီန် ဘိူန်းတိုည်းဟာဝ်း တိုအီးကဇိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇဂီုန်း။ ပ်ုန်ဘိူန်းတိုည်း တိုအီးဒါခံင်ယိူည်ႇဂဲနီန်မာ် နှာင်းဝီရ်ဘြဆားဒဲႈဟာဝ်းအချံင်ဂဲ။
ပလှံင်မိုဂူႈ ကာည်း လှံင်မှိူမ်မီုတ် ဘံန်ဟောည်ႇဒေဲႈ ခေဲင်ကျံရ်အာရ် ကာည်း ကျံရ်အိုည်ဒိူန် တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ပလိက်ဂဲ ဘြဲဆားဒဲႈအချံင် တတိုအီးဒါခံင်ယိူည်ႇ(164)အီး ဟောည်ႇပ္လေႈဝီရ်ဒဲႈကဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists