ပလှံင်ရူကော PSLF/TNLA အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဆပယ်ဆငါးဟာဝ်းညှိူဝ် ခေဲင်တပ္လေါင်အိုမ်
10 April 2025
ပလှံင်ရူကော PSLF/TNLA အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဆပယ်ဆငါးဟာဝ်းညှိူဝ် ခေဲင်တပ္လေါင်အိုမ်
လှံင်ရူကော၊ ကျံရ်ဖိုန်၊ ဆငည်း(10)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်ရူကော တံပ်အွံရ်ပ်ုန်လောတ်ကပီုန်တအာင်း PSLF/TNLA အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဆပယ်ဆငါးဟာဝ်း ညှိူဝ် ခေဲင်တပ္လေါင်အိုမ်။
တပ္လေါင်အိုမ်နီန် တောန်ဆန်ုမ် ဆာ်ရောတ်ဒေဲႈ အခိင်က္လာည်း ဂေါႇအ်ုန်ပဲန်အိုမ်ဒါင်း၊ အိုမ်လှည်ဂဲနီန်၊ အီရံပ်ဇီုင်းကပ္လိူင် လှံင်ရူကောဂဲ စီဆာ်ႈအွံရ် ကစုကပိုမ်တောပ် ကူန်ရဝ်မာဂါင်ဂဲ ရေဲန်ဟာဝ်း ဆပယ်ဆငါး နှာင်းအာဝ်ပဲန်ဒေဲႈ အိုမ်ဒါင်းလှည်ဘည်ဒီန်။
ခေဲင်တပ္လေါင်အိုမ်ဒီန် ဘံန်ဟောည်ႇဒေဲႈ ကျံရ်ဖိုန် ဆငည်း(2)ဒိူန် အီးရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ တိုအီးဂေါည်(200)အီး ကစုကပိုမ်ဒေ ရေဲန်ဆပယ်ဆငါးဟာဝ်း ညှိူဝ်၊ ခါည်၊ တံင်ဟေအီးလေႈဘိူန်ဒေဲႈ ကာည်း ကာႇဟေ အီးမိူဝ်ႈခေဲင်တပ္လေါင်အိုမ်ဂဲဒီန်။
တပ္လေါင်အိုမ်နီန် ဘံန်ဟောည်ႇဒေဲႈ ဆန်ုမ် 2024၊ ကျံရ်ဖံန် ဆငည်း(22)ဒိူန် ဂေါႇဘြည်က္လာည်းဒါင်း ပလှံင်ရူကော ပဲန်အိုမ်ဒါင်းလှည် ဂြိုခြီုင်ကူန်ရဝ်မာဂါင်ဂဲ ကဆူမ်းဟာဝ်းဂီုန်း၊ တေဲင်ဒေင်ဒါင်းမာ် ပဲန်ဟာဝ်းအိုမ်ဒါင်းလှည်ဘည်ဒီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists