ကျံရ်အာရ်၊ ဆငည်း(12) အခိင်ရမှိဝ်(7:30)နြီ ဖုင်ပလိက်ကုင်တအာင်းဂဲ ဘိူန်းဆဒါင် ဒါ်ႈ တာဝူန်စော ဘိူန်းအဆာက်(36)ဆန်ုမ် မိူဝ်ႈခံင်ယိူည်ႇႎံင် (4)ထုတ်၊ ထုတ်ဒဲ့(22)ထုတ် ကစုကပိုမ် ထာန်ဇံန်(1462.6)ဂရမ် ကာည်း ပယာယီမွှေး ခံင်ယိူည်ႇလူည် ဂေါည် (126.4)ဂရမ် တောပ် ကအာင်ယာမ(113.6)ဂရမ်) ဘိူန်းတိုည်းဟာဝ်းအောႏ။
ဒီရ်;ကဇေန်နီး
ကျံရ်တီမ်၊ ဆငည်း(7)ဒိူန် အခိင် ရမှိူဝ်(11:00)နြီ တာနဲင်ထူန် ဘိူန်းအဆာက်(40)ဆန်ုမ် ဇူႈပရဝ်ကုင်မှု ႎီရ်ကဒါႇကုင် ဖုင်ပလိက်ကုင်တအာင်းဂဲ စေတ်မေန်း ကပျာဝ်းငဲႇအ်ုန် စီယိူဝ်း ကအာင်းဆနံမ်WY ဟံပ်ခေဲင်ကဘဲဝ်ငံရ်ထာက် (1)ထုတ်အောႏ။
ကျံရ်တီမ် ဆငည်း(8) ဆီုက်ဘြာန်ဇေဝ်ဂဲ ဒါနောႈကယေင်တေဲင်ကူန်ရဝ်မာဂါင်ဂဲ အခိင်ခီညှာဇေဝ်း(12:31)မိနေတ်ဒိူန် ဂဲဒါယာင်ပ်ုရ် ပဴင်ပ္လေဘျုင်(3)ပိုင်း ကာည်း အခိင်(12:50)မိနေတ်ဒိူန် ဒါဒရိုင်းပဴင်ပ္လေဘျုင်(2)ပိုင်း ပရဝ်လောည်ခေါ် လံက်လူလှဲဝ်ႏဟာဝ်း ငှေါနားကူန်ရဝ်မာဂါင်ဂဲ။
ကောန်အီမာည်းဂဲဒီန် တားရှောလဲင် ဘိူန်းအဆာက်(26)ဆန်ုမ်၊ တားလဲင်ချန့် ဘိူန်းအဆာက်(23)ဆန်ုမ်၊ မာည်းအံင်ဟိန်း ဘိူန်းအဆာက်(20)ဆန်ုမ် ကာည်း တားအံင်မိန်း ဘိူန်းအဆာက်(32)ဆန်ုမ်ဂဲဒီန် ဖုင်ပလိက်ကုင်တအာင်းဂဲ နံင်လာည်းဟာဝ်းအရေး တောပ်ဘည်ဥပဒေ အရေးခံင်ယိူည်ႇဒီန်အောႏ။
ဆငည်းအမှိူဝ်ဒိူန် စူန်အံပ် 5:50 ထာန်နီး ဆီုက်ဘြာန်ဇေဝ်ဂဲ မိူဝ်ႈနောႈကယေင်ဒါင်းဒါင်း လာလီနဘာည်းတေဲင်ကူန်ရဝ်မာဂါင်ဂဲ ဒါယာင်ပ်ုရ် ရောက်ဒေပ္လေႈပ္လေဘျုင် ပလှံင်မာဝ်းဝံင်း၊ ဇံင်မျောက်ကုင် လံက်ဟာဝ်းဂါင်ဂေါည် 5ဂါလူလှဲဝ်ႈဟာဝ်းဒိုည့်အောႏ။
အမှိူဝ်ဒိူန် အခိင် ရဆံန်(12:22)နြီထာန်နီန်း ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲ;ပ္လေႈဘျုင် ပလှံင်မာဝ်းႎံင်း ကဒါႇ ရဝ်ပါင်သပျေ ကာည်း ရဝ်ပါင်ကွမ် လံက်ဟာဝ်း ကောန်အီပ်ုန်(1)အီး ကတူႈဖေးဘာတ် ကာည်း ဂါင်ဂေါည်(4)ဂါင် လူလှဲဝ်ႏဟာဝ်းအောႏ။
ပ်ုန်ဒီရ်;ဂီုန်း
