08 October 2025

ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ပဇံင်ဆဲတ်ဆု လှံင်ဆဘော လံက်ဟာဝ်းတောပ်ဘိုး ကျောင်ပနောဘေဲႇ၊ ကျောင်စဝ်ကာည်း ဂါင်(13)ဂါင်လူလှဲဝ်ႏ

ဆဘော၊ ကျံရ်အူကိူရ် ဆငည်း(8)

ဆဒါင်ကုင်တအာင်း 

ကုင်တအာင်း၊ အိူင်မာဝ်းႎံင်း၊ လှံင်ဆဘော၊ ဂေါႇဆီုက်ဘြာန်ဇေဝ်ဂဲ ရောတ်ဒေဲႈပဴင်ပ္လေဘျုင် လံက်ဟာဝ်း​တောပ်ဘိုး ကျောင်ပနောဘေဲႇ၊ ကျောင်စဝ်ကာည်း ဂါင်(13)ဂါင်လူလှဝ်ႏ။ 

ကျံရ်အူကိူရ် ဆငည်း(4) အခိင်ရမှိူဝ်(8:30)နြီဒိူန် ဆီုက်ဘြာန်ဇေဝ်ဂဲ ဒါနောႈကယေင်တေဲင်ကူန်ရဝ်မာဂါင်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် ထာန်ဇံန်(250) ပဇံင်ဆဲတ်ဆု(1)ပိုင်း၊ ကျောင်အ.ထ.က(2) (1)ပိုင်းကာည်း ပရဝ်ကျောင်ဆု(2)ပိုင်း ကစုကပိုမ်(4)ပိုင်း။ 

ဂေါႇပ္လေဘျုင်ပဲင်ဆီုက်ဘြာန်ဇေဝ်ဂဲ လံက်ဟာဝ်းကျောင်ပနောဘေဲႇ(1)ကျောင်၊ ကျောင်စဝ်(1)ကျောင်ကာည်း ဂါင်(13)ဂါင်လူလှဲဝ်ႏ။ 

ဆဲႈဒါႇဒီန် ကျံရ်အူကိူရ် ဆငည်း(4) ခေဲင်အူဆငည်းဒီန် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ပရဝ်မာန်ဟဲ၊ ရဝ်အုံမု၊ ရဝ်စိန်တီကာည်း ရဝ်ဆဲတ်ဆု လှံင်ဆဘော။ ခေဲင်အူဆငည်းဒီန် ဂဲဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် (4)ပိုင်း။ 

မိုႈဘိုး ဆငည်းဒီန် အခိင်ရဆံန်(12:28)မိနေတ်ဒိူန် ဂဲဒါဇဲတ်ႎှည်တာ ရောတ်ဒေဲႈပဲင်ပ္လေဘျုင် ထာန်ဇံန်(250)(2)ပိုင်း ပရဝ်တီုင်ဟျော လှံင်အိုမ်ယ်ုရ် လံက်ကောန်ဒဲႇ(2)အီး ယံမ်း၊ (9)အီး ကတူႈဖေးဘာတ်။ 

ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။ 

ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်း ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်း လည်ဒေပဴင်​ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။ 

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း