ပလှံင်ကိုက်ခည်း ကောန်အီပ်ုန်ဒဲႇအူအီး ကတူႈအီးလူည်ႇအမှုငံန် ပယံမ်းဟာဝ်း
05 October 2025
ပလှံင်ကိုက်ခည်း ကောန်အီပ်ုန်ဒဲႇအူအီး ကတူႈအီးလူည်ႇအမှုငံန် ပယံမ်းဟာဝ်း
ကိုက်ခည်း၊ ကျံရ်အူကိူရ် ဆငည်း(5)
ဆဒါင်ကုင်တအာင်း
ကုင်တအာင်း၊ အိူင်ကိုက်ခည်း၊ လှံင်ကိုက်ခည်း၊ ဇံင်(8) ကောန်အီပ်ုန်ဒဲႇအူအီး ကတူႈအီးလူည်ႇအမှုငံန် ပယံမ်းဟာဝ်းအ်ုန်အောႏ။
ဘံန်ဟောည်ႇဒေဲႈ ကျံရ်အူကိူရ် ဆငည်း(2) အခိင်စူန်အံပ်(3)နြီဒိူန် ကဝ်အီဇီုဝ် မဆျှိုည်ညေင် အဆာက်(8)ဆန်ုမ် ဂေါည်ခေဲင်ဇံင်(8) အခိင်ဝီရ်ဒေဲႈ ပကျောင်ရောတ်တဒေင်ဂေါက်ကွင်း (ဒီငါ်ႈဂေါက်)ဒိူန် မိူဝ်ႈအီမာည်းအူအီး တောႇဟာဝ်းအ်ုန်ခေဲင်ယူပ် ပ္လေဲဝ်လူည်ႇအမှုငံန် ပယံမ်းဟာဝ်းအ်ုန်ဘည်ဒီန်အောႏ။
ဝါည်ဒီန် စီဝီရ်ယိူဝ်း တိုပိုင်းယံမ်း မဆျှိုည်ညေင်ဒီန် တပြောဂေါက်ကွင်း ဒီရမောင်အ်ုန် ယိူဝ်းမိူဝ်ႈငျားဘိုတ်က္လဟာဝ်းဘည်ဒီန်၊ ဒီပဲန်အမှုဒီန် ဖုင်ပလိက်လှံင်ကုင်တအာင်းဂဲ ဟာဝ်းစေတ်ဆေး ကနာည်နံင်ဘိူန်းတိူဝ်ႈလာည်းအရေး နှာင်းဆီုပ်တခေါရ်ဟာဝ်း ကဝ်အီလူည်ႇအမှုငံန်ဒီန်အောႏ။
ဘံန်ဟောည်ႇဒေဲႈ ကျံရ်ဖိုန် ဆငည်း(18)ဒိူန်မာ် ပလှံင်အိုမ်ယ်ုရ် ကောန်ဒဲႇအူအီး ဘိူန်းအဆာက်(5)ဆန်ုမ် ကတူႈကဝ်မိုႈႎည်အ်ုန် ပ္လေဲဝ်လူည်ႇဟာဝ်း အမှုငံန်တအ်ုန်ဘည်ဒီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists