ခေဲင်ကျံရ်တီမ်ဒိူန် ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ(6)အီး ကာည်း တိုအီးဒါခံင်ယိူည်ႇ(43)အီး
05 October 2025
ခေဲင်ကျံရ်တီမ်ဒိူန် ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ(6)အီး ကာည်း တိုအီးဒါခံင်ယိူည်ႇ(43)အီး
ကုင်တအာင်း၊ ကျံရ်အူကိူရ် ဆငည်း(5)
ဆဒါင်ကုင်တအာင်း
ကုင်တအာင်း၊ အိုမ်ယ်ုရ်၊ အိုမ်ငျံရ်၊ ရူကော၊ ဆဘော၊ အေဲမ်ခြီရ် ကာည်း မူစယ် ခေဲင်ကျံရ်တီမ်ဒိူန် ဖုင်ပလိက်ကုင်တအာင်းဂဲ ဘိူန်းဒေတိုည်း တိုအီးကဇိူရ်ႈကယံင်းခံင်ယိူည်ႇ(6)အီး ကာည်း တိုအီးဒါခံင်ယိူည်ႇ(43)အီး။
ခေဲင်လှံင်အိုမ်ယ်ုရ် အခိင်ဖုင်ပလိက်လှံင်ကုင်တအာင်းဂဲ ရေဲန်ဇီုင်းကာန်စေတ်ဆေးဒိူန် ဘိူန်းတိုည်းတိုအီဒါခံင်ယိူည်ႇ (7)အီး ကာည်း အီကဇိူရ်ႈကယံင်းခံင်ယိူည်ႇ (1)အီး ယိူဝ်းကဂေါပ်တာပ် ဖိင်လူည်း(1)ထူပ်၊ ဖိင်လူည်းဟံပ်အူန်း LIPOVITAN-Dက(3)ကဘဲဝ်၊ ဖိင်လူည်းဟံပ်အူန်း ခေဲင်ကဘဲဝ်ငံရ်ချီုတ်(2)လှေ၊ ကအာင်ယာမ(15)ကအာင်၊ ဘိူန်းကဂေါပ်တာပ်ဂြိုခြီုင်အီကဆဲင်ခံင်ယိူည်ႇကဲနီန်။
ခေဲင်လှံင်အိုမ်ငျံရ် အခိင်ဖုင်ပလိက်လှံင်ကုင်တအာင်းဂဲ ရေဲန်ဇီုင်းကာန်စေတ်ဆေးဒိူန် ဘိူန်းတိုည်းတိုအီးဒါခံင်ယိူည်ႇ (10)အီး။ ဆဲႈဒီန် ပလှံင်ရူကော ဘိူန်းတိုည်း အီကဇိူရ်ႈကယံင်းခံင်ယိူည် အီမာည်း(2)အီးကာည်း အီဒါခံင်ယိူည်ႇ(9)အီး ယိူဝ်းကဂေါပ်တောပ်ဖိင်လူည်းဟံပ်အူန်း ခေဲင်ကဘဲဝ်အိုမ်ငါမ်း(1)ကဒည်ကဘဲဝ်ကာည်း ကအာင်ယာမ(45)ကအာင်။
မိုႈဘိုး ပလှံင်ဆဘော တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်းဂဲ ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ ကောန်အီမာည်း(2)အီး ကာည်း အီဒါခံင်ယိူည်ႇ ကောန်အီမာည်း(1)အီး ယိူဝ်းကဂေါပ်တောပ် ကအာင်ယာမ(1)ထူပ်ကာည်း ဖိင်လူည်းကဲနီန်။
ခေဲင်လှံင်အေဲမ်ခြီရ် အခိင်ဖုင်ပလိက်လှံင်ကုင်တအာင်းဂဲ ရေဲန်ဇီုင်းကာန်စေတ်ဆေးဒိူန် ဘိူန်းဒေတိုည်း တိုအီးဒါခံင်ယိူည်ႇ အီမာည်း(11)အီး။ ဆဲႈဒီန် ပလှံင်မူစယ်မာ် ဘိူန်းတိုည်း အီဒါခံင်ယိူည်ႇ (2)အီး ယိူဝ်းကဂေါပ်တာပ် ဖိင်လူည်းဟံပ်အူန်း ခေဲင်ကဘဲဝ်ငံရ်ချီတ်(1)ကဘဲဝ် ကာည်း ဖိင်လူည်းဟံပ်အူန်း တကဘဲဝ်ဒဲႇ(3)ကဘဲဝ်။
မိုႈဘိုး ပလှံင်မိူင်မီတ် အခိင်ဖုင်ပလိက်ကုင်တအာင်းဂဲ ရေဲန်ဇီုင်းကာန်စတ်ဆေးအရေးခံင်ယိူည်ႇ စီဘိူန်းတိုည်း တိုအီဒါခံင်ယိူည်ႇ အီမာည်း(1)အီး ယိူဝ်းကဂေါပ်တောပ် ကအာင်းယာမ(20)ကအာင်းကာည်း ႎှုင်(Oppo)အူပိုင်း။ ဆဲႈဒီန် ပလှံင်မိူင်လိုင် စီဘိူန်းတိုည်း တိုအီဒါခံင်ယိူည်ႇ ကောန်အီမာည်း (2)အီး ယိူဝ်းကဂေါပ်တောပ် ကအာင်ယာမ(5)ကအာင်။
ပလှံင်မိုဂူႈ အခိင်ဖုင်ပလိက်ကုင်တအာင်းဂဲ ရေဲန်ဇီုင်းကာန်စတ်ဆေးအရေးခံင်ယိူည်ႇ စီဘိူန်းတိုည်း ကောန်အီမာည်း(1)အီး ယိူဝ်းကဂေါပ်တောပ် ဖိင်လူည်းဟံပ်အူန်း ခေဲင်က္လောက်ဆပျာ(2)က္လောက်၊ ဟံပ်အူန်းဘိုး ဖိင်လူည်းခေဲင်ကဒည်ကဘဲဝ်အိုမ်ငါမ်း ကာည်း ကအာင်ယာမ(504)ကအာင်ကာည်း ႎှုင်အူပိုင်း။
ဆာ်မိုႈကညာ ဂဲအီယံင်းခံင်ယိူည်ႇဒီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်းဂဲ နှာင်းလာည်းဟာဝ်းတောပ်ဘည်ဥပဒေ အရေးခံင်ယိူည်ႇ အီဒါကဲနီန် နှာင်းတိုန်းဟာဝ်းဂဲ ဒီဂါင်ဆငါး ဘြဲဆားအချံင်ကဲအာ။
ဘံန်ဟောည်ႇဒေဲႈ ကျံရ်တာရ်ဒိူန် ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ(11)အီး ကာည်း အီဒါခံင်ယိူည်ႇ (12)အီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists