ကျံရ်အာရ်၊ ဆငည်း(12) အခိင်ရမှိဝ်(7:30)နြီ ဖုင်ပလိက်ကုင်တအာင်းဂဲ ဘိူန်းဆဒါင် ဒါ်ႈ တာဝူန်စော ဘိူန်းအဆာက်(36)ဆန်ုမ် မိူဝ်ႈခံင်ယိူည်ႇႎံင် (4)ထုတ်၊ ထုတ်ဒဲ့(22)ထုတ် ကစုကပိုမ် ထာန်ဇံန်(1462.6)ဂရမ် ကာည်း ပယာယီမွှေး ခံင်ယိူည်ႇလူည် ဂေါည် (126.4)ဂရမ် တောပ် ကအာင်ယာမ(113.6)ဂရမ်) ဘိူန်းတိုည်းဟာဝ်းအောႏ။
ဒီရ်;ကဇေန်နီး
ဘည်မိုႈဘည်ဘာည်းအ်ုန် ကျံရ်တီမ် ဆငည်း(26) အခိင်ခီညှာ(11:28)မိနေတ်ဒိူန် ဆီုက်ဘြာန်ဇေဝ်ဂဲ ဒါနောႈကယေင်တေဲင် ကူန်ရဝ်မာဂါင်ဂဲ ဒါဒရိုင်းရောတ်ဒေဲႈပဴင်ပ္လေဘျုင် ပပါပိုက် လံက်အီမာည်း အဆာက်(61)ဆန်ုမ် ယံမ်းဟာဝ်းပွံတ်ကဆီုဝ်ဒီန် ကာည်း ဂါင်ဂေါည်(1)ဂါင် လူလှဲဝ်ႏ။
ဘံန်ဟောည်ဒေဲႈ ကျံရ်တီမ် ဆငည်း(23)ဒိူန် အာဝ်မိူဝ်ႈပဲန်ကတီုက်ကပဴင်မာ် ဂေါႇဆီုက်ဘြာန်ဇေဝ်ဂဲ ဒါပ္လေဒါင်းပဴင်လီပ် ခေဲင်ရဝ်ပီန်ပေါ လံက်ဟာဝ်းတာဆံန်လူန်အီးယံမ်းပွံတ်ကဆီုဝ်ဒီန်၊ ကဝ်အီမိုႈအီပ်ုန်အ်ုန် ယာနီနီကာည်း ကောန်အ်ုန် ဆုနဒီလူန် စီကတူႈဖေးဘာတ်။
ဆီုက်ဘြာန်ဇေဝ်ဂဲ အီဂေါည်ခေဲင်လှံင်လာဆေဝ် တိုန်းလေႈတိုအီးဂဲ ကနာည်နှာင်းရေဲန်ဒဲႈ ကညာလံပ်ထေဝ်စဲမ် ဒဲႈဆဒါင်တဂဲ ဒီဘြောင်ချှာင်ခေဲင်ကုင်လှံင် တံပ်ပ်ုန်လောတ်ကပီုန်တအာင်း- PSLF/TNLA ဒီမိုႈ ဘည်ဂိက်၊ ရဲင်ဘ္လောမ်တိုအီး ဂေါည်ပဂိက်၊ ဘည်မိူဝ်ႈလာက်နာက်၊ ဒီဂေါည်တံပ်ဆခါန်း ကာည်း ဘည်ဒီမိူဝ်ႈတိုအီးဂီုန်းကဲနီန်။
ကျံရ်တီမ် ဆငည်း(24) အခိင်ရဆံန်(1:08)မိနေတ်ဒိူန် အာဝ်မိူဝ်ႈပဲန်ကတီုက်ကပဲင်မာ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် တေဲင်ကျောင်စဝ် ပရဝ်ပီန်တီး၊ ဂေါႇပ္လေဘျုင်ပဴင် ဆီုက်ဘြာန်ဇေဝ်ဂဲဘည်ဒီန် လံက်လူလှဲဝ်ႏဟာဝ်း ကျောင်စဝ်ကာည်း ႎှါင်းဒီဆုင်ဆောမ်။
ကျံရ်တီမ် အမှိူဝ်ဆငည်း(22)ဒိူန် ကဝ်အီမိုႈ တာချီတ်အိုင်း (ဒါ်ႈ) အံင်ချီတ် အဆာက်ဘိူန်း(49)ဆန်ုမ် အခိင်အ်ုန်ရလှုဇီုင်းဒိူန် ဂေါႇအ်ုန်က်ုရ်ဆူရ်ဒေတျံင် ဖိင်လူည်း ကာည်း အိုမ်ဘာႈ စီပဲန်ဆျှောတ် ယံမ်းဟာဝ်း။
ကျံရ်တီမ် အမှိူဝ်ဆငည်း(22)ဒိူန် ကဝ်အီမိုႈ တာချီတ်အိုင်း (ဒါ်ႈ) အံင်ချီတ် အဆာက်ဘိူန်း(49)ဆန်ုမ် အခိင်အ်ုန်ရလှုဇီုင်းဒိူန် ဂေါႇအ်ုန်က်ုရ်ဆူရ်ဒေတျံင် ဖိင်လူည်း ကာည်း အိုမ်ဘာႈ စီပဲန်ဆျှောတ် ယံမ်းဟာဝ်း။
ဘံန်ဟောည်ႇဒေဲႈ ကျံရ်တီမ် ဆငည်း(17)ဒိူန် အခိင်ဖုင်ပလိက်လှံင်ကုင်တအာင်းဂဲ ရေဲန်ဇီုင်းကာန်စေတ်ဆေးဒိူန် ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ တာစီပေါက် အဆာက်(32)ဆန်ုမ် ကာည်း တာအတီ အဆာက်(40)ဆန်ုမ် ဘိူန်းတိုည်းကဂေါပ်တောပ်ဂါရ် ဖိင်လူည်းဟံပ်အူန်းကဘဲဝ်အိုမ်ငါမ်းကဒည်ကဘဲဝ်၊ ကဘဲဝ်ဒဲႇ(1)ကဘဲဝ် ကာည်း ဆနံမ်ယာမ(45)ကအာင်။
ဘံန်ဟောည်ႇဒေဲႈ ကျံရ်တီမ် ဆငည်း(17) အခိင်ရဆံန်(1)နြီဒိူန် အီမာည်းနီန် ဂါရ်ႎါးအ်ုန် အခိင်ဟာဝ်းတီပ်ဟြီုက်ဘံင်တဘြည်ဒိူန် အခိင်ဂါရ်ဆာင်းလာင်းဒေင် ငျားက္လလံက်မဴင်အူပိုင်းပ်ုန်ႎီုန်အူန်း ဆီုက်ဘြာန်ဇေဝ်ဂဲအာည်ႇနီန် ပဒူႈဟာဝ်း။
ကျံရ်တီမ် ဆငည်း(21) အခိင်ဘံန်ဆံန်(2:20)မိနေတ်ဒိူန် အာဝ်မိူဝ်ႈပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပ္လေဘျုင် ပလိုင်ဟျံင်အျံရ်တိုဆံတ် ရဝ်ဖြားအိုည်ဆူ။
ပ်ုန်ဒီရ်;ဂီုန်း
