ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ဘိုးပ္လေဘျုင် တပြောရဝ်အော်င်မျေ လှံင်မှိူမ်မီုတ်
11 October 2025
ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ဘိုးပ္လေဘျုင် တပြောရဝ်အော်င်မျေ လှံင်မှိူမ်မီုတ်
မှိူမ်မီုတ်၊ ကျံရ်အူကိူရ် ဆငည်း(11)
ဆဒါင်ကုင်တအာင်း
ကုင်တအာင်း၊ အိူင်မိုဂူႈ၊ လှံင်မှိူမ်မီုတ်၊ အာဝ်မိူဝ်ႈပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ဘိုးပ္လေဘျုင် ထာန်ဇံန်(250)(2)ပိုင်း ကာည်း ပ္လေဒါင်း(ရော့ကဒ်)(6)ပိုင်း။
ကျံရ်အကိူရ် ဆငည်း(10) အခိင်ရဆံန်(1:30)နြီ ဆီုက်ဘြာန်ဇေဝ်ဂဲ ဒါပ္လေဘျုင် ထာန်ဇံန်(250)(2)ပိုင်းကာည်း ပ္လေဒါင်း(ရော့ကဒ်)(6)ပိုင်း ရောတ်ဒေဲႈပဴင်ဘိုး တပြောရဝ်အော်င်မျေ လှံင်မှိူမ်မီုတ်။
မိုႈဘိုး ကျံရ်အူကိူရ် ဆငည်း(9)ဒိူန်မာ် အာဝ်မိူဝ်ႈပဲန်ကတီုက်ကပဴင်မာ် ဂေါႇဆီုက်ဘြာန်ဇေဝ်ဂဲနီန် ဒါဇဲတ်ႎှည်တာ ရောတ်ဒေဲႈပဴင်ဘိုး ပ္လေဘျုင် ထာန်ဇံန်(250)(3)ပိုင်း လံက်ဟာဝ်းတောပ်ကောန်ဒဲႇ(2)အီး ကူန်ရဝ်မာဂါင်ဂဲ (7)အီးယံမ်း၊ (8)အီး ကတူႈဖေးဘာတ်။ ဒါႇခူန်ဒီန် လံက်ဟာဝ်းဘိုး ဂါင်(10)ဂါင် လူလှဲဝ်ႏအောႏ။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းကာည်း ယာင်ပ်ုရ်ပဴင်ဆီုက်ဘြာန်ဇေဝ်ဂဲနီန် လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ဒီမိုႈ ပ်ုန်ဖုင်ကောန်တီုင်ကုင် အီးဘားလာက်နာတ်ဂဲကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ်၊ ဂဲဒါ ယာင်ပ်ုရ်၊ ပ္လေဒါင်း၊ ဒရိုင်းကဲနီန်လည်ဒေပဴင် ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲ ဘည်နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists