ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုးပ္လေဘျုင် ပရဝ်ညောင်ကိုင်း(ဂိုရ်)
17 October 2025
ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုးပ္လေဘျုင် ပရဝ်ညောင်ကိုင်း(ဂိုရ်)
မိုဂူႈ၊ ကျံရ်အူကိူရ် ဆငည်း(16)
ဆဒါင်ကုင်တအာင်း
ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုးပ္လေဘျုင် ထာန်ဇံန်(250)(2)ပိုင်း ပရဝ်ညောင်ကိုင်း(ဂိုရ်)၊ လှံင်မိုဂူႈ၊ အိူင်မိုဂူႈ၊ ခေဲင်ကုင်တအာင်း။
ကျံရ်အူကိူရ် ဆငည်းအဒိူဝ်နီး(16) အခိင်(7:30)နြီဒိူန် အာဝ်မိူဝ်ႈပဲန်ကတီုက်ကပဴင်မာ် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ပရဝ်ညောင်ကိုင်း(ဂိုရ်) လံက်လူလှဲဝ်ႏဟာဝ်း ပလိုင်းဒီဟျံင်အျံရ်အောႏ။
မိုႈဘိုး ဘံန်ဟောည်ဒေဲႈ ကျံရ်အူကိူရ် ဆငည်း(14)ဒိူန်မာ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင်(11)ပိုင်း ပရဝ်အိုမ်စောန် လှံင်အိုမ်ယ်ုရ် လံက်ဟာဝ်း ကောန်အီပ်ုန်(2)အီးယံမ်း၊ တောပ်ဘိုးကောန်ဒဲႇ ကူန်ရဝ်မာဂါင်ဂဲ (4)အီး ကတူႈဘာတ်၊ ဆဲႈဒါႇဒီန် လံက်ဟာဝ်းဘိုး မံက်(2)တိုယံမ်း၊ ဆဲင်ကယ်(6)ကြောင်ကာည်း တောပ်ဘိုးကျောင်(မူကြို) ဂါင်ဂေါည်(8)ဂါင် လူလှဲဝ်ႏဟာဝ်းအောႏ။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်း လည်ဒေပဴင်ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists