ဖုင်ကပါင်းခေါခါႇတအာင်း-( Ta’ang Health Organization -THO) ကာည်း ကောင်ဆံရ်ခေါခါႇကုင်တအာင်း-(Ta’ang Land Health Council -THC) ကပိုမ် ထိုးဒဲႈဆနံမ်းဒံန်ခြဲ တကောန်ဒဲႇအဆာက်(10)ဆန်ုမ်လေႈရခြူမ် ကာည်း မာကောန်ဒဲႇတိုဇံန် ပလှံင်အိုမ်ယ်ုရ် ၊ ခေဲင်ကုင်တအာင်း။
ဒီရ်;ကဇေန်နီး
ခေဲင်ကျံရ်ကိူရ်အာရ်နီန်း တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ကောန်အီပ်ုန် ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင် ဒဲႈလောင်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်(45)ရဝ်။
တားတီုင်အွံရ် တံပ်အွံရ်ပ်ုန်လောတ်ကပီုန်တအာင်း-PSLF/TNLA ခူန်ချုဒါင်း တားအဘုင်ကာည်း ခူန်ချု တားဘုင်ကျော် ဟိုက်ရောတ်ပ္လေါည်အာပ်ဒဲႈဘွည်ႇဒီပလိုမာ ကုင်မျံမ် ကျောင်တီုင်အိုမ်အရေးကုင်(Tea Land School Of Political Science- TLSPS) လိူဝ်ႈ(3)၊ ပ္လေါည်အာပ်ဒဲႈဘွည်ႇဒီပလိုမာနီး ရေဲန်ဟာဝ်းခည်မိုႈ ကျံရ်ကိူရ်အာရ် ဆငည်း(25) အခိင်ခီညှာ(9:00) ရောတ်စာ်မ်း ရဆံန်(12:00)နြီအောႏ။
ဖုင်တီုင်ခေါခါႇကောင်ဆံရ် ကုင်တအာင်း-THC ဂဲ ဘယ်ထိုဒဲႈ ဆနံမ်း ထိင်ခြဲကနာည်တို တကောန်ဒဲ့ ဘိူန်းအဆာက်( 5 )ဆန်ုမ်လေႈရခြူမ် (2076)အီး ကာည်း အီဂေါည်တတိုဇံန် (311)အီး ပလှံင်အိုမ်ယ်ုရ် ကာည်း လှံင်အေဲမ်ခြီရ် အောႏ။
ဘည်မိုႈအ်ုန် ဘံန်ဟောည်ႇဒေဲႈ ကျံရ်ကိူရ်အာရ် ဆငည်း(16) အခိင်စူန်အံပ်(3:30)နြီဒိူန် ကားတာင်မာဝ်းအူကြောင် ပဲန်ကပ္လါႇ ဒီဒေင်ကောက်လေႈ ပရဝ်တိုင်ခါန်ဒိူဝ်ႇ။
ပ်ုန်ဒီရ်;ဂီုန်း
