ကော်မတီဆပဲဆငါးလှံင်အိုမ်ယ်ုရ်ဂဲ တောပ်စေတ်ဆေ ကနံဝ်ဘည်ရေဲန်ဇီုင်းကာန် ကာည်း ရေဲန်ဒဲႈကနံဝ်ဇီုင်းကာန်
14 August 2026
ကော်မတီဆပဲဆငါးလှံင်အိုမ်ယ်ုရ်ဂဲ တောပ်စေတ်ဆေ ကနံဝ်ဘည်ရေဲန်ဇီုင်းကာန် ကာည်း ရေဲန်ဒဲႈကနံဝ်ဇီုင်းကာန်
အိုမ်ယ်ုရ်၊ ကျံရ်တာရ်၊ ဆငည်း(14)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ် တံပ်အွံရ်ပ်ုန်လောတ်ကပီုန်တအာင်း PSLF/TNLA ကော်မတီဆပဲဆငါးလှံင်အိုမ်ယ်ုရ်ဂဲ တောပ်စေတ်ဆေ ကနံဝ်ဘည်ရေဲန်ဇီုင်းကာန် ကာည်း ရေဲန်ဒဲႈကနံဝ်ဇီုင်းကာန် ကျံရ်တာရ်၊ ဆငည်း(9) ရောတ် ဆငည်း(12)။
ခေဲင်ဘည်စေတ်ဆေကဲဒီန် ဖုင်ဆပဲဆငါးလှံင်၊ ပလိက်လှံင်၊ ဖုင်ပျဲတ်ငံရ် ကာည်း တာဘြောင်ချှာင်ဇံင် ကစုကပိုမ်ဒေစေတ်ဆေဟာဝ်း ပ်ုန်ဟောမ်ပ်ုန်ဒါ၊ ဂြူခြီုင်းပ်ုန်ဒါ ကာည်း ဂြူပ်ုန်ဒါတောန်ဆငည်း ခေဲင်ဆန်ုမ်2026နီန် ကနံဝ်ဇီုင်းကာန် မိူဝ်ႈအာဝ်မိူဝ်ႈ တောႇစေတ်ဆေဟာဝ်း အာဝ်မိူဝ်ႈရေဲန်ဒဲႈဟာဝ်း။ ခေဲင်စေတ်ဆေဒီန် ကညာအီရေဲန်ဇီုင်းကာန်ဂဲ ဆာ်အာဝ်မိူဝ်းကနံဝ်ရေဲန်ဇီုင်းကာန် စိရေဲန်ဒဲႈဟာဝ်းပွံတ်အောႏ။
ဆဲႈဒီန် အခိင်အာဝ်စေတ်ဆေမာ် တိုန်းဆဒါင် တတာဘြောင်ချှာင်ဇံင်၊ ခေဲင်ဇံင် ကာည်း တကညာဆဲင်ဂဲ။ ဘ်ုန်ဒီန် ကဆီုဝ်ကညာဆဲင်ဂဲ လိုရေဲန်ကနံဝ်ဇီုင်းကာန် ဆာ်အီရံပ်ဇီုင်းပ္လိူင်ဂဲ လီပ်စေတ်ဆေ ဆာ်အာဝ်ယိူဝ်း ကနံဝ်ဇီုင်းကာန်ဒီန် နှာင်းလာည်ဟာဝ်းအရေး တောပ်ဘည်ဥပဒေအ်ုန်အောႏ။
မိုႈဘိုး ဘံန်ဟောည်ႇဒေဲႈ ကျံရ်ဖံန်၊ ဆငည်း(26) ခေဲင်လှံင်ရူကောမာ် တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ပလိက်လှံင် ကာည်း အီရံပ်ဇီုင်းကပ္လိူင်ခေဲင်တီုင်ဌာန ကစုကပိုမ်ဒေ တောႇစေတ်ဆေဟာဝ်း ပ်ုန်ဟောမ်ပ်ုန်ဒါ အ်ုန်အီဆန်ုမ်ဒိုႇ။
#PSLF/TNLA
#တီုင်ပ္လေႈလေႈဆဒါင်
Comment Lists