တီုင်ဌာနလှံင်ကုင်ငှေါဂဲ ကပိုမ်ဒေ ႎီရ်ဘြဲဆား ဒေင်အ်ုန်လူလှဲဝ်ႏ ဂေါႇအိုမ်ဒါင်းလှူပ်
14 August 2026
တီုင်ဌာနလှံင်ကုင်ငှေါဂဲ ကပိုမ်ဒေ ႎီရ်ဘြဲဆား ဒေင်အ်ုန်လူလှဲဝ်ႏ ဂေါႇအိုမ်ဒါင်းလှူပ်
အိုမ်ယ်ုရ်၊ ကျံရ်တာရ် ဆငည်း(14)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ပလှံင်ကုင်ငှေါ ဂေါႇဘြည်က္လာည်းဒါင်းဆေ ပဲန်အိုမ်ဒါင်းလှူပ် ဟာဝ်းဒေင်လူလှဲဝ်ႏ တီုင်ဌာနလှံင်ကုင်ငှေါဂဲ စီရေဲန်ဇီုင်းကာန်ကပိုမ်ဒေႎီရ်ဘြဲဆား ဒေင်အ်ုန်အီလူလှဲဝ်ႏကဲဒီန်အောႏ။
ဘံန်ဟောည်ႇဒေဲႈ ကျံရ်တာရ် ဇူႈဆငည်း(6)ရောတ် ဆငည်း(10)ဒိူန် ဂေါႇဘြည်က္လာည်းဒါင်းဆေ ပဲန်အိုမ်ဒါင်းလှူပ် ကတာည်းတကလာ်ႈဇောႈ ဘိဟာဝ်းဒိုည်ႇ တေဲင်ဒေင်ဒါင်း။ ဂေါႇဘည်ဒီန် ကူန်ရဝ်မာဂါင်မိူဝ်ႈကီန်းဒည်း ဘည်ဟာဝ်းႎီရ်ကဲနီန် တီုင်ဌာနဂဲ စီရေဲန်ဇီုင်းကာန် ကစုကပိုမ်ဒေ ႎီရ်ဘြဲဆားဟာဝ်း။
ဂေါႇပဲန်အိုမ်ဒါင်းလှူပ် ဒေင်ဒီကဆီုပ်ကဘာ ပလှံင်ကုင်ငှေါကာည်း လှံင်မာဝ်းႎံင်း မံင်ခ္လံက်ဂဲဒိူန် လူလှဲဝ်ႏဟာဝ်း ဘံန်ဟောည်ႇဒေဲႈ ကျံရ်တာရ် ဆငည်း(8)ဒိူန် တီုင်ဌာနလှံင်ကုင်ငှေါဂဲ စီရေဲန်ဇီုင်းကာန် ကစုကပိုမ်ဒေ ႎီရ်ဘြဲဆားဒဲႈဟာဝ်း ရောတ်ကဇေန်နီး။
မိုႈဘိုး ခေဲင်ဇိုချီုင်အာရ်အိုည်ဆငည်းနီန် ဂေါႇဘြည်က္လာည်းဒါင်းဆေ ပဲန်ဟာဝ်းအိုမ်ဒါင်းလှူပ် ခေဲင်ကုင်တအာင်း လိုင်းတဝ်လှာပ်ုန်တီႇဆ်ုမ်အူန်း ကူန်ရဝ်မာဂါင်ဂဲ ကတူႈဒိုည်ႇချှူမ်ဟာဝ်း ဒေင်ကာည်းကပုကဲနီန်မာ် ပဲန်အိုမ်ဒါင်းလှူပ်လူလှဲဝ်ႏ မောကံပ်ကူန်ရဝ်မာဂါင်ဂဲ ဘိူန်းဟာဝ်းႎီရ်ငှိူည် တီုင်ဌာနဂဲ ရေဲန်ဇီုင်းကာန်ကပိုမ်ဒေ ႎီရ်ဘြဲဆားဟာဝ်းအူန်းချာ်န်းချာ်န်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists