ပလှံင်ရူကော ဂေါႇလှည်အိုမ်ဒါင်းဒူႈ တံင်ဘ္လောမ်ထာက်ငံရ် စိပဲန်ဂေႈဟာဝ်း လူမ်အီန်ဂျင်နီယာငံရ်ရာင်လှံင်ဂဲ ႎီရ်ဘြဲဆာဒဲႈဟောည်
14 August 2026
ပလှံင်ရူကော ဂေါႇလှည်အိုမ်ဒါင်းဒူႈ တံင်ဘ္လောမ်ထာက်ငံရ် စိပဲန်ဂေႈဟာဝ်း လူမ်အီန်ဂျင်နီယာငံရ်ရာင်လှံင်ဂဲ ႎီရ်ဘြဲဆာဒဲႈဟောည်ႇ
အိုမ်ယ်ုရ်၊ ကျံရ်တာရ်၊ ဆငည်း(14)
ဆဒါင်ကုင်တအာင်း
ပလှံင်ရူကော ဂေါႇလှည်အိုမ်ဒါင်းဒူႈ တံင်ဘ္လောမ်ထာက်ငံရ် စိပဲန်ဂေႈဟာဝ်း တံပ်အွံရ်ပ်ုန်လောတ်ကပီုန်တအာင်း- PSLF/TNLA လူမ်အီန်ဂျင်နီယာငံရ်ရာင်လှံင်ဂဲ ႎီရ်ဘြဲဆာဒဲႈဟောည်ႇ ကျံရ်တာရ်၊ ဆငည်း(8)၊ အခိင် စူမ်အံပ်(4:30)နြီ။
တံင်ဘ္လောမ်ထာက်ငံရ်ဒီန် အ်ုန်ကစာပ်ဒဲႈဟာဝ်း ကဒါႇလှံင်အိုမ်ငျံရ် ကာည်း လှံင်ရူကော ထာန်ဂေါည်(33)ကေဗီ အ်ုန်မိုႈစာက်ဒဲႈဘ္လောမ်ထာက်ငံရ် ခေဲင်အူနှာနီန် တောန်ဆငည်းက္လာည်းဒါင်းဟာဝ်း တံင်ငံရ်ရာင်မာ်ဂေႈဟာဝ်း ငံရ်ရာင်မာ်အာဝ်ဒဲႈ ကနာည်နှာင်းငံရ်ႎီရ်ဒေဲႈ အီရံပ်ဇီုင်းကပ္လိူင်ဂဲဟောည်ႇဘြဲဆာဟာဝ်းအောႏ။
ကဆီုဝ်ကူန်ရဝ်မာဂါင်ဂဲ ဆာ်ယိူဝ်ႈ တံင်ဂေႈ၊ တံင်ငံရ်ရာင်ဂေႈ၊ ဆာ်ယိူဝ်းက်ုန်အာဝ်နှေဘည်ပြီမ် ဆိင်မှာန်းက္လာင်းဒဲႈချောန်းချောန်း တလူမ်အီန်ဂျင်နီယာငံရ်ရာင်လှံင်ဂဲအောႏ။
မိုႈဘို ကျံရ်တာရ်၊ ဆငည်း(5)၊ အခိင် စူမ်အံပ်(5:00)နြီထာန်နီန် ပလှံင်ရူကော၊ ရဝ်နံမ်ခုံ ပ်ုန်ကဆာင် တံင်ဘ္လောမ်ထာက်ငံရ်ဒီန် တံင်ဟေဂေႈဟံပ်တေဲင်အ်ုန် အီရံပ်ဇီုင်းကဲ ဟာဝ်းဘြဲဆာအ်ုန်။
#PSLF/TNLA
#တီုင်ပ္လေႈလေႈဆဒါင်
Comment Lists