ကုင်တအာင်း၊ လှံင်အေဲမ်ခြီရ်၊ လှံင်အိုမ်ယ်ုရ်၊ လှံင်ရူကော၊ လှံင်အိုမ်ငျံရ်၊ လှံင်အေဲမ်ငူည်၊ လှံင်မိူင်းငေါှ ကာည်း လှံင်မိူင်းလိုင် ဂေါႇမိုႈက္လာည်းဒါင်းတောန်ဆငည်း ဒေင်လူလှဲဝ်ႏမာ်မိူဝ်ႈ ဂေါႇဘည်ဒီန် ပ္လိုတ်ဆဒိ ကဆီုဝ်ကူန်ရဝ်မာဂါင်အယ်ဂဲ ဂေါည်ခေဲင်ကုင်တအာင်းနီန် ဆမွံတ်အယ်ဒါရဒေင်ရအာည်ႇ စိလေႈဒေင်။
ဒီရ်;ကဇေန်နီး
ကျံရ်ဖံန် ဆငည်း(15)ဒိူန် တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ဟာဝ်းတီႇဆ်ုမ် တံင်ပိုႈ၊ တံင်ပ္လေ(1000)လှိူဝ်း တေဲင်ဆိုရ်ကဒံင်ဖြား ပလှံင်အိုမ်ယ်ုရ်၊ အိူင်အိုမ်ယ်ုရ်၊ ခေဲင်ကုင်တအာင်း။
ကုင်တအာင်း၊ အိူင်အေဲမ်ခြီရ်၊ ပလှံင်အေဲမ်ခြီရ် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ဆပဲဆငါး ဆာ်အွံရ်ဝီရ်ဘြဲဆား ဒေင် ကာည်း ကပု အ်ုန်အီလူလှဲဝ်ႏ ပဲန်ဒေင်ကွန်ကရစ် ဘည်ကယေင်ဘြဲဆားဒေင်ခေဲင်ဇံင်ကဲနီန်မိုႈ နှာင်းမိူဝ်ႈလံပ်ကတ်ုမ် တကူန်ရဝ်မာဂါင်ဂဲ ဘိူန်းဒါဟာဝ်းဝီရ်ကတီးကရီး။
ဘည်မိုႈဘည်ဘာည်းအ်ုန် ကျံရ်ဖံန် ဆငည်း(9) အခိင်ရဆံန်(2:30)နြီဒိူန် ကားတာင်ခါည် ပ်ုန်ကောႈဒေဲႈ မာည်းအံင်နာည်အူး အဆာက်(22)ဆန်ုမ် ပဲန်ဘရေက်ပဒူႈ ငျားလီပ်ဒူႈခေဲင်ဂါင် တပြော ဂါင်ဒီရလှဲဝ်မောချှဲယ်ရီ။
ဘည်ကယေင်ႎိူဝ်ႈဟာဝ်း ထီရိူန်းဒူးလံပ်ပိင်ငျာတအာင်းန်နီန်မိုႈ မောကံပ်ဘယ်ကဇောည်ဒဲႈ လံပ်ပိင်ငျာကုင်တအာင်း ကဇေန်နီး ဂေါႇ ဘည်အာဝ်နှီမ်းလံပ်အရေးတီုင်ကုင် ကာည်း ကူန်ရဝ်မာဂါင်ဂဲ မိူဝ်ႈကီန်းဒည်းလံပ်ဘြောင်ရိူန်းခြီရ် နံင်ဇံင်းဟာဝ်းအူကဇေန်။
ပ်ုန်ဒီရ်;ဂီုန်း
