တီုင်ဌာနစေတ်မေန်းတိုအီး တောႇအီရံပ်ဇီုင်းကပ္လိူင်ကမာည်း(50)အီး လိူဝ်ႈ(2) မောကံပ်ဘယ်ရေဲန်ဇီုင်းကာန် စေတ်မေန်းစြာင်းတိုအီးကတီးကရီး ခေဲင်ကုင်တအာင်း
23 August 2026
တီုင်ဌာနစေတ်မေန်းတိုအီး တောႇအီရံပ်ဇီုင်းကပ္လိူင်ကမာည်း(50)အီး လိူဝ်ႈ(2) မောကံပ်ဘယ်ရေဲန်ဇီုင်းကာန် စေတ်မေန်းစြာင်းတိုအီးကတီးကရီး ခေဲင်ကုင်တအာင်း
အိုမ်ယ်ုရ်၊ ကျံရ်တာရ် ဆငည်း(23)
ဆဒါင်ကုင်တအာင်း
ကနာည်နံင်ဘယ်ရေဲန်ဇီုင်းကာန်စေတ်မေန်းတိုအီး ကာည်း စေတ်စြာင်းတိုအီး ခေဲင်ကုင်တအာင်းနီန် ကတီးကရီး အီဂေါည်ရခြူမ် တံပ်အွံရ်ပ်ုန်လောတ်ကပီုန်တအာင်း-PSLF/TLG ပ်ုန်လိုတီုင်ဌာနစေတ်မေန်းတိုအီးကုင်တအာင်း (Ta'ang Land Immigration Department) ဇူႈတောႇအီရံပ်ဇီုင်းကပ္လိူင်ကမာည်း(50)အီး။
ဇီုင်းကာန်စေတ်မေန်းတိုအီးကာည်း စေတ်စြာင်းတိုအီး ခေဲင်ကုင်တအာင်းနီန် တီုင်ဘြောင်ချှာင်ဂဲ ဇူႈရေဲန်ဒေဲႈဆိင်ခည်းမိုႈ ဆန်ုမ်2016ဒိူန် ၊ ဘံန်မိုႈ ဆန်ုမ်2021ဒိူန် စီပဘိုးဒဲႈရဲင်ဘ္လောမ် တအီရံပ်ဇီုင်းကပ္လိူင်ဂဲ ရေဲန်ဒေဲႈဇီုင်းကာန်ဒါင်းဒါင်း။ ႎါည်ဒီန် ဘံန်မိုႈ ပါင်ကမိုန်ကရောပ်ဆန်ုမ်2024ဒိူန် စီဘ္လဆီုပ်ရေဲန်ဒေဲႈပဲန်ဇီုင်းကာန် ဘည်ဖုင်ကပါင်း ဇီုင်းကာန်စေတ်မေန်းတိုအီး။
မောကံပ်ဘယ်ဆာ်ႈအွံရ်ရေဲန်ဟာဝ်းဇီုင်းကာန် တီုင်ဌာနစေတ်မေန်းတိုအီးနီန် စီကစုခမိုဖုင်ကပါင်းအီအွံရ်ဂဲ၊ အီလီပ်ဖုင်ဂဲကာည်း အီတိူမ်ရေဲန်ဒေဲႈ အီမိူဝ်ႈပ်ုန်နံပ်ပ်ုန်ယိူဝ်း ဇီုင်းကာန်စေတ်မေန်းတိုအီး ခေဲင်ဆန်ုမ်ဂီုန်းအာည်ႇနီန် ရေဲန်ဟာဝ်းဇီုင်းကာန်နီန်။
မောကံပ်ဘယ်ရေဲန်ဟာဝ်း ဇီုင်းကာန်နီန် ရောတ်ကစာ်မ်းဒီ စီပဲန်တောႇဟာဝ်း ပ်ုန်လိုအီရံပ်ဇီုင်းကပ္လိူင်ကမာည်း(50)အီး နှဲပ္လေႈအူန်း အိုမ်လှ တာန်းဘေဲႇ ဘည်လိုဟြာင်းဟိုက် ၊ ဇိုချီုင် ဘည်လိုဟြာင်းဟိုက် ကာည်း ဘည်လိုပနိုက်ဟြာင်းဟိုက်ေႎှါင် တောပ်ဘာည်းခေါပ်ပြာႇပ်ုန်ပ္လအူန်း။
ဘည်ကဆီုဝ်အီနံင်ဟြာင်းဂဲ ပ်ုန်လိုဟြာင်းေႎှါင်ကာည်း အချာက်ပ်ုန်လိုအ်ုန် ဘိူန်းတိူဝ်ႈလာည်းခေဲင် ေႎါှင်ပ်ုန်ပ္လအူန်း ဆဲႈဒါႇဒီန် ဘိူန်းကဆီုပ်ကဘာဟြာင်းဟိုက်ဒေဲႈ တောပ်ဘာည်းႎှုင်နံဘာတ်၊ Viber၊ Telegram ကာည်း Emailကဲနီန်အောႏ။
ဒီကဆီုပ်ကဘာ
ႎှုင် — 09667757102
Viber — 09667757102
Telegram — 09425464171
Email — [email protected]
Comment Lists