ကုင်တအာင်း၊ ခေဲင်ကျံရ်အိုည်အူကျံရ်နီန်း ပလှံင်မူစယ် ကာည်း လှံင်အေဲမ်ခြီရ် ပဲန်ကားကပ္လါႇ ကာည်း ကားကဒူႈ ကစုကပိုမ်(3)လိူဝ်ႈ ခေဲင်ဒီန် ကောန်အီပ်ုန်(4)အီး ကာည်း ကောန်အီမာည်း(1)အီး ကတူႈဖေးဘာတ်ဒါင်း။
ဒီရ်;ကဇေန်နီး
ခေဲင်ဆငည်းနှာနီန်း ဂေါႇဘြည်က္လာည်းဒါင်းဆေ ခေဲင်ကုင်တအာင်း၊ လှံင်အိုမ်ငျံရ်၊ လှံင်ရူကော၊ လှံင်နံမ်ဖတ်ကာကာည်း လှံင်အေဲမ်ငူည်ကဲနီန် ပဲန်အိုမ်ဒါင်းလှူပ်ကာည်း ကတာည်းတကလာ်ႈ ကဆူမ်းဟာဝ်းဒိုည်ႇပ်ုန်တီႇဆ်ုမ်အူန်း ကူန်ရဝ်မာဂါင်ဂဲ။
အခိင်ဖုင်ပလိက်ကုင်တအာင်းဂဲ ရေဲန်အရာပ်အရာဟိုက်ဇာရ်ဒိူန် ပ်ုန်ဘိူန်းဂဲတဆိမ် ဂြိုခြီုင် တကညာတိုအီးဘျားဂဲ ဆဲင်ကယ်(CANDA) အာရ်ကြောင်၊ ဆဲင်ကယ် (KENBO)ဖံန်ကြောင်၊ ဆဲင်ကယ်ဆွံရ်ငံရ် အာရ်ကြောင်၊ ဆဲင်ကယ် (SCOOP)အူကြောင်၊ CZI အူကြောင် ကာည်း ဆဲင်ကယ် (FOLLOW ME) အူကြောင် ႎီရ်အာပ်ဒဲႈတကညာအ်ုန်အောႏ။
ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈဘေဲႇတအာင်း အိူင်အိုမ်ယ်ုရ်၊ လှံင်ရူကာ၊ ပရဝ်မာဝ်းယာ်ႈ ခေဲင်ကုင်တအာင်းအောႏ။
ပ်ုန်ကယေင်ႎိူဝ်ႈဟာဝ်းထီတအာင်း ကနာည်လံပ်ပိင်ငျာ ကုင်တအာင်း ပ္လေါည်ႎိူဝ်ႈထီ လိူဝ်ႈ(29)နီန် အီဘိူန်းဟာဝ်း ဆုဒါင်း(500)ဆဲန်မိုႈ တာအဆေင် အီဂေါည် ပရဝ်ဟိုမိူင်၊ လှံင်အိုမ်ယ်ုရ်အောႏ။
ပ်ုန်ဒီရ်;ဂီုန်း
