ဖုင်ပလိက်ကုင်တအာင်းဂဲ ဘိူန်းတိုည်း ကောန်အီမာည်းအူအီ ပလှံင်အိုမ်ငျံရ် အ်ုန်ကရိူရ်ႈကယံင်းအရေးခံင်ယိူည်ႇ
15 August 2026
ဖုင်ပလိက်ကုင်တအာင်းဂဲ ဘိူန်းတိုည်း ကောန်အီမာည်းအူအီ ပလှံင်အိုမ်ငျံရ် အ်ုန်ကရိူရ်ႈကယံင်းအရေးခံင်ယိူည်ႇ
အိုမ်ငျံရ်၊ ကျံရ်တာရ်၊ ဆငည်း(15)
ဆဒါင်ကုင်တအာင်း
ကုင်တအာင်း၊ အိူင်ရူကော၊ တံပ်နာန်းတအာင်း TNLA တီုင်တံပ်ဒါင်း(2)ဂဲ ဘိူန်းတိုည်း ကောန်အီမာည်းအူအီ ပလှံင်အိုမ်ငျံရ် အ်ုန်ကရိူရ်ႈကယံင်းအရေးခံင်ယိူည်ႇ စိႎီရ်အံပ်ဒဲႈ တဖုင်ပလိက်ကုင်တအာင်းဂဲအောႏ။
ဘည်ပဲန်ဟာဝ်းအ်ုန်မိုႈ ကျံရ်တာရ်၊ ဆငည်း(10)ဒီန် ဘိူန်းဆဒါင်ဒါႈ ပလှံင်အိုမ်ငျံရ်၊ ဇံင်(3) မိူဝ်ႈအီကရိူရ်ႈကယံင်းခံင်ယိူည်ႇ စိဟာဝ်းစေတ်မေန်း ဘိူန်းတိုည်း ကအာင်းယာမ(30)ထုတ် ကာည်း ခံင်ယိူည်ႇလူည်ဟံပ်ခေဲင်ကဘဲဝ်ဆံပ်ပျာ (31)ကဘဲဝ် တတာမံင်မံင်လူန် ဘိူန်းအဆာက်(57)ဆန်ုမ် အောႏ။
ပ်ုန်ဘိူန်းတိုည်းဒီန် ခေဲင်ဆန်ုမ်2024ဒိူန်မာ် ဂေါႇအ်ုန်ဒါခံင်ယိူည်ႇ ကတူႈတိုည်းတိုန်းဒီဘြဲဆာအကျံင် လှေင်(6)ပကျံရ်ထာန်နီး ႎီရ်လောတ်ဒေဲႈဘို။
ကဇေန်းနီ ဖုင်ပလိက်ကုင်တအာင်းဂဲ တိုည်းထိင်ခြဲအူန်း နှာင်းတိူဝ်ႈလာည်ဟာဝ်းအရေး တောပ်ဘည်ဥပဒေ တီုက်ယာ်ႈအရေးခံင်ယိူည်ႇအောႏ။
ဆဲႈဒီန် ပလှံင်အိုမ်ငျံရ် ဘံန်ဟောည်ႇဒေဲႈ ကျံရ်တာရ်၊ ဆငည်း(7) ပရဝ်မိူင်းယေန်၊ ဇံင်(3) ဖုင်ပလိက်ကုင်တအာင်း စူမ်တီုက်ယာ်ႈအရေးခံင်ယိူည်ႇ ရေဲန်ဇီုင်းကာန်စေတ်မေန်းခေဲင်အရာပ်ရာ ဘိူန်းတိုည်း ကောန်အီမာည်း(1) ဆနာတ်အာဝ်လီပ်တြား ကာည်း ဂြူစာက်ဆမားပဒူႈ။ မိုႈဘို ကအာင်းယာမ(370)ကအာင်း၊ ဆနာတ်၊ ပ္လေဆနာတ်၊ ပ္လေဘျုင် ကာည်း ဂြူစာက်ဆမားပဒူႈ ဘိူန်းဆီမ်းဟာဝ်းအောႏ။
ကဆီုဝ်တံပ်အွံရ်ပ်ုန်လောတ်ကပီုန်တအာင်း PSLF/TNLAဂဲ ဒဲႈအခိင် ရေဲန်ဟာဝ်းဇီုင်းကာန်တီုက်ယာ်ႈအရေးခံင်ယိူည်ႇ ကနာည်နှာင်းမိုႈဇီုင်းဒါင်းအူလှေ ကရိူရ်ႈကယံင်းခံင်ယိူည်ႇ ကာည်း ကနာည်ပယာ်မ်တိုအီဒါခံင်ယိူည်ႇဂဲ၊ တြားဥပဒေစိုးမိုးရေး၊ ကနာည်ယေန်ငံဘည်ဂေါည်ဘည်ဟာဝ်း နှာင်းဆီုပ်ရေဲန်ဟာဝ်းဇီုင်းကာန်ထိင်ခြဲ ကနာည်နှာင်းအာဝ်မိူဝ်ႈတိုအီစိုန် တိုအီဒါအရေးခံင်ယိူည်ႇ။
#PSLF/TNLA
#တီုင်ပ္လေႈလေႈဆဒါင်
Comment Lists