ကောင်ဆံရ်ခေါခါႇကုင်တအာင်း ရိူရ်ႈလေႈပ္လါႇဘေဲႇဒဲႈဆဒိ ဘည်လိုဒံန်ခြဲ ရောဂါႎဲ့ ကာည်း ႎဲ့လိူဝ်ႎဲ့ဟာဝ်း ခေဲင်ဇိုချီုင်ဘြည်က္လာည်း
16 August 2026
ကောင်ဆံရ်ခေါခါႇကုင်တအာင်း ရိူရ်ႈလေႈပ္လါႇဘေဲႇဒဲႈဆဒိ ဘည်လိုဒံန်ခြဲ ရောဂါႎဲ့ ကာည်း ႎဲ့လိူဝ်ႎဲ့ဟာဝ်း ခေဲင်ဇိုချီုင်ဘြည်က္လာည်း
အိုမ်ယ်ုရ်၊ ကျံရ်တာရ် ဆငည်း(16)
ဆဒါင်ကုင်တအာင်း
ဆန်ုမ်2026၊ ကျံရ်တာရ် ဆငည်းအမှိူဝ်(15)ဒိူန် ကောင်ဆံရ်ခေါခါႇကုင်တအာင်း ရိူရ်ႈလေႈပ္လါႇဘေဲႇဒဲႈဆဒိ ကနာည်လိုဒံန်ခြဲရောဂါ ဘည်ပဲန်ရောဂါႎဲ့ ကာည်း ႎဲ့လိူဝ်ႎဲ့ဟာဝ်း ခေဲင်ဇိုချီုင်ဘြည်က္လာည်း ခေဲင်ကုင်တအာင်း။
ရောဂါႎဲ့ ကာည်း ႎဲ့လိူဝ်ႎဲ့ဟာဝ်းနီန် ခေဲင်(24)နြီ အာဝ်ႎံန်းဆဲ့(3)လိူဝ်ႈ (ဆာ်အာဝ်မိုႈ) (4)လိူဝ်ႈ ဘည်ပဲန်အိုမ်ႎဲ့ဟာဝ်း ဆမာပဲန်တောပ်ဂိူဝ်ႈလေႈ ဘယ်ဆမာပဲန် ဟာဝ်း အိုမ်ထာတ်ဟီတ်ခေဲင်တိုပိုင်းအယ်။ ဒါင်းဒါင်းအ်ုန် ဂေါႇကောန်ဒဲႇဂဲ ပဲန်အိုမ်ထာတ်ဟီတ် အ်ုန်ဆမာပဲန်ဒေဲႈအန္တရာယ်တခေါခါႇဒါင်းဒါင်း လိုဆနံမ်ဟာဝ်းဒဲႈအ်ုန်ခီုတ်အခိင်။
မောကံပ်ဘယ်ဒံန်ခြဲဘည်ပဲန်ရောဂါဒီန် အာည်ႇဟောမ် တပ်ုန်ဟောမ်၊ ႎါည်ဟိုက်တရအိင် ကာည်း ႎါည်ကံမ်း မျိုးအီလဘိူက်ကဲနီန် လိုပါည်းတည်းအယ် နံင်ကဆပဲဆငါး။ ဆဲႈဒါႇဒီန် လိုတံင်အိုမ်နံင်ပြာ့်ပြာ့် ဒီဘြေ့အ်ုန်ခေဲင်(1)မိနေတ် လိုဟံပ်အူန်း ခေဲင်ပုင်အီဆပဲဆငါး လိုဒါဟာဝ်းကတီးကရီး။ ဆာ်အယ်ဒါ ကလိုရင်း(ဆာ်အာဝ်မိုႈ) အိုမ်ဆငါးဒီပါည်းတည်း လိုဒါဟာဝ်းတောပ်ဒေင် ဘည်ပ္လိူရ်ႈနှဲဒဲႈ အီရေဲန်လေႈကဲ။
ဆဲႈဒါႇဒီန် လိုဘိဟာဝ်းပ်ုန်ဟောမ်ပ်ုန်ဟာပ်အယ်၊ လိုတံင်ပ်ုန်ဟောမ်အယ် ဆပဲဆငါး၊ ပ်ုန်ဟောမ်ပ်ုန်ဟာပ် ပ်ုန်တံင်ဟောည်ႇအယ် လိုအူန်းဟာဝ်း ဒဲႈအ်ုန်ဆပဲဆငါး ကာည်း လိုဒါအိုမ်အီဆပဲဆငါးအ်ုန် တံင်ပ်ုန်ဟောမ်ပ်ုန်ဟာပ်အယ်။ လိုအူန်းဒီဟိုက် ရအိင်ပ်ုန်ဒါအယ်ကာည်း ဒီတကြာက်ဂေါည်အယ် မောကံပ်ဆပဲဆငါးအောႏ။
ဆာ်ပဲန်ဟာဝ်းရောဂါ လိုတျံင်ကတီုင်ဟာဝ်း အိုမ်ဓာတ်ဆား(ORS)။ ဆာ်အာဝ်မိူဝ်ႈ အိုမ်ဓာတ်ဆား လိုကယာဝ် အိုမ်ဆပဲဆငါး(1)လီတာ ဟံပ်ဆောႇငါမ်(6)လာႇကျံင် ကာည်း ဟံပ်ဆောႇအူကဒည်လာႇကျံင် စီတျံင်ဟာဝ်း။ ဆဲႈဒီန် ဆာ်မိုႈကောန်ဒဲႇ အဆာက်(6)ကျံရ်လေႈရခြူမ် ပဲန်ရောဂါနီန် လိုဒဲႈဂဲတျံင်ဟာဝ်းလိူည် အိုမ်ဘူးမာဂဲအူမျိုး။
ကောင်ဆံရ်ခေါခါႇကုင်တအာင်းဂဲ ဆောဟိုရ်ပ္လူႈဆဒိဒါင်းဒါင်း ဘည်ကဆီုဝ်ကူန်ရဝ်မာဂါင်ဂဲ တာင်တိုအယ်(ဆာ်အာဝ်မိုႈ) ဒီအရာပ်တကြာက်ဂေါည်အယ် ဆာ်မိူဝ်ႈအီပဲန်ဒေဲႈရောဂါႎဲ့ ကာည်း ႎဲ့လိူဝ် ႎဲ့ဟာဝ်းနီန် လိုဟာဝ်းပျဆနံမ် ပတီုင်ခေါခါႇဂဲ တပြောဂေါည်အယ် မောကံပ်ခီုတ်အခိင်အောႏ။
ခေဲင်ဇိုချီုင်ဘြည်က္လာည်းနီန် အ်ုန်ဆမာပဲန်အိုမ်ဒါင်းလှူပ် လိုအူန်းမိူဝ်ႈဆဒိ ဘည်ဒါအိုမ်တျံင်၊ ဘည်တံင်ဒါအိုမ် မောကံပ်အာဝ်မိူဝ်ႈမျိုးအီလဘိူက် လိုအူန်းမိူဝ်ႈဆဒိဒါင်းဒါင်း၊ လိုႎဲႈဟာဝ်း ဘည်ဒါတျံင်အိုမ်အာဝ်ဆပဲဆငါးကာည်း ပ်ုန်ဟောမ်ပ်ုန်ဟာပ် မျိုးအီအာဝ်ဆပဲဆငါးကဲနီန်။ ဆာ်အယ်ရေဲန်ဟာဝ်း ဘည်ပါည်းတည်း၊ ဘည်ဒါတျံင်အိုမ်ဆပဲဆငါး၊ ဘည်တံင် ပ်ုန်ဟောမ်ပ်ုန်ဟာပ် နံင်ဆပဲဆငါးကာည်း ဘည်ဒါရအိင်အရာပ်တကြာက်ဂေါည်အယ် ဆပဲဆငါးကဲနီန် အ်ုန်နံင်ဘယ်ဒဲႈယောမ်ဟာဝ်း ဘည်ကတံက်ရောဂါႎဲ့ ကာည်း ႎဲ့လိူဝ်ႎဲ့ဟာဝ်းနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists