ကုင်တအာင်း၊ လှံင်အေဲမ်ခြီရ်၊ လှံင်အိုမ်ယ်ုရ်၊ လှံင်ရူကော၊ လှံင်အိုမ်ငျံရ်၊ လှံင်အေဲမ်ငူည်၊ လှံင်မိူင်းငေါှ ကာည်း လှံင်မိူင်းလိုင် ဂေါႇမိုႈက္လာည်းဒါင်းတောန်ဆငည်း ဒေင်လူလှဲဝ်ႏမာ်မိူဝ်ႈ ဂေါႇဘည်ဒီန် ပ္လိုတ်ဆဒိ ကဆီုဝ်ကူန်ရဝ်မာဂါင်အယ်ဂဲ ဂေါည်ခေဲင်ကုင်တအာင်းနီန် ဆမွံတ်အယ်ဒါရဒေင်ရအာည်ႇ စိလေႈဒေင်။
ဒီရ်;ကဇေန်နီး
တံပ်အွံရ်ပ်ုန်လောတ်ကပီုန်တအာင်း-PSLF/TNLA အီမိုႈတီုင်ဌာနအူလှေ တီုင်ကောန်အီပ်ုန် ဟြေဲႈဒါင်းဟိုက်ဇာရ် ခေဲင်ကျံရ်ဖိုန်နီန် ဘယ်လေႈဒေင် ဒဲႈလော်င်ပိင်ငျာ ရေဲန်ဇီုင်းကာန်ဒဲႈလော်င်ပိင်ငျာ တကူန်ရဝ်မာဂါင်ဂဲ ခေဲင်ရဝ်(37)ရဝ်အောႏ။
ဘည်မိုဘာည်းအ်ုန် ကျံရ်ဖိုန်၊ ဆငည်း(25)၊ အခိင်ရဆံန်(2:00)နြီထာန်နီး ပရဝ်အပါည် ပဲန်ဟာဝ်းခူရ်က္လာည်းဒါင်း။ ဂေါႇခူရ်က္လာည်းဒါင်း ဂါင်ဂေါည်ကူန်ရဝ်မာဂါင်ဂဲ ဒါ့်ဂါင်ကတာင်မာ်လူလှဲဝ်၊ ရောင်ဂါင်မာ်ဇာ်ႈလူလှဲဝ်၊ ဂြိုခြီုင်ဂေါည်ခေဲင်ဂါင်မာ် ဆူမ်းလူလှဲဝ်ဟာဝ်းဒိုႇအောႏ။
ဘည်မိုႈအ်ုန် ကျံရ်ဖိုန် ဆငည်း(23) အခိင်ခီညှာ(7)နြီထာန်နီန် ဇူႈကဒါႇလှံင်လာဆေ လေႈလှံင်မာန်လေး တာင်ဝီရ်ဂြိုခြီင်ပ်ုန်ဒါ အခိင်ကားဒီန် ရောတ်တေဲင်ဒေင်လေႈ တပြောရဝ်ဟိုလဲတ်ဒိူန် ဘရေက်ကားစီပဒူႈ ကားစီကပ္လါႇဇောႈလီပ်ခေဲင်လိုင်းမျံမ်။
သုတပိင်ငျာ ကာည်း ဖုင်လံပ်ပိင်ငျာအင်စတီကျူ့ဂဲ ဆာ်ႈအွံရ် ႎိူဝ်ႈဟောည်ႇႎါင်ပနော ဘည်လိုဘြောင်ချှာင်မောကံပ်ပေန် ပလှံင်အိုမ်ယ်ုရ်၊ အိူင်အိုမ်ယ်ုရ်၊ ခေဲင်ကုင်တအာင်း။
ဘည်မိုႈအ်ုန် ကျံရ်ဖိုန် ဆငည်း(11) အခိင်ရမှိူဝ်(12:15)မိနေတ်ဒိူန် ဂါင်ယုင်စာက်မျံမ် တာအံင်ဇီး အဆာက်(49)ဆန်ုမ် အခိင်ကဲဟိုတ်မျံမ်ခေဲင်ယုင်စာက် ငံရ်အီကီုတ်အူန်း စီဇူႈပဲန်ငံရ်က္လိုႇဟာဝ်း ယုင်စာက်မျံမ်ကဲဘည်ဒီန်။
ပ်ုန်ဒီရ်;ဂီုန်း
