ရဝ်ပါင်ခါဒဲႇ၊ ခနားရဝ်လောည်ကာန် ဒေင်ဒါင်းဟာဝ်း ခေဲင်ရဝ်ဖာဒဲန် တာလှံင်ဂဲအီရံပ်ကပ္လိူင်ဂဲ ဆာ်အွံရ် ကူန်ရဝ်မာဂါင်ဂဲ တောႈတံင်ဟေဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ်တောပ်ဒေင်ဒါင်း ရေဲန်ဟာဝ်းဒေင်ပဲန်မာဝ်းက္လဲတ်
14 August 2026
ရဝ်ပါင်ခါဒဲႇ၊ ခနားရဝ်လောည်ကာန် ဒေင်ဒါင်းဟာဝ်း ခေဲင်ရဝ်ဖာဒဲန် တာလှံင်ဂဲအီရံပ်ကပ္လိူင်ဂဲ ဆာ်အွံရ် ကူန်ရဝ်မာဂါင်ဂဲ တောႈတံင်ဟေဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ်တောပ်ဒေင်ဒါင်း ရေဲန်ဟာဝ်းဒေင်ပဲန်မာဝ်းက္လဲတ်
အိုမ်ယ်ုရ်၊ ကျံရ်တာရ်၊ ဆငည်း(14)
ဆဒါင်ကုင်တအာင်း
ရဝ်ပါင်ခါဒဲႇ၊ ခနားရဝ်လောည်ကာန် ဒေင်ဒါင်းဟာဝ်း ခေဲင်ရဝ်ဖာဒဲန် တာလှံင်ဂဲအီရံပ်ကပ္လိူင်ဂဲ ဆာ်အွံရ် ကူန်ရဝ်မာဂါင်ဂဲ တောႈတံင်ဟေဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ်တောပ်ဒေင်ဒါင်း ရေဲန်ဟာဝ်းဒေင်ပဲန်မာဝ်းက္လဲတ်။
လှံင်ရူကော၊ ရဝ်ပါင်ခါဒဲႇ ကာည်း ရဝ်လောည်ကာန် ဒေင်ဒါင်းဒီန် ဂေါပ်တံင်ညျှိူဝ်ဘ္လီုတ်ဟာဝ်းဒိုႇဒေင် ကနာည်ကူန်ရဝ်မာဂါင်ဂဲ ဟာဝ်းဝီရ်မာ်ကီန်းဒည် မိူဝ်ႈဖေးအန္တရာယ် ဂေါပ်ဘည်ဒီန် တီုင်ဘြောင်ချှာင်လှံင်ဂဲ ဆော်အွံရ်ဟာဝ်း ကူန်ရဝ်မာဂါင် ကစုကပိုမ်ဒေ ရေဲန်ဟာဝ်းဇီုင်းကာန်ဆပဲဆငါး ကယေင်ကနာည် ကူန်ရဝ်မာဂါင်ဂဲ လောတ်ဒါႇဖေးအန္တရာယ် ကျံရ်တာရ်၊ ဆငည်း(9) ကစုကပိုမ်ရဲင်ဘ္လောမ်(130)အီး ရေဲန်ဟာဝ်းအောႏ။
ဘံန်ဟောည်ႇဒေဲႈ ကျံရ်ပူရ်၊ ဆငည်း(23)ဒိူန် ပလှံင်အေဲမ်ခြီရ်၊ ရဝ်ဖာဒဲန် ကနာည်ကူန်ရဝ်မာဂါင်ဂဲ ဘိူန်းဒေဟာဝ်းႎီရ်ကတီးကရီး ရေဲန်ဒေင်ဒီန်ပဲန်ဒေင်မာဝ်းက္လဲတ်။ ဆဲႈဒီန် ဒေင်ခေဲင်ကုင်မာ် ဒီလူလှဲဝ်ႏအ်ုန် ႎီရ်ဘြဲဆာအ်ုန်ပဲန်ဒေင်ကွန်ကရစ်။
ဘံန်ဟောည်ႇဒေဲႈ ကျံရ်တာရ်၊ ဆငည်း(3) ဖုင်ဆပဲဆငါး ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဟာဝ်းဇီုင်း ဆပဲဆငါး တောႈတံင်ဟေဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ်တောပ်ဒေင်ဒါင်း လှံင်ရူကော ကာည်း ဒေင်ဟာဝ်းခနားရဝ်ဟိုမိူင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA ကဆီုဝ်ဖုင်ဆပဲဆငါးဂဲ ပ်ုန်ကယေင် ပဇာရ်ရေဲန်ဒဲႈဟာဝ်း မောဇီုင်းကာန်ကတာရ်ႈဒါင်းဟိုက်ဇာရ် ကာည်း ကူန်ရဝ်မာဂါင်ဂဲ ဘိူန်းဒါဟာဝ်းဝီရ် ကတီးကရီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists