တအာင်းပြည်ပညာရေးအကယ်ဒမီ (TEA) မှ ဦးစီးဖွင့်လှစ်သည့် ဆရာအတတ်ပညာဒီပလိုမာသင်တန်း (Diploma in Teacher Education - DTED) အပတ်စဉ် (၄) ဖွင့်လှစ်ပွဲအခမ်းအနားကို ယနေ့ သြဂုတ်လ (၂၁) ရက်နေ့ နံနက် (၉:၀၀) နာရီတွင် နမ့်ဆန်မြို့နယ်ရှိ ကျောင်းခန်းမ၌ ကျင်းပခဲ့သည်။

တအာင်းပြည်အတွင်း လူဦးရေစာရင်းနှင့် လူဝင်မှုကြီးကြပ်ရေးလုပ်ငန်းများကို စနစ်တကျ အကောင် အထည်ဖော်ဆောင်ရွက်နိုင်ရန်အတွက် ပလောင်ပြည်နယ်လွတ်မြောက်ရေးတပ်ဦး PSLF/TLG လက် အောက်ရှိ တအာင်းပြည်လူဝင်မှုကြီးကြပ်ရေးဦးစီးဌာန (Ta'ang Land Immigration Department) မှ လိုအပ်နေသော ဝန်ထမ်းသစ် (၅၀) ဦးကို စတင်ခေါ်ယူနေသည်။

တအာင်းပြည်၊ မန်တုံခရိုင်၊ နမ္မတူမြို့တွင် တအာင်းပြည်၏ ဗဟိုသာသနာရေးရာအဖွဲ့ ဦးဆောင်၍ ဘာသာကြီးလေးရပ်မှ အကြီးအကဲများအကြား အပြန်အလှန်လေးစားမှုနှင့် ချစ်ကြည်ရင်းနှီးမှု ပိုမိုတည်ဆောက်နိုင်ရန် ရည်ရွယ်သည့် ဒုတိယအကြိမ် ဘာသာရေးအကြီးအကဲများ တွေ့ဆုံပွဲကို သြဂုတ်လ (၁၉) ရက်နေ့တွင် ကျင်းပခဲ့သည်။

တအာင်းပြည်အတွင်း တအာင်းပြည်ပညာရေးကောင်စီ (Ta’ang Land Education Council - TLEC) ၏ ပညာရေးဝန်ဆောင်မှုလုပ်ငန်းများ ပိုမိုထိရောက်မြန်ဆန်စွာ တိုးတက်လာစေရန် ရည်ရွယ်၍ တိုင်ကြားမှုယန္တရား (Complaint Mechanism) ကို သြဂုတ်လ (၁၇) ရက်နေ့တွင် စတင်မိတ်ဆက်ခဲ့သည်။

တအာင်းပြည်၊ နမ့်ဆန်ခရိုင်၊ နမ့်ဆန်မြို့ရှိ စားသောက်ဆိုင်နှင့် ကုန်စုံဆိုင်များ၏ အခွန်စနစ်အသုံးပြုမှုကို PSLF/TNLA ၏ အခွန်ဦးစီးဌာနမှ ဦးဆောင်၍ သြဂုတ်လ (၁၇) ရက်နေ့တွင် စစ်ဆေးဆောင်ရွက်ခဲ့သည်။

တအာင်းပြည်၊ နမ့်ခမ်းမြို့အတွင်း သန့်ရှင်းသာယာလှပရေးနှင့် လမ်းပန်းဆက်သွယ်ရေး ပိုမိုကောင်းမွန်စေရန်သော်လည်းကောင်း၊ မန်တုံမြို့နယ်၊ မော်လုံ၊ မန်ပွန်းထပ်ချက်နှင့် ရေပုံးကျေးရွာကြားရှိ လမ်းမကြီးတစ်လျှောက်တွင် ရေမြောင်းများ တူးဖော်ခြင်း၊ မြက်ပင်၊ ခြုံပင်များ ရှင်းလင်းခြင်းလုပ်ငန်းများကို သက်ဆိုင်ရာဌာနများနှင့် ပြည်သူလူထုများမှ စုပေါင်း၍ ပြုလုပ်ဆောင်ရွက်ခဲ့ပါသည်။