တအာင်းပြည်၊ နမ့်ခမ်းမြို့တွင် သြဂုတ် (၃၀) ရက်နေ့၌ မိုးသည်းထန်စွာရွာသွန်းမှုကြောင့် ရေကြီးရေလျှံဖြစ်ပွားခဲ့ပြီးနောက် ကျန်ရှိခဲ့သော ရွံ့နွံများကို မီးသတ်တပ်ဖွဲ့၊ စည်ပင်သာယာရေးအဖွဲ့နှင့် ရပ်ကွက်အုပ်ချုပ်ရေးမှူးတို့ ပူးပေါင်း၍ ရှင်းလင်းရေးပြုလုပ်ခဲ့ပါသည်။

တအာင်းပြည် ကျန်းမာရေးကောင်စီ-THC လက်အောက်တွင် ဖွင့်လှစ်မည့် “ Tealand Institutes of Health-TIH” ၏ ဆေးပညာဘွဲ့ [Bachelor of Medicine, Bachelor of Surgery (M.B.,B.S)] အတွက် ဒုတိယအကြိမ် ဝင်ခွင့်လျှောက်လွှာများကို ပြီးခဲ့သည့် စက်တင်ဘာလ (၁) ရက်နေ့မှစတင်၍ ခေါ်ယူနေကြောင်း THC မှ ထုတ်ပြန်ကြောညာခဲ့ပါသည်။

တအာင်းပြည်၊ မိုင်းလုံမြို့နယ်၊ ညောင်ထောက်အုပ်စု၊ နားမျော်ကျေးရွာတွင် မူးယစ်ဆေးဝါးလက်ဝယ်ထားရှိမှုဖြင့် ဖမ်းဆီးခံရသည့် အသက် (၅၉) နှစ်အရွယ် ဒေါ်ခင်ကြည်ကို ပလောင်ပြည်နယ်လွတ်မြောက်ရေးတပ်ဦး PSLF/TNLA ၏ တရားစီရင်ရေးဌာနမှ ထောင်ဒဏ် (၇) နှစ်ချမှတ်ခဲ့ပါသည်။

၂၀၂၆ ခုနှစ်၊ စက်တင်ဘာ ၂ ရက်