ပလှံင်အိုမ်ယ်ုရ် ၊ ရဝ်နံမ်လီန်း ကျံရ်အာရ် ဆငည်း(12) အခိင်ခီညှာ(10:30)နြီဒိူန် ဂါင်တာအလူန်း ဆွံရ်အူန်းဘ္လောမ်ႎှုင် တဘက်ထရီ ဂေါႇႎှုင်တာမှည်ဘ္လောမ် ပဲန်ပဒူႈ ဇူႈပဲန်ဟာဝ်းငံရ်က္လိုႇ။ ဂေါႇပဲန်ငံရ်က္လိုႇဘည်ဒီန် ဂြိုခြီုင်ဂေါည်ခေဲင်ဂါင်ဂဲပါ်ဒိုႇဒိုည်ႇ ငံရ်က္လိုႇကဆူမ်းဟာဝ်းဒိုည်ႇ ကစုကပိုမ်ထာန်ကဆူမ်းဟာဝ်းမိုႈ ရိူန်း(600)ဆဲန်လိူဝ်ႈ။
ဒီရ်;ကဇေန်နီး
PSLF/TNLA တီုင်အိုမ်ဘြည်ကတာည်းဂဲ ဟောည်,ဘယ်ဒေ ဒံန်ခြဲဟာဝ်းဘြည် ခေဲင်လှံင်အိုမ်ငျံရ် ကပိုမ်ဂရန် ဟည်ဂေါည်(8)မှီုန်းလေ; ၊ ဆာင်းလာင်းဟာဝ်း လောင်ဥပဒေမူဝါဒ ကာည်း စီဘ္လချဟာဝ်းဂရန်ဒီကတာည်းအောႏ။
တံပ်အွံရ်ပ်ုန်လောတ်ကပီုန်တအာင်း PSLF/TNLA နံင်တိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်မဝ်းတဂဲ(5)အီးအောႏ။
ကနာည်ဆန်ုမ် 2024-2025 နှာင်းကတာ;ဒေဝိူဝ်;ဟာဝ်း ကျောင်ပနောဘေဲ,(550)ခါန်း ကနာည်နံင်ပနော နံင်ရီတ်ရဲတ်ဒေဆီုပ်တခေါရ်ဟာဝ်း ဆြာ/ဆြာမ ဂဲအီလီပ် CDM ခေဲင်ကုင်ဘြာန်ကဲနီန်ပါ်ဒို,ဒိုည်,အောႏ။
ခေဲင်ပ္လေါည်ဒီန် စီကဘ္လာင်းဆာင်လာင်းဟာဝ်း ဘည်ဘာည်းဒေပျိူဝ်,ယိူဝ်,ဒေဲ; ဆငည်းကောန်အီပ်ုန် ပါ်ကံမ်ဖာ၊ တောပ်ဘိုး ဇီုင်းကာန်ပ်ုန်ရေဲန် တီုင်ကောန်အီပ်ုန်ဟြေဲ;ဒါင်းဟိုက်ဇာရ် ကာည်း ဘည်ကတူ;အီးနဘာည်းတေဲင်ကောန်အီပ်ုန် ခေဲင်ကုင်တအာင်းအယ်အောႏ။
ခေဲင်အရာပ်အရာတောန်ဒီ ဖုင်အီရံပ်ဇီုင်းကာန်မျံမ် လှံင်အိုမ်ယ်ုရ်၊ လှံင်မာဝ်းဓံင်း၊ လှံင်မိူင်းကူတ်၊ လှံင်ရူကော ကာည်း အီဘြောင်အီလည်မျံမ်ဂဲ ကမိုန်ဟာဝ်းလောင်ဇီုင်းကာန်မျံမ်
ပ်ုန်ဒီရ်;ဂီုန်း
