ပလှံင်အေဲမ်ခြီရ် PSLF/TNLA ဖုင်ပျံတ်ယံတ်ငံရ်ဂဲ ဒဲႈဟာဝ်းလောင်ပိင်ငျာ ဇီုင်းကာန်ဘည်နံင်ဒံန်ခြဲငံရ်တရဝ် (5)ရဝ်
09 January 2025
ပလှံင်အေဲမ်ခြီရ် PSLF/TNLA ဖုင်ပျံတ်ယံတ်ငံရ်ဂဲ ဒဲႈဟာဝ်းလောင်ပိင်ငျာ ဇီုင်းကာန်ဘည်နံင်ဒံန်ခြဲငံရ်တရဝ် (5)ရဝ်
ဆန်ုမ်2025၊ ကျံရ်အူ၊ ဆငည်း (9)
ကုင်တအာင်း၊ အိူင်အိုမ်တမာဝ်း၊ ပလှံင်အေဲမ်ခြီရ် တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ပျံတ်ယံတ်ငံရ်ဂဲ ဒဲႈဟာဝ်းလောင်ပိင်ငျာ ဇီုင်းကာန်ဘည်နံင်ဒံန်ခြဲငံရ် တကူန်ရဝ်မာဂါင် ရဝ် (5)ရဝ်အောႏ။
ခည်မိုႈ ကျံရ်ကိူရ်အာရ် ဆငည်း(25)ဒိူန် ဂဲရေဲန်ဒဲႈဟာဝ်းလောင်ပိင်ငျာ ဘည်နံင်လိုဒံန်ခြဲငံရ်ကဲနီန်ပရဝ်မာင်းပူး၊ ဆငည်း(26) ပရဝ်ပါင်ယိုက်ဂိုး ၊ ဆငည်း(30) ပရဝ်ပါင်ဟာင်ဒဲ့ ရောတ်ကျံရ်အူ ဆငည်း(2) ပရဝ်မာန်ပ္လါင်း၊ ဆငည်း (4) ပရဝ်ပါင်ယိုက်ဒိူဝ်ႇအူဒီအောႏ။
ခေဲင်ပါင်ကမိုန်ဒီန် PSLF/TNLA ဖုင်ပျံတ်ယံတ်ငံရ် အီရံပ်လာည်းဇီုင်းကပ္လိူင် လှံင်အေဲမ်ငူည်းဂဲ ကဘ္လာင်းဆာင်လာင်းဟာဝ်း ဒါႈ ဘိူန်နံင်ဒေဲႈ ဇိုခိင်ရယာင်းနီန် နံင်အာဝ်မိူဝ်ႈ ငံရ်က္လိုႇကဆူမ်းခေဲင်ရဝ်ကဲနီန် ကူန်ရဝ်မာဂါင်ဂဲ လိုရေဲန်ဟာဝ်း ဇီုင်းကာန်ဘည်နံင်ဒံန်ခြဲငံရ်ကဲနီန် ခေဲင်ရဝ်ဂါင်အောႏ။
ဘည်လိုတောပ်ဇီုင်းကာန် ကနာည်နံင်ဒံန်ခြဲငံရ် လိုအူန်းအယ်မိူဝ်ႈ ရပျံတ်၊ ရယံတ်ငံရ် ကာည်း အိုမ်ပုင်၊ ခေဲင်ရဝ်ဂါင်ကဲနီန်၊ ခေဲင်ရဝ်အူရဝ် လိုအူန်းမိူဝ်ႈ အိုမ်ခြံင် ကာည်း အိုမ်တီုတ်စာက်ငံရ်ကဲနီန်အောႏ။
ယာမ်မိုႈ ကျံရ်ကိူရ်အာရ် ဆငည်း(21)ဒိူန် ခေဲင်လှံင်အေဲမ်ငူည်း၊ ပရဝ်တွံန်ဟိုင်း အူဒီ၊ ကျံရ်ကိူရ်အာရ် ဆငည်း(24)ဒိူန်း ပရဝ်ပါင်ဟာင်အူဒီ ဂဲရေဲန်ဒဲႈဟာဝ်းလောင်ပိင်ငျာ ဘည်နံင်လိုဒံန်ခြဲငံရ်ကဲနီန်အောႏ။
ဆဲႈဒီန် PSLF/TNLA ဖုင်ပျံတ်ယံတ်ငံရ် လှံင်အေဲမ်ကိုက်ဂဲ ဟည်ဇူႈဒေရေဲန်ဟာဝ်း ဇီုင်းကာန်ဘည်နံင်လိုဒံန်ခြဲငံရ်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်အရာပ်အရာ
Comment Lists