ပလှံင်မိုဂူႈ ဆီုက်ဘြာန်ဂဲ ဒါထာမီန် Y-12 ရောတ် ဒေဲႈပဴင်ဟာဝ်း ပ္လေဘျုင် (20)ပိုင်
09 January 2025
ပလှံင်မိုဂူႈ ဆီုက်ဘြာန်ဂဲ ဒါထာမီန် Y-12 ရောတ် ဒေဲႈပဴင်ဟာဝ်း ပ္လေဘျုင် (20)ပိုင်
ဆန်ုမ်2025၊ ကျံရ်အူ ဆငည်း (9)
ကုင်တအာင်း၊ အိူင်အိုမ်ယ်ုရ်၊ ပလှံင်မိုဂူႈ ကဒါႇလံပ်ပိူည် တီုင်တံပ်ဆီုက်ဘြာန်ဂဲ ရောတ်ဒေဲႈပဴင်ဟာဝ်း ပ္လေဘျုင် စီဇောႈပဒူႈဟာဝ်း ခေဲင်ဂေါက်ကွင်း ကာည်း ကျောင်မဆိုယေင်အောႏ။
ကျံရ်အူ ဆငည်း (8) အခိင် ရဆံန်(12:50)မနေဲတ် ရောတ် (1:10)မနေဲတ်ဒိူန် ဆီုက်ဘြာန်ဂဲ ရောတ်ဒေဲႈပဴင်ဟာဝ်း ပ္လေဘျုင် စီဇောႈပဒူႈဟာဝ်း ကဒါႇဂေါက်ကွင်း (14)ပိုင်ကာည်း ကျောင်မဆိုယေင် (5)ပိုင်။ ဂေါပ္လေဘျုင်ပဴင်ဆီုက်ဘြာန်ဂဲ ဂါင်(5)ဂါင်၊ ကျောင်စဝ် ကာည်း ကား(1)ကြောင် လူလှဲဝ်ႏဟာဝ်းအောႏ။
ဆာ်မိုႈကူန်ရဝ်မာဂါင်ဂဲ အာဝ်မိူဝ်ႈမအီယံမ်း။ ဆဲႈဒီန် ပလှံင်မိုဂူႈ ကဒါႇလံပ်က်ုတ်ဆငည်း ဒီဂေဲႈဆဲင် ဇံင်ဘော်မာမာ် ဂဲရောတ်ဒေဲႈပဴင်ဟာဝ်းပ္လေဘျုင်အောႏ။
ခည်မိုႈ ကျံရ်ကိူရ်အာရ် ၊ ဆငည်း(30)၊ ရမှိူဝ်(9)နြီဒိူန် ဆီုက်ဘြာန်ဂဲ ဒါ (Fighter) ရောတ်ဒေဲႈပဴင် ပ္လေဘျုင် တေဲင်ကျောင်စဝ် ရဝ်ဆီဆိုင် လံက်ဟာဝ်းကျောင်စဝ်းလူလှဲဝ်ႏဂီုန်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists