ဆဒါင်ရေဲန်ပ္လေါည်ႎိူဝ်ႈထီ ကဇောည်ပိင်ငျာကုင်တအာင်း TLEC လိူဝ်ႈ (19)နီန် ကညားအီပ်ုတ်ဟာဝ်း ဆု(500)မိုႈ ရဝ်ဇိုင်းဇ
09 January 2025
ဆဒါင်ရေဲန်ပ္လေါည်ႎိူဝ်ႈထီ ကဇောည်ပိင်ငျာကုင်တအာင်း TLEC လိူဝ်ႈ (19)နီန် ကညားအီပ်ုတ်ဟာဝ်း ဆု(500)မိုႈ ရဝ်ဇိုင်းဇ
ဆန်ုမ်2025၊ ကျံရ်အူ ဆငည်း (9)
ကုင်တအာင်း ကနာည်ကျောင်ပနောဘေဲႇ ရေဲန်ပ္လေါည်ႎိူဝ်ႈထီ ကဇောည်ပိင်ငျာကုင်တအာင်း-TLEC လိူဝ်ႈ(19)နီန် ကညားအီပ်ုတ်ဟာဝ်း ဆု(500)မိုႈ အ်ုန်အီဂေါည် ပလှံင်ရူကော ခမိုနားအော်၊ ရဝ်ဇိုင်းဇ အ်ုန်အီဇီုဝ်ယားမာကျံန်အောႏ။
ခေဲင်ကုင်တအာင်းအူဒီန် ဖုင်ကဇောည်ပိင်ငျာကုင်တအာင်း TLECဂဲ ဆော်အွံရ်ရေဲန်ဟာဝ်း ပ္လေါည်ႎိူဝ်ႈထီ
လိူဝ်ႈ(19)နီန် ယာမ် ကျံရ်အူ ဆငည်း (1)အခိင် ခီညှာဇေဝ်းအောႏ။
လိူဝ်ႈ(18)နီန် အက္ခရာ ဆု(500) မိုႈ B-03182၊ ဆဲဒီန် အ်ုန်တောပ် ဆု(100)ပယာႈ (2)ဆု၊ ဆု(50)ကိူဝ်း (2)ဆု၊ ဆု(30)ကိူဝ်း ဆု(3)ဆု၊ ဆု(10)ကိူဝ်း (5)ဆု၊ ဆု(5)ဆဲန် (10)ဆု ကာည်း ဆု(2)ဆဲန် (30)ဆု ကစုကပိုမ်ပါဒိုႇဒိုည်ႇ ချဟာဝ်းဆု(59)ဆုအောႏ။
ခည်မိုႈ ကျံရ်ကိူရ်အာရ် လိူဝ်ႈ (19)ဒိူန်း ကညားအီပ်ုတ်ဟာဝ်း ဆု(500)မိုႈ အ်ုန်အီဂေါည် ပလှံင်မိူင်မီတ် ရဝ်ခုတ်ပင် အ်ုန်အီဇီုဝ် လိုည်းသီရီသန္တာ (C - 17241) အောႏ။
ရိူန်းပ်ုန်ဘိိူန်းယံင်းခေဲင်ကျံရ်(1)နီန် ဂေါည်(1190)လေႈ ။ ရိူန်းပ်ုန်ဘိူန်းဒေယံင်းထီ စီဘယ်ကဇောည်ဟာဝ်းလံပ်ပိင်ငျာ ရိူန်း(430)ဆဲန်လေႈအောႏ။
ထီအယ်တအာင်းနီန် ကနာည်နံင်ဟြာည်ႇရိူန်းဒူး ကနာည်းကျောင်ပနောဘေဲ ခေဲင်ကုင်တအာင်း ဂဲစီဇူႈဒေႎိူဝ်ႈဟာဝ်း ခေဲင်ဆန်ုမ်2023 ကျံရ်တောရ်ဒိူန်းအောႏ။
ဘံန်ဟောည်ႇဆီမ်းဟာဝ်း ဆီုက်ဘြာန်ဂဲတအာဏာ ခေဲင်ကုင်တအာင်းနီန် ညှံမ်ဘယ်ဒေဝိူဝ်ႈ ကျောင်ပနောဘေဲႇ ခေဲင်လှံင်(10)လှံင်နီန် ပ်ုန်ဝိူဝ်ႈကျောင်ပနောဘေဲႇ ခေဲင်ဆန်ုမ် 2024-2025 စီဘယ်ဒေဝိူဝ်ႈဟာဝ်းလိူည် ကျောင်ကပိုမ်(500)ကျောင်ထာန်ဒီန်အောႏ။
ကနာည်ကျောင်ပနောဘေဲႇ ပ်ုန်လိုရိူန်းဒူး ကာည်း ကနာည်ရာဆျှီန် ဆြာ/ဆြာမ (2500)အီးလေႈကဲဒီန် ပ်ုန်ဘိူန်းဒေယံင်းထီ စီကဇောည်ဒဲႈတားဆြာ/ဆြာမ ဂေါႇဘည်ဒီန် ကူန်ရဝ်မာဂါင်ဂဲအီဂေါည် ခေဲင်အရာပ်အရာတောန်လှံင် ကနာည်လံပ်ပိင်ငျာကောန်ဒဲႇ အီဂေါည်ခေဲင်ကုင်တအာင်း မှာန်းအယ်တောန်အီး ကဇောည်အယ် ထိုထီအယ်တအာင်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ရေဲန်ပ္လေါည်ႎိူဝ်ႈထီ
Comment Lists