ခေဲင်အူကျံရ်နီန် PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ လေႈဒေင်လံပ်တခါရ် ဟာဝ်းဒဲႈဓါင်ပနောလောင်ပိင်ငျာ ခေဲင်ရဝ် (5)ရဝ်
09 January 2025
ခေဲင်အူကျံရ်နီန် PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ လေႈဒေင်လံပ်တခါရ် ဟာဝ်းဒဲႈဓါင်ပနောလောင်ပိင်ငျာ ခေဲင်ရဝ် (5)ရဝ်
ကုင်တအာင်း ၊ ကျံရ်(1) ဆငည်း (9)
ခေဲင်ကျံရ်အူကိူရ်နီန် တံပ်အွံရ်ပ်ုန်လောတ်ကပီုန်တအာင်း PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ လေႈဒေင်လံပ်တခေါရ် ဟာဝ်းဒဲႈဓါင်ပနော လောင်ပိင်ငျာ တကူန်ရဝ်မာဂါင် ခေဲင်ရဝ်(5)ရဝ်အောႏ။
လေႈဒေင်လံပ်တခေါရ် ဒဲႈဟာဝ်းပိင်ငျာ တကူန်ရဝ်မာဂါင် ပလှံင်မိူင်ငှေါ ကာည်း လှံင်အိုမ်ငျံရ် ခေဲင်ရဝ်(5)ရဝ် ဒဲႈဟာဝ်းဓါင်ပနော လောင်ပိင်ငျာကောန်အီပ်ုန်၊ ဘည်ကောန်အီပ်ုန်ပျော်တခိူည်းတောပ်ဘဝ်ရဟောမ်ရမာ ၊ ခေါခါႇလောင်ပိင်ငျာကောန်အီပ်ုန် ၊ လံပ်နဘာည်းခေဲင်ရဟောမ်ရမာ၊ ဘည်ချှာင်ကောန်အီပ်ုန် ဒဲႈဟာဝ်းပိင်ငျာလောင်ကဲဒီန်အောႏ။
ဆာ်မိုႈ အီရံပ်ဇီုင်းပ္လိူင်ဂဲ လေႈဒေင်လံပ်တခေါရ် ဒဲႈဟာဝ်းပိင်ငျာ ပလှံင်ကုင်ငှေါ ရဝ်(4)ရဝ်ကာည်း ပလှံင်အိုမ်ငျံရ် ရဝ်(1)ရဝ် ကစုကပိုမ် ကူန်ရဝ်မာဂါင် ဂေါည်(256)အီး ရောတ်ဒေကမိုန်ဟာဝ်းအောႏ။
ဘည်အနေ PSLF/TNLAတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ရေဲန်ဟာဝ်းဇီုင်းကာန် ခေဲင်ကုင်တအာင်း ကနာည်ဇီုင်းကာန်အီလီလာနာဘားတေဲင်ကောန်ပ်ုန် နံင်ယောမ်ဒေဲႈ၊ နံင်ဖီုက်လျှံင်ဇီုင်းကာန်ပိင်ငျာကောန်အီပ်ုန်၊ ဇီုင်းကာန်ဆာ်ႈဟိုနောႈဖိူမ်၊ ပျဆနာခေဲင်ဂါင် ကာည်း ဇီုင်းကာန်ဘည်နံင်လီပ်ရိူရ်းနံင်ကပါ်ႇကပံန်ဟာဝ်းအောႏ။
ခည်မိုႈ ခေဲင်ကျံရ်ကိူရ်အူဒိူန်း တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင်လံပ်တခေါရ် ဟာဝ်းဒဲႈဓါင်ပနော လောင်ပိင်ငျာ တကူန်ရဝ်မာဂါင် လှံင်အိုမ်ယ်ုရ်၊ လှံင်အိုမ်ငျံရ်၊ လှံင်မိူင်ငှေါ ခေဲင်ရဝ်(9)ရဝ်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်အရာပ်အရာ
Comment Lists