03 November 2026

ပ္လူႈဆဒိ တကူန်ရဝ်မာဂါင်ဂဲ အီဂေါည်ခေဲင်ကုင်တအာင်းနီန် အာဝ်ဘိူန်းရိူရ်ႈဟောမ် ပ်ုန်ဟောမ်ပ်ုန်ဟာပ် အ်ုန်အီမိုႈ အီအာဝ်ကဒိူဝ်ႈတအိုမ်ဇံန်ထာန်ပ်ုန်ဘ္လအူန်း

အိုမ်ယ်ုရ်၊ ကျံရ်အူကိုရ်၊ ဆငည်း(29)

ဆဒါင်ကုင်တအာင်း

ပ္လူႈဆဒိ တကူန်ရဝ်မာဂါင်ဂဲ အီဂေါည်ခေဲင်ကုင်တအာင်းနီန် အာဝ်ဘိူန်းရိူရ်ႈဟောမ် ပ်ုန်ဟောမ်ပ်ုန်ဟာပ် အ်ုန်အီမိုႈ အီအာဝ်ကဒိူဝ်ႈတအိုမ်ဇံန်ထာန်ပ်ုန်ဘ္လအူန်း ဘည်တေဲင်စေတ်မေန်း-Myanmar FDAဂဲ။ တေဲင်ဘည်စေတ်မေန်း-Myanmar FDA ခေဲင်က္လာႈယိူဝ်ႇအီယံင်း ထာန်ပ္လအူန်းအယ် ယံင်းလိူည်ပ်ုန်ဟောမ်အီတောႇဓာတု၊ ပ်ုန်ဟောမ်အီဘိူန်းအူန်းလှေင်ဒီန် အ်ုန်ဆမားလံက်ဟာဝ်းခေါခါႇ တောႇဘိုပြာအိုမ်တီရ်ႈ ဂေါႇဘည်ဒီန် လိုႎီရ်ဆီမ်းဟာဝ်းဒိုႇ ပ်ုန်ယံင်းအူန်းခေဲင်က္လာႈ စိပဲန်ပ္လူႈဆဒိ တကူန်ရဝ်မာဂါင်ဂဲ အာဝ်ဘိူန်းရိူရ်ႈဟောမ် အောႏ။

ပ်ုန်ဟောမ်ပ်ုန်ဒါ အ်ုန်မိုႈ ပ်ုန်ထုတ်လေႈ-Green Circle Co., Ltd.  Ve Veအရဆာ Strawberry၊ ငါမ်ဘူည်ႇပ္လေမမံန် ကာည်း De De-အိုမ်ဘူYogurt တောႇဘို အရဆာOrange။ ပ်ုန်ဟောမ်ပ်ုန်ဒါဂဲဒီန် ထာန်ပ္လအူန်းအယ် ကဲဟံပ်ဘိုငါမ်တောႇဓာတုဂီန်း- Sodium Cyclamate။

ဂေါႇဘည် တေဲင်စေတ်မေန်း-FDAဂဲ ယိူဝ်ႇ De De-အိုမ်ဘူYogurt ကာည်း အီဘိူန်းအူန်းလှေင် ဘည်(နဂါးနီ/ပုန်းရည်ကြီး) Sodium Benzoate ကာည်း Benzoic Acidဒီန်မော ထာန်ပ္လအူန်းအယ် အ်ုန်လိူရ်ႈလေႈ အောမ်ကမှုရ်ဆီန်းငျံရ်- Aflatoxin B1ဒီန် အ်ုန်တောႇကောင်ဂီန်း။

ဆာ်ႈမိုႈ-Aflatoxin B1 အ်ုန်ဆမာပဲန်လံက်ဟာဝ်းခေါခါႇ ဆာ်ႈအယ်ဟောမ်ဂီန်း အ်ုန်လံက်ဟာဝ်းကတောမ် ကာည်း ဆမားပ်ုန်ကဲန်ဆံရ်ဒါင်းဇာရ်။ ဂေါႇဘည်ဒီန် ဆာ်ႈအယ်မိုႈရောဂါကတောမ် လိုအူန်းဆဒိအာဝ်အာဝ်ဘိူန်းဟောမ် ကောန်ဒဲႇ၊ အီဂေါည်ရတိုဇံန်၊ တိုအီအဆာက်ဒါင်း ကာည်း တိုအီမိူဝ်ႈဂေါႇရောဂါဆဲဝ်လှေင် လိုအူန်းဆဒိဒါင်းဒါင်း ဆာ်ႈလိုႎဲႈမော ႎဲႈ။

ဆဲႈဒီန် Sodium Cyclamate ကာည်း ဂြူခြီုင်အီဘိူန်းအူန်းလှေင် မိုႈလိူည် ထာန်ပ္လအူန်းအယ်ဘိူန်းအိူဝ်ဒါဟာဝ်း မိုႈလိူည် ဆာ်ႈဆနံမ်ဟောည်ႇဒိုႇ အာဝ်ဘိူန်းယာ့်ဆီုပ်ဒါဟာဝ်း အာဝ်ဘိူန်းဟောည်ႇဆီုပ်ဟောမ် ဆာ်ႈအယ်ဟောမ် နှာင်းပဲန်ဖေးဒါင်း ခေဲင်တိုပိုင်အယ်ယာ့်။

ပ်ုန်ဟောမ်ပ်ုန်ဟာပ်  အီအာဝ်ကဒိူဝ်;တအိုမ်ဇံန်ထာန်ပ်ုန်ဘ္လအူန်း ဆာ်ႈရောတ်ဒေဲႈခေဲင်ဆဲင် ကုင်တအာင်းနီန် ကဆီုပ်ကူန်ရဝ်မာဂါင်ဂဲ လိုတောႇခေါပ်ပြာႇ ပ်ုန်ပ္လူႈဆဒိ-Myanmar FDA ကူမ်ရေင်၊ စနဲကူမ် ကာည်း အရာင်ရဲန်ဂြူ လိုစေန်မေန်းနှာအာည်ႇ စိရိူရ်ႈဟောမ်ဒါ ကာည်း လိုႎဲႈဟာဝ်း။

ဆဲႈဒီန် ကညာဆဲင်ကဲအီယံင်းခေဲင်ကုင်တအာင်းနီန် ကူမ်ပ်ုန်ပ္လူႈဆဒိဂဲဒီ အာဝ်ဘိူန်းဆီုပ်ယံင်းဟာဝ်း လိုစေန်မေန်းပ်ုန်ႎဲႈဟာဝ်းဒိုႇ။ ကဆီုပ်ကူန်ရဝ်မာဂါင်ဂဲမော တိုပိုင်အယ် ကာည်း ရဟောမ်ရမာအယ် လိုဒံန်ခြဲဟာဝ်း ခေါခါႇ မောကံပ်လာ့်ဒါႇ ဖေးတေဲင်ပ်ုန်ဟောမ်ဒါဒီ လိုတောႇခေါပ်ပြာႇ ပ်ုန်ပ္လူႈဆဒိအူန်း-Myanmar FDA အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း