09 January 2025

ပလှံင်ဆဘော ပ်ုန်ကတူႈအီစိုန် ကာည်း အီးလူည်ႇဟာဝ်းအမှုငံန်တကောန်အီပ်ုန် ခေဲင်(7)အီးကဲဒီန် ဖုင်ဒံန်ခြဲတြားဥပဒေဂဲ ဘိူန်းတိုည်းဟာဝ်း(3)အီး

ဆဘော၊ ကျံရ်အူ၊ ဆငည်း (9)

ဆဒါင်ကုင်တအာင်း

ကုင်တအာင်း၊ လှံင်ဆဘော ဒီယံင်းအိုမ်ပျြံင်စာက် ရအာည်ႇဆဲင်(AAA) ပယုင်စာက်ရကာဝ်း ပ်ုန်ကတူႈအီစိုန် ကာည်း အီလူည်ႇအမှုငံန် ပယံမ်းဟာဝ်းကောန်အီပ်ုန်အူအီး ခေဲင်တိုအီး(7)အီးကဲဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ဒံန်ခြဲတြားဥပဒေဂဲ ဘိူန်းတိုည်းဟာဝ်း (3)အီးအောႏ။

ဖုင်အီးလူည်ႇဟာဝ်းအမှုကဲဒီန် ခည်မိုႈ ကျံရ်ကိူရ်အာရ် ဆငည်း(19)ဒိူန် ဖုင်ဒံန်ခြဲတြားဥပဒေဂဲ ဘိူန်းတိုည်းဟာဝ်းဂဲ။ ဖုင်ကဲနီန်း မိုႈဒိုည်ႇတိုအီး လူည်ႇအမှု  ခည်ဆီုက်ဘြာန်ဂဲ ဘြောင်ချှာင် လှံင်ဆဘောဒိူန်အောႏ။

ပ်ုန်ဘိူန်းတိုည်းဟာဝ်းကဲဒီန် မိုႈ အံင်နဲင်ဆိုး အဆာက်(44)ဆန်ုမ်၊ ကိုယဲဟေင်း အဆာက်(42)ဆန်ုမ်၊ ကာည်း ဆီန်မီန်းပါည် အဆာက်(29)ဆန်ုမ် ကဲ(3)အီး၊ ကဇေန်နီန်း အီဒဝ်လောတ်ဟာဝ်းကဲဒီန် မိုႈ ဝေဖျိုးအံင်၊ ငဖျိုး၊ အသားတု ကာည်း ဆောည်ပါည်ထူန်း ကဲ(4)အီးအောႏ။

ကဝ်အီမိုႈ အံင်နဲင်ဆိုးနီန်း အ်ုန်မိုႈ အီထာမ်းဇီုင်းကပ္လိူင် စြေး ပလိက် ရခြူမ်တံပ်ဆီုက်ဘြာန်ဂဲ (နံပါတ်ကနံဝ်တို-197222) အောႏ။

အခိင်ဘိူန်းတိုည်းဟာဝ်းဒီန် အ်ုန်တောပ်ဂြို RPG7(1)ပိုင်၊ စာက်ကြောႈ(1)ပိုင်၊ ပ္လေMA3 (47)ပိုင်၊ M9(2)ပိုင်၊ ပျူး M9 (7)လှေ၊ ဖိင်လူည်း(1)ဘဝ်၊ ဘက်ထရီ W27000 Mah(1)ပိုင်၊ ကဘဝ်ကအိုင်းယာမ (20)ပိုင် ကာည်း ဘိုတ်ဘူတ်(1)လှေကဲနီန်အောႏ။

ဟောည်ႇဒီန် ပ်ုန်ဘိူန်းတိုည်းဟာဝ်း(3)အီးကဲနီန် တံပ်အွံရ်ပ်ုန်လောတ်ကပီုန်တအာင်း PSLF/TNLAဖုင်ဒံန်ခြဲတြားဥပဒေ လှံင်ဆဘောဂဲ နံင်တိူဝ်ႈလာည်းဟာဝ်းအရေး တောပ်လိူည်ဘည်ဥပဒေ၊ ဆာ်မိုႈအီလူည်ႇအမှု အီးဒဝ်လောတ်ဟာဝ်း(4)အီးကဲဒီန်မာ် နံင်တခေါရ်တီပ်ဟြီုက်ဟာဝ်း ချာ်န်းချာ်န်းအောႏ။

#PSLF/TNLA

#တီုင်ပ္လေႈလေႈဆဒါင်

#ဆဒါင်ပ္လေဲဝ်အခွါင်းအရေး

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း