ကုင်တအာင်း၊ လှံင်အိုမ်ယ်ုရ်၊ ခမိုကျောက်ဖြူဒါင်း ရဝ်ကျောက်ဖြူ၊ ရဝ်ကျောက်ခေါင်း၊ ပ္လေါင်ဘြာန်၊ ရဝ်ဆိုရ်အိုည်ကိူရ်ဂဲ ကစုကပိုမ်ရဲင်ဘ္လောမ်ဒေ လှံင်အိုမ်ယ်ုရ်၊ ဇံင်မာန်မိုင် ကာည်း ရဝ်ဆိုရ်အိုည်ကိူရ် ကူန်ရဝ်မာဂါင်ဂဲ ကစုကပိုမ်ရဲင်ဘ္လောမ်ဒေ ဘြဲဆာဒေင်ကောန်ကရီတ် ဒီလူလှဲဝ်ႈ ႎီရ်ပျိူဝ်ႇရာင်ဒေ။
ဒီရ်;ကဇေန်နီး
ကုင်တအာင်း၊ အိူင်အေဲမ်ခြီရ်၊ ပဇံင်ကော်င်တံပ် ဘံန်ဟောည်ႇဒေဲႈ ကျံရ်ဖံန်၊ ဆငည်း(31) ဒိူန် ဘည်ယာမ်ဇ်ုမ်ႏ ပ်ုန်တိုမ်ကစုအူန်း ငျားဒေကလူည်ႇပဒူႈ ဆူမ်းဟာဝ်းအဆာက် ကာည်း ကတူႈဟာဝ်းဖေးဆဲဝ်ကဲဂဲဒိူန် တံပ်အွံရ်ပ်ုန်လောတ်ကပီုန်တအာင်း-PSLF/TNLA နောႈခေဲမ်တောပ် ရိူရ်ႈလေႈပ္လါႇဘေဲႇမှာန်းပ္လိုတ်ခွါင်း တေဲင်ဘည်ပဒူႈဟာဝ်းယာမ် ရေဲန်ပ္လေါည်တငါဝ်းတြား ကနာည်အီယံမ်းဟာဝ်း၊ ကဇောည်ထာ့်ဒဲႈရိူန်း တရဟောမ်ရမာဂဲအောႏ။
ဖုင်ကပါင်းခေါခါႇတအာင်း-( Ta’ang Health Organization -THO) ကာည်း ကောင်ဆံရ်ခေါခါႇကုင်တအာင်း-(Ta’ang Land Health Council -THC) ကပိုမ် ထိုးဒဲႈဆနံမ်းဒံန်ခြဲ တကောန်ဒဲႇအဆာက်(10)ဆန်ုမ်လေႈရခြူမ် ကာည်း မာကောန်ဒဲႇတိုဇံန် ပလှံင်အိုမ်ယ်ုရ် ၊ ခေဲင်ကုင်တအာင်း။
ဘည်ကဆီုဝ်ကဆဲင်ပဲန်ပဒူႈဒီန် ရောတ်ဆန်ုမ်2026၊ ကျံရ်တောရ် ဆငည်း(1) အခိင်ရမှိူဝ်(7)နြီ ထာန်ဘိူန်းစြာင်း တိုအီးယံမ်းမိုႈ(43)အီး ကာည်း တိုအီးကတူႈဘာတ်(112)အီး။ ရောတ်ကဇေန်နီးမာ် ဆီုပ်ရေဲန်ဟာဝ်းအူန်း ဇီုင်းကာန်လံပ်ကဇောည် ကာည်း ဇီုင်းကာန်ကဲပ်စြာင်းကဲနီန်အောႏ။
ဆန်ုမ်2026 ကျံရ်ဖံန် ဆငည်း(31) အခိင်ရဆံန်(12)နြီဒိူန် ခေဲင်ကုင်တအာင်း၊ အိူင်အေဲမ်ခြီရ်၊ လှံင်အေဲမ်ခြီရ်၊ ပရဝ်ကော်င်တံပ် ယာမ်ဇ်ုမ်ႏပ်ုန်တိုမ်ကစုအူန်း ကနာည်ဒါရေဲန်ဇီုင်းကာန် ထုက်လေႈမာဝ်းမိူင်တူန်း ငျားဒေကလူည်ႇပဒူႈဟာဝ်း။
ကုင်တအာင်း၊ အိူင်ရူကော၊ ခေဲင်လှံင်အိုမ်ငျံရ် တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ဟာဝ်းတီႇဆ်ုမ် တံင်ပိုႈ၊ တံင်ပ္လေ (12000)လေႈ ကဒါႇရဝ်ခိုဖိတ်၊ ရဝ်မိုင်းဆင် ကာည်း ရဝ်ဘော်တွင်း လေႈတာပ်ဟာဝ်းဒေင်ဒါင်း ကျံရ်ဖံန်၊ ဆငည်း(25) ရောတ် ဆငည်း(27)။
ပ်ုန်ဒီရ်;ဂီုန်း
