တံပ်အွံရ်ပ်ုန်လောတ်ကပီုန်တအာင်း-PSLF/TNLA နောႈခေဲမ်တောပ် မှာန်းပ္လိုတ်ခွါင်း တေဲင်ဘည်ပဒူႈဟာဝ်းယာမ် ပရဝ်ကော်င်တံပ်၊ လှံင်အေဲမ်ခြီရ် ရေဲန်ပ္လေါည်တငါဝ်းတြား ကနာည်အီယံမ်းဟာဝ်း၊ ကဇောည်ထာ့်ဒဲႈရိူန်း တရဟောမ်ရမာ
08 June 2026
တံပ်အွံရ်ပ်ုန်လောတ်ကပီုန်တအာင်း-PSLF/TNLA နောႈခေဲမ်တောပ် မှာန်းပ္လိုတ်ခွါင်း တေဲင်ဘည်ပဒူႈဟာဝ်းယာမ် ပရဝ်ကော်င်တံပ်၊ လှံင်အေဲမ်ခြီရ် ရေဲန်ပ္လေါည်တငါဝ်းတြား ကနာည်အီယံမ်းဟာဝ်း၊ ကဇောည်ထာ့်ဒဲႈရိူန်း တရဟောမ်ရမာ
အေဲမ်ခြီရ်၊ ကျံရ်တောရ်၊ ဆငည်း(8)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ ပဇံင်ကော်င်တံပ် ဘံန်ဟောည်ႇဒေဲႈ ကျံရ်ဖံန်၊ ဆငည်း(31) ဒိူန် ဘည်ယာမ်ဇ်ုမ်ႏ ပ်ုန်တိုမ်ကစုအူန်း ငျားဒေကလူည်ႇပဒူႈ ဆူမ်းဟာဝ်းအဆာက် ကာည်း ကတူႈဟာဝ်းဖေးဆဲဝ်ကဲဂဲဒိူန် တံပ်အွံရ်ပ်ုန်လောတ်ကပီုန်တအာင်း-PSLF/TNLA နောႈခေဲမ်တောပ် ရိူရ်ႈလေႈပ္လါႇဘေဲႇမှာန်းပ္လိုတ်ခွါင်း တေဲင်ဘည်ပဒူႈဟာဝ်းယာမ် ရေဲန်ပ္လေါည်တငါဝ်းတြား ကနာည်အီယံမ်းဟာဝ်း၊ ကဇောည်ထာ့်ဒဲႈရိူန်း တရဟောမ်ရမာဂဲအောႏ။
အီဟိုက်ရောတ်ဒေဲႈခေဲင် ရေဲန်ပ္လေါည်တငါဝ်းတြား ကျံရ်တောရ်၊ ဆငည်း(6)ဒိူန် တာမ်တားတီုင်အွံရ်(1) တာမ်ခူန်ချုဒါင်း တားဇိုက်ဇာရ်၊ တာမ်တားတီုင်အွံရ်(2) ခူန်ချု တားခူရ်လာန်း၊ ဂေါပ်တားချှာင်ဇီုင်းကာန်တောန်နဲ(1) ခူန်အွံရ်ချု တားအိုမ်တမာဝ်း၊ ဂေါပ်တားချှာင်ဇီုင်းကာန်တောန်နဲ(2) ခူန်အွံရ်ဒါင်း တားပါင်လ ၊ အီရံပ်ဇီုင်းကပ္လိူင်းခေဲင်တောန်တီုင်ဌာန၊ ကူန်ရဝ်မာဂါင် ကာည်း တရဟောမ်ရမာဂဲအီဒါ့်ကီုတ်အောႏ။
ဂေါႇယာမ်ဇ်ုမ်ႏပ်ုန်တိုမ်ကစုအူန်း ငျားဒေကလူည်ႇပဒူႈ ကဲအီဆူမ်းဟာဝ်းအဆာက်ဂဲဒိူန် အီဒါ့်ကီုတ်တရဟောမ်ရမာဂဲဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA ဘည်လည်ကဇိူရ်ႈနောႈ တေဲင်ကူန်ရဝ်မာဂါင် ကဇောည်ဒဲႈရိူန်းအူအီး (100)ဆဲန်ဘျာ တဒါ့်ကီုတ်တရဟောမ်တရမာခီဘံန်း။ ရိူန်းကဇောည်နီး PSLF/TNLA ဒါရိူန်းဒူကဇောည်ဒဲႈဟာဝ်း။
ဆဲႈဒီန် ဂေါႇယာမ်ဇ်ုမ်ႏပဒူႈ ကဲအီကတူႈဖေးဘာတ်ဒါင်းဂဲဒိူန်မာ် ပ်ုန်လိုဆနံမ်ဟောမ်၊ ကနာည်ခေါခါႇ ကာည်း ပ်ုန်လိုကဇောည်တောန်မျိုးမာ် တံပ်အွံရ်ပ်ုန်လောတ်ကပီုန်တအာင်း -PSLF/TNLA ဆီုပ်ရေဲန်ကဇောည်ဟာဝ်းအူန်းအောႏ။
ကခံပ်ကယည်နီန် အီဟိုက်ရောတ်ဒေဲႈမိုႈ အီအွံရ်PSLF/TNAL ကာည်း အီရံပ်ဇီုင်းကပ္လိူင်ဂဲ က္လာင်းဒါႈ ဘည်ပဲန်ကဇေန်နီး ဂေါႇမိုႈ အီကတူႈချှူမ်ဟာဝ်းအဆာက် ကာည်း အီကတူႈဖေးဆဲဝ်ဂီုန်း ပဲန်အူန်းနောခေဲမ်တောပ် ရဟောမ်ရမာ အီကီုတ်ဂေါည်အူန်းခီဘံန်းဂဲ၊ ဂေါႇမိုႈဘည်ဟာဝ်းနီန် တေဲင်ဘည်ပဲန်ဒေဲႈ ကတူႈချှူမ်ဟာဝ်းကဲနီန် နှာင်းတိူဝ်ႈရံပ်လာည်းဟာဝ်းဇီုင်းအ်ုန်ဒါင်းဒါင်း ကာည်း နှာင်းကဇောည်ရေဲန်ဒဲႈဟာဝ်း ဇီုင်းကာန်ဝီရ်ပျိူဝ်ႇယိူဝ်ႇ ကနာည်ကူန်ရဝ်မာဂါင်ဂဲ ကတူႈချှူမ် ကာည်း အီကတူႈဖေးဆဲဝ်ကဲနီန်။
ကနာည်ဇီုင်းကာန်ဝီရ်ပျိူဝ်ႇယိူဝ်ႇ ဇံင်ကော်င်တံပ်နီန် ကဆီုဝ်ဘည်ဖုင်လေႈ ကာ်မ်မတီ ဇီုင်းကာန်ဝီရ်ပျိူဝ်ႇယိူဝ်ႇ ကနာည်ဇံင်ကော်င်တံပ် အီဂေါည်ပကုင်ကပိုမ်၊ ကုင်အီဟံရ်ကဲနီန် စေတနာကညာအီလှူ၊ ဖုင်ကပါဝ်းဂဲ ကာည်း အီမိူဝ်ႈ မေတ္တာ၊ စေတနာ ကူန်ရဝ်မာဂါင်ဂဲ ပ်ုန်ကစုကပိုမ်ကဇောည်လှူဒဲႈရိူန်း ထာန်ဘိူန်းအူန်းကာ်မ်မတီဂဲ ကဇေန်နီးမိုႈ ရိူန်းခယ်ယွမ် (206,435)ယွမ် ကာည်း ရိူန်းဘြာန်(900,418,350)ဘျာ။ ရိူန်းကဇောည်ပ်ုန်ဘိူန်းအူန်းကဲဒီန် နှာင်းဆီမ်းအူန်းကနာည်ဇီုင်းကာန် ဝီရ်ပျိူဝ်ႇယိူဝ်ႇ ဇံင်ကော်င်တံပ် ဇူႈပွံတ်အခိင်ရေဲန်ဇီုင်းကာန် နှာင်းချှာင်ဒါဟာဝ်း ကတီးကရီး။
ဘည်ကဇေန်နီး ခေဲင်ဇံင်ကော်င်တံပ် ဘည်လံက်ဟာဝ်းလူလှဲဝ်ႏဂါင်ဂေါည်၊ ဂါင်ႎါႈကျောင်ပနောဘေဲႇ၊ ကနာည်နှာင်းဝီရ်ပေန်ဒေဲႈဘိုး ကနာည်ဇိုဇာတ်ကူန်ရဝ်မာဂါင်ဂဲ အီရံပ်ဇီုင်းကပ္လိူင်တီုင်ဌာနဂဲ ၊ ဖုင်ကဇောည်လံပ်ကႎှံက်ဂဲ ကဖြောမ်ကရောမ် ဆီုပ်ရေဲန်ဟာဝ်းအူန်း ဇီုင်းကာန်ကဇောည်၊ လံပ်ကဇောည်ဒဲႈ ကာည်း ဇီုင်းကာန်ဝီရ်ပျိူဝ်ႇယိူဝ်ႇကဲနီန်။
ကဆီုဝ်PSLF/TNLAမာ် ဂေါႇမိုႈအ်ုန်ဘာည်းဟာဝ်းနီန် ပဲန်အူန်းနောခေဲမ်ဒါင်းဒါင်းတောပ် ဘည်ကူန်ရဝ်မာဂါင်ဂဲ အီကတူႈချှူမ်ဟာဝ်း ကာည်း နှာင်းဆီုပ်ရေဲန်ကဇောည်ဒဲႈဟာဝ်း ကနာည်ဇိုဇာတ်ကူန်ရဝ်မာဂါင်ဂဲ ဒီလိုအ်ုန် နှာင်းဝီရ်ပဲန်ဘိူန်း ဘယ်ဒေကပါ်ႇကပံန်ဘာည်းပြီမ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists