ပ္လါႇဘေဲႇပ်ုန်ရိူရ်ႈလေႈ စြာင်းတိုအီးယံမ်း ကာည်း တိုအီးကတူႈဖေးဆဲဝ် ဂေါႇယာမ်ဇ်ုမ်ႏပ်ုန်တိုမ်ကစုအူန်း ငျားဒေကလူည်ႇပဒူႈ ပရဝ်ကော်င်တံပ် လှံင်အေဲမ်ခြီရ်
02 June 2026
ပ္လါႇဘေဲႇပ်ုန်ရိူရ်ႈလေႈ စြာင်းတိုအီးယံမ်း ကာည်း တိုအီးကတူႈဖေးဆဲဝ် ဂေါႇယာမ်ဇ်ုမ်ႏပ်ုန်တိုမ်ကစုအူန်း ငျားဒေကလူည်ႇပဒူႈ ပရဝ်ကော်င်တံပ် လှံင်အေဲမ်ခြီရ်
လှံင်အေဲမ်ခြီရ်၊ ကျံရ်တောရ် ဆငည်း(2)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ လှံင်အေဲမ်ခြီရ်၊ ပရဝ်ကော်င်တံပ် ယာမ်ဇ်ုမ်ႏပ်ုန်တိုမ်ကစုအူန်း ကနာည်ဒါရေဲန်ဇီုင်းကာန် ထုက်လေႈမာဝ်းမိူင်တူန်း ငျားဒေကလူည်ႇပဒူႈ။
ဘည်ကဆီုဝ်ကဆဲင်ပဲန်ပဒူႈဒီန် ရောတ်ဆန်ုမ်2026၊ ကျံရ်တောရ် ဆငည်း(1) အခိင်ရမှိူဝ်(7)နြီ ထာန်ဘိူန်းစြာင်း တိုအီးယံမ်းမိုႈ(43)အီး ကာည်း တိုအီးကတူႈဘာတ်(112)အီး။ ရောတ်ကဇေန်နီးမာ် ဆီုပ်ရေဲန်ဟာဝ်းအူန်း ဇီုင်းကာန်လံပ်ကဇောည် ကာည်း ဇီုင်းကာန်ကဲပ်စြာင်းကဲနီန်အောႏ။
ကနာည်ကူန်ရဝ်မာဂါင်ဂဲ အီကတူႈဖေးဆဲဝ်ကဲဒီန် မိူဝ်ႈအူန်းကဇောည်ပဘိုးဒဲႈဟာဝ်း ဆနံမ်းပ်ုန်လိုဒါကဲနိုက်နိုက်၊ အီရံပ်ဇီုင်းကပ္လိူင်တီုင်ခေါခါႇ တာဆြာ/ယာဆြာဂဲမာ် မိူဝ်ႈအူန်းကဇောည်ဆနံမ်းဒဲႈဟာဝ်း လံပ်ခေါခါႇဂဲတောပ်ဘာည်းအခိင်။ ဒါႇခူဒီန် မိူဝ်ႈအူန်းဆီုပ်ကဇောည် ဒဲႈဟာဝ်း ဇီုင်းကပ္လိူင်လံပ်ခေါခါႇဂဲ၊ ပ်ုန်ဟောမ်ပ်ုန်ဟာပ် ကာည်း ဂြူပ်ုန်လိုဒါကဲနီန်။
ဘည်ကဆီုဝ် တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ဌာနဂဲမာ် မိူဝ်ႈအူန်းကဖြောမ်ကရောမ် ရေဲန်ဒဲႈဟာဝ်း ဇီုင်းကာန်လံပ်ကဇောည် ကနာည်ကူန်ရဝ်မာဂါင်ဂဲ အီကတူႈဖေးဆဲဝ် ၊ ကဇောည် တိူရ်ႈငိူပ်မေန်ဒဲႈ လံပ်ခေါခါႇဂဲ ကာည်း ကဇောည်ရေဲန်ဒဲႈ ဇီုင်းကာန်ဝီရ်ပျိူဝ်ႇယိူဝ်ႇကဲနီန်ဒါင်းဒါင်းအောႏ။
ဆဲႈဒါႇဒီန် မောကံပ်ဘိူန်းလံပ်ကဇောည် ကနာည်ကူန်ရဝ်မာဂါင်ဂဲ အီလံက်ကတူႈဖေးဆဲဝ် ဖုင်ကဇောည်လံပ်ကႎှံက် အီဂေါည်ခေဲင်လှံင်အရာပ်အရာဂဲ ကာည်း ဖုင်အီရံပ်ဇီုင်းကပ္လိူင်စေတနာဂဲ ကဖြောမ်ကရောမ်ရီန်းရဲတ်ဒေ ကဇောည်ရေဲန်ဒဲႈဟာဝ်းအူန်း ဇီုင်းကာန်လံပ်ကဇောည်နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists