05 June 2026

ကောင်ဆံရ်ခေါခါႇကုငတအာင်း-THC ကာည်း THO ကပိုမ် ထိုးဒဲႈဆနံမ်းဒံန်ခြဲ တကောန်ဒဲႇအဆာက်(10)ဆန်ုမ်လေႈရခြူမ် ကာည်း မာကောန်ဒဲႇတိုဇံန် ပလှံင်အိုမ်ယ်ုရ်

အိုမ်ယ်ုရ်၊ ကျံရ်တောရ်၊ ဆငည်း(5)

ဆဒါင်ကုင်တအာင်း

ဖုင်ကပါင်းခေါခါႇတအာင်း-( Ta’ang Health Organization -THO) ကာည်း ကောင်ဆံရ်ခေါခါႇကုင်တအာင်း-(Ta’ang Land Health Council -THC) ကပိုမ် ထိုးဒဲႈဆနံမ်းဒံန်ခြဲ တကောန်ဒဲႇအဆာက်(10)ဆန်ုမ်လေႈရခြူမ် ကာည်း မာကောန်ဒဲႇတိုဇံန် ပလှံင်အိုမ်ယ်ုရ် ၊ ခေဲင်ကုင်တအာင်း။

ဘံန်ဟောည်ႇဒေဲႈ ကျံရ်ဖံန် ဆငည်း(25) ရောတ်စာ်မ်း ဆငည်း(29) ခေဲင်ဇိုချီုင်အူနှာ ပယုင်ဆနံမ်ဒါင်းလှံင်အိုမ်ယ်ုရ် ကုင်တအာင်း၊ ကောင်ဆံရ်ခေါခါႇကုင်တအာင်း-THC ကာည်း THO ဆာ်ႈအွံရ်ထိုးဒဲႈဟာဝ်း ကောန်ဒဲႇအဆာက်(10)ဆန်ုမ်လေႈရခြူမ် ကာည်း မာကောန်ဒဲႇတိုဇံန် ကစုကပိုမ်ဂေါည်(318)အီး တတိုအီးရဝ်ဂဲ၊ အီဂေါည်ခေဲင်လှံင်အိုမ်ယ်ုရ်။

ဆနံမ်းပ်ုန်ထိုးဒဲႈဟာဝ်းမိုႈ BCG Vaccine(ဆနံမ်းဒံန်ခြဲရောဂါတီဘီ)၊ IPV Vaccine(ဆနံမ်းဒံန်ခြဲရောဂါဆနာႇယံမ်း ပိုလီယို)၊ Pentavalent Vaccine (ဆနံမ်းဒံန်ခြဲဖံန်မျိုးကစာပ် ဆနံမ်းဆိုင်ဆိုနာ၊ ဆနံမ်းကအိုက်၊ ဆနံမ်းဘီရ်တိုပိုင်း၊ ဆနံမ်းယံင်တာ်န်းဂါ်ႈပိုင်းနောႈ(Bပိုး))၊ ဆနံမ်းရောဂါ ဆဲဝ်ခေဲင်ဟောႇ ၊ MMR Vaccine(ဆနံမ်းဒံန်ခြဲ ရောဂါကလာအာႈ)၊ JE Vaccine( ဆနံမ်းဒံန်ခြဲ ရောဂါဟောႇတာ်န်း) ကာည်း ကနာည်မာကောန်ဒဲႇတိုဇံန် Td Vaccine(ဆနံမ်းဒံန်ခြဲ ဘီရ်တိုပိုင်းကာည်း ဆိုင်ဆိုနာ)ကဲနီန်အောႏ။

ကခံပ်ကယည်ထိုးဒဲႈဆနံမ်းဒံန်ခြဲနီန် ပ်ုန်ကယေင်မိုႈ နှာင်းဘယ်ဒံန်ခြဲ ဘည်ကတံက်ရောဂါ တကောန်ဒဲႇဂဲ၊ နှာင်းကောန်ဒဲႇဂဲ ကတာရ်ႈဒါင်းဇာရ်ဒေဲႈမှယ်နီန် ကာည်း မောဟောႇဂဲ ကံပ်ကတာရ်ႈဒါင်းဇာရ်ဒေဲႈအောႏ။

ဘံန်ဟောည်ႇဒေဲႈ ခေဲင်ကျံရ်ဖံန်ဒိူန်မာ် ပလှံင်အိုမ်ငျံရ် ကာည်း လှံင်ရူကော  ဖုင်ကပါင်းခေါခါႇတအာင်း-( Ta’ang Health Organization -THO) ကာည်း ကောင်ဆံရ်ခေါခါႇကုင်တအာင်း-THCဂဲ ကစုကပိုမ်ဒေ ထိုးဒဲႈဆနံမ်းဒံန်ခြဲ အ်ုန်တောပ် BCG Vaccine၊ IPV Vaccine၊ Pentavalent Vaccine၊ MMR Vaccine ကာည်း Td Vaccine ဂဲထိုးဒဲႈဟာဝ်း တကောန်ဒဲႇ အဆာက်(5)ဆန်ုမ်လေႈရခြူမ်(1378)အီး ကာည်း မာကောန်ဒဲႇတိုဇံန်(13)အီး။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း