PSLF/TNLA တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ဟာဝ်းတီႇဆ်ုမ်တံင်ပိုႈ၊ တံင်ပ္လေ (12000)လေႈ ခေဲင်လှံင်အိုမ်ငျံရ်
02 June 2026
PSLF/TNLA တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ဟာဝ်းတီႇဆ်ုမ်တံင်ပိုႈ၊ တံင်ပ္လေ (12000)လေႈ ခေဲင်လှံင်အိုမ်ငျံရ်
အိုမ်ငျံရ်၊ ကျံရ်ဖံန်၊ ဆငည်း(2)
ဆဒါင်ကုင်တအာင်း
ကုင်တအာင်း၊ အိူင်ရူကော၊ ခေဲင်လှံင်အိုမ်ငျံရ် တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ဟာဝ်းတီႇဆ်ုမ် တံင်ပိုႈ၊ တံင်ပ္လေ (12000)လေႈ ကဒါႇရဝ်ခိုဖိတ်၊ ရဝ်မိုင်းဆင် ကာည်း ရဝ်ဘော်တွင်း လေႈတာပ်ဟာဝ်းဒေင်ဒါင်း ကျံရ်ဖံန်၊ ဆငည်း(25) ရောတ် ဆငည်း(27)။
ဘည်ကယေင်ရေဲန်တီႇဆ်ုမ်ဟာဝ်း တံင်ပိုႈ၊ တံင်ပ္လေနီန်မိုႈ ကနာည်ဇီုင်းကာန်ဆဖာဝ အရာပ်အရာလံပ်ဆာယာချှီႇတခိူည်း ကနာည်ဘယ်ထိင်ခြဲ ဆဖာဝအရာပ်အရာဟိုက်ဇာရ် ကာည်း ထုင်မှိူမ်ထုင်ရိုဘိုဇေန် မောကံပ်ဆာယာချှီႇတခိူည်း ဒါင်းဒါင်းအ်ုန် တီ,ဆ်ုမ်ဟာဝ်း တံင်ပိုႈဆေင်ပါန်း၊ ပိုႈစေင် ကာည်း ကာမ်ကော်ကဲနီန်။
ဆဲႈဒါႇဒီန် ပ်ုန်တီႇဆ်ုမ်ဟာဝ်းနီန် နှာင်းတိုဆံတ်ကဲ အာဝ်ဘိူန်းလီပ်ကဝ် ကနာည်ဘယ်ဒံန်ခြဲတံင်ပိုႈ၊ တံင်ပ္လေကဲနီန် ရေဲန်ခြဲကပါ်ႇကပံန်ဒဲႈဟာဝ်း။ ဇီုင်းကာန်တီႇဆ်ုမ်နီန် ကူန်ရဝ်မာဂါင်ဂဲမာ် လီပ်ကရောမ်ရေဲန်တောပ်ဟာဝ်း။
ဘံန်ဟောည်ႇဒေဲႈ ကျံရ်ဖံန် ဆငည်း(15)ဒိူန် တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ဟာဝ်းတီႇဆ်ုမ် တံင်ပိုႈ၊ တံင်ပ္လေ(1000)လှိူဝ်း တေဲင်ဆိုရ်ကဒံင်ဖြား ပလှံင်အိုမ်ယ်ုရ်၊ အိူင်အိုမ်ယ်ုရ်၊ ခေဲင်ကုင်တအာင်း။
မောကံပ်ဆဖာဝအရာပ်အရာ ဆာယာချှီႇတခိူည်း ကာည်း မောကံပ်ဘိူန်းရလှဲဝ်ဒါဒီလှု PSLF/TNLA ဆာ်ႈအွံရ် ပ္လူႈဆဒိ တကူန်ရဝ်မာဂါင်ဂဲ လိုတီႇဆ်ုမ်ဟာဝ်း တံင်ပိုႈ၊ တံင်ပ္လေနီန်မိုႈ ကနာည်ဇီုင်းကာန်ဆဖာဝ အရာပ်အရာလံပ်ဆာယာချှီႇတခိူည်း ကနာည်ဘယ်ထိင်ခြဲ ဆဖာဝအရာပ်အရာဟိုက်ဇာရ် မောကံပ်ဆာယာချှီႇတခိူည်း ကဇောည်ထိင်ခြဲဟာဝ်းအ်ုန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists