ပ်ုန်ကဘ္လာင်းလေႈ ဘည်ယာမ်ဇ်ုမ်ႏ ပ်ုန်တိုမ်ကစုအူန်း ပရဝ်ကော်င်တံပ် လှံင်အေဲမ်ခြီရ် ငျားဒေကလူည်ႇပဒူႈ
02 June 2026
ပ်ုန်ကဘ္လာင်းလေႈ ဘည်ယာမ်ဇ်ုမ်ႏ ပ်ုန်တိုမ်ကစုအူန်း ပရဝ်ကော်င်တံပ် လှံင်အေဲမ်ခြီရ် ငျားဒေကလူည်ႇပဒူႈ
ဆန်ုမ်2026၊ ကျံရ်တောရ် ဆငည်း(2)
ဆန်ုမ်2026 ကျံရ်ဖံန် ဆငည်း(31) အခိင်ရဆံန်(12)နြီဒိူန် ခေဲင်ကုင်တအာင်း၊ အိူင်အေဲမ်ခြီရ်၊ လှံင်အေဲမ်ခြီရ်၊ ပရဝ်ကော်င်တံပ် ယာမ်ဇ်ုမ်ႏပ်ုန်တိုမ်ကစုအူန်း ကနာည်ဒါရေဲန်ဇီုင်းကာန် ထုက်လေႈမာဝ်းမိူင်တူန်း ငျားဒေကလူည်ႇပဒူႈဟာဝ်း။
ဂေါႇပဲန်ပဒူႈဘည်ဒီန် ကူန်ရဝ်မာဂါင်ဂဲ အီဂေါည်ပရဝ်ကော်င်တံပ် ကတူႈချှူမ်အဆာက်ဂီုန်း ကာည်း အီကတူႈဖေးဘာတ်ဂီုန်း၊ ဂါင်ဂေါည်ဂဲမာ် မိူဝ်ႈကတူႈချှူမ်လူလှဲဝ်ႏဟာဝ်းဂီုန်းပွံတ်ခည်း။ ဂေါႇဘည်ဒီန် ကနာည် ကူန်ရဝ်မာဂါင်ဂဲ အီကတူႈကငျား ချှူမ်အဆာက်ဂီုန်းကာည်း ကတူႈဖေးဘာတ်ဂီုန်းဂဲနီန် ကဆီုဝ်PSLF/TNLA ပဲန်နောႈခေဲမ်ဒါင်းဒါင်း ကာည်း ပဲန်အူန်းနောႈခေဲမ်ကေႎတောပ် ရဟောမ်ရမာ အီကီုတ်အူန်းဂဲခီဘံန်းအောႏ။
ယာမ်ဇ်ုမ်ႏပ်ုန်ပဲန်ပဒူႈဟာဝ်းကဲဒီန် မိုႈ ဂြိုခြီုင်ပ်ုန်တိုမ်ကစုအူန်း PSLF/TNLA တီုင်ဘြောင်ရိူန်းခြီရ်ဂဲ ကနာည်ဒါရေဲန်ဇီုင်းကာန်ထုက်လေႈမာဝ်းမိူင်တူန်း။ ကဇေန်နီန်း ဆိင်တခေါရ် စေတ်ဆေးဟာဝ်းအူန်း ကတီးကရီး ဘည်မိုႈဘည်ဘာည်း ဘည်ပဲန်ကလူည်ႇပဒူႈအ်ုန် နှာင်းတိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တအီးရံပ်ဇီုင်းကပ္လိူင်ဂဲအောႏ။
ဆဲႈဒါႇဒီန် ဘည်ထုက်ရိူန်ႈလေႈဆဒါင်နီန်မိုႈ ဂေါႇပဲန်ပဒူႈဒီန် ကနာည်ကူန်ရဝ်မာဂါင်ဂဲ အီကတူႈချှူမ်လံက်ဟာဝ်းကဲဒီန် ကဇေန်နီး မိူဝ်ႈအူန်းရေဲန်ဒဲႈဇီုင်းကာန်ကဇောည်၊ ဘည်ကဇောည်ငိူပ်မေန်ဒဲႈ လံပ်ခေါခါႇဂဲ ကာည်း ကဇောည်ရေဲန်ဟာဝ်း ဇီုင်းကာန်ဝီရ်ပျိူဝ်ႇယိူဝ်ႇကဲနီန်ချာ်န်းချာ်န်းအောႏ။
တီုင်ပ္လေႈလေႈဆဒါင်
တံပ်အွံရ်ပ်ုန်လောတ်ကပီုန်တအာင်း-PSLF/TNLA
Comment Lists