ကုင်တအာင်း၊ လှံင်အေဲမ်ခြီရ်၊ လှံင်အိုမ်ယ်ုရ်၊ လှံင်ရူကော၊ လှံင်အိုမ်ငျံရ်၊ လှံင်အေဲမ်ငူည်၊ လှံင်မိူင်းငေါှ ကာည်း လှံင်မိူင်းလိုင် ဂေါႇမိုႈက္လာည်းဒါင်းတောန်ဆငည်း ဒေင်လူလှဲဝ်ႏမာ်မိူဝ်ႈ ဂေါႇဘည်ဒီန် ပ္လိုတ်ဆဒိ ကဆီုဝ်ကူန်ရဝ်မာဂါင်အယ်ဂဲ ဂေါည်ခေဲင်ကုင်တအာင်းနီန် ဆမွံတ်အယ်ဒါရဒေင်ရအာည်ႇ စိလေႈဒေင်။
ဒီရ်;ကဇေန်နီး
ဖုင်တီုင်ခေါခါႇကောင်ဆံရ် ကုင်တအာင်း-THC ဂဲ ဘယ်ထိုဒဲႈ ဆနံမ်း ထိင်ခြဲကနာည်တို တကောန်ဒဲ့ ဘိူန်းအဆာက်( 5 )ဆန်ုမ်လေႈရခြူမ် (2076)အီး ကာည်း အီဂေါည်တတိုဇံန် (311)အီး ပလှံင်အိုမ်ယ်ုရ် ကာည်း လှံင်အေဲမ်ခြီရ် အောႏ။
ဘည်မိုႈအ်ုန် ဘံန်ဟောည်ႇဒေဲႈ ကျံရ်ကိူရ်အာရ် ဆငည်း(16) အခိင်စူန်အံပ်(3:30)နြီဒိူန် ကားတာင်မာဝ်းအူကြောင် ပဲန်ကပ္လါႇ ဒီဒေင်ကောက်လေႈ ပရဝ်တိုင်ခါန်ဒိူဝ်ႇ။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ရေဲန်ဟောည်ဟာဝ်း ပ္လေါည်ပ္လိုတ်ႎါင်ပနောဖီုက်လျှံင် အီအွံရ်တံပ်လိူဝ်ႈ(2)ကာည်း ဇီုင်းကာန်လူမ် ခည်မို ကျံရ်ကိူရ်အာရ် ဆငည်း(15) အခိင်ခီညှာ(9:00)နြီရောတ် ရဆံန်(12:00)နြီဒိူန်အောႏ။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပျံတ်ယံတ်ငံရ်ဂဲ ဟောည်ႇရေဲန်ပ္လေါည်ပ္လိုတ် ႎါင်ပနောပျံတ်ငံရ် ခည်မိုႈ ကျံရ်ကိူရ်အာရ်၊ ဆငည်း(10)ဒိူန် ပလှံင်အိုမ်ငျံရ်၊ ခေဲင်ကုင်တအာင်းအောႏ။
ပ်ုန်ဒီရ်;ဂီုန်း
