ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ဂေါႇပ္လေဒါင်း ပဴင် ဆီုက်ဘြာန်ဂဲ လံက်ဟာဝ်း ကောန်အီးပ်ုန် (1)အီးယံမ်း ကာည်း ကောန်အီမာည်း (1)အီးကတူႈဟာဝ်းဖေးဆဝ်အောႏ။

ဆန်ုမ်2024၊ ကျံရ်တာရ်၊ ဆငည်း(30) ကုင်တအာင်း ပလှံင်အေဲမ်ခြီရ်၊ ခေဲင်ရဝ်အူရဝ် တံပ်အွံရ်ပ်ုန်လောတ်ကပီုန်တအာင်းPSLF/TNLA ဆောအွံရ် ရေဲန်ပ္လေါည် ဆငည်းဘေဲႇတအာင်း ကရောပ်နိုက်(52)ဆန်ုမ်နီန် ခေဲင်ဒီန် ဘယ်ရေဲန်ပ္လေါည်ဝိူဝ်;ဝါင်ပနော ဆြာ/ဆြာမ အီပနောဘေဲ,လူမ်တအာင်း(TOT)လိူဝ်;(4) ကာည်း ဘယ်ရိူရ်;လည်လေ; Ta'ang Literature Association - TLAအောႏ။

ကုင်တအာင်း ၊ အိူင်အိုမ်ယ်ုရ် ၊ အာဝ်းမိူဝ်ကတီုက်ကပဴင်မာ် ဆီုက်ဘြာန်ဂဲ ဒါဂျဲတ်ဖိုက်တာ ကာည်း ပ္လေဘျုင် ရောတ်ဒေဲ;ပဲင်ဟာဝ်း ပလှံင်မာဝ်းႎံင်းအောႏ။

ကုင်တအာင်း၊ အိူင်အိုမ်ယ်ုရ်၊ ခေဲင်လှံင်ဆဘော အာဝ်မိူဝ်ႈကတီုက်ကပဴင်မာ် ဆီုက်ဘြာန်ဂဲ ဒါထာမေန် ဒေဲႈရောတ်ဒေပဴင်ပ္လေဘျုင်(50)ပိုင် ဂေါ,ပ္လေဘျုင်ပဴင် ဆီုက်ဘြာန်ဂဲ ဇာႈပဒူႈလံက်ဟာဝ်းတိုအီးရဝ်(2)အီးယံမ်း၊ (2)အီးကတူႈဖေးဆဝ်းအောႏ။

တားချှာင်းဇီုင်းကာန်တောန်နဲ တံပ်အွံရ်ပ်ုန်လောက်ပ်ုန်လောတ်ကပီုန်တအာင်း PSLF/TNLA ခူန်ချုတားဘုင်စော် ကာည်း တားတီုင်ဒါင်းဘြောင်ချှာင် ခူန်အွံရ်ချု တားဂူႈဇာရ်ဂဲ လေးဟာဝ်းလံပ်တခေါရ်ဒေင် ဇူႈ ကျံရ်(8) ဆငည်(15) ရောတ် ဆငည်(18)ဒိူန်း လှေင်(4)ဆငည်းလလ ပလှံင်မာဝ်းဓံင်း၊ လှံင်မိုဂူႈ၊ လှံင်မိူင်းမီတ် ပ်ုန်ဘိူန်း တံပ်နာန်းပ်ုန်လောတ်ခြိူဝ်းတအာင်း TNLA ဒေဆီမ်းဟာဝ်း ခေဲင်လံပ်တီုက်နာန်း 1027 ဒေါန်(2)နီန်အော်။