ကုင်တအာင်း၊ လှံင်အိုမ်ယ်ုရ်၊ ခမိုကျောက်ဖြူဒါင်း ရဝ်ကျောက်ဖြူ၊ ရဝ်ကျောက်ခေါင်း၊ ပ္လေါင်ဘြာန်၊ ရဝ်ဆိုရ်အိုည်ကိူရ်ဂဲ ကစုကပိုမ်ရဲင်ဘ္လောမ်ဒေ လှံင်အိုမ်ယ်ုရ်၊ ဇံင်မာန်မိုင် ကာည်း ရဝ်ဆိုရ်အိုည်ကိူရ် ကူန်ရဝ်မာဂါင်ဂဲ ကစုကပိုမ်ရဲင်ဘ္လောမ်ဒေ ဘြဲဆာဒေင်ကောန်ကရီတ် ဒီလူလှဲဝ်ႈ ႎီရ်ပျိူဝ်ႇရာင်ဒေ။
ဒီရ်;ကဇေန်နီး
ဖုင်ကာ်မ်မတီဇီုင်းကာန်ႎီရ်ပျိူဝ်ႇယိူဝ်ႇဂဲ ပ္လိူရ်ႈလေဒါႈ ကျံရ်ပူရ် ဆငည်း(2)ဒိူန် အာပ်ဒဲႈပ္လါႇဘေဲႇလှိုပ်ဂုင် တကညာအီလှူကဇောည်ထာ့်ဒဲႈရိူန်းတောန်ကဝ် ကာည်း ဖုင်ကပါင်းတောန်ဒီ အီလည်ကဇောည်လည်ကဇိူရ်ႈနောႈ တကူန်ရဝ်မာဂါင်ဂဲအီကတူႈဖေး ဂေါႇဘည်ပဲန်ယာမ်ႏဇ်ုမ်ပဒူႈ ပရဝ်ကောင်တံပ် လှံင်အေဲမ်ခြီရ်၊ အိူင်အေဲမ်ခြီရ်၊ ကုင်တအာင်း၊ ဘံန်ဟောည်ႇဒေဲႈ ကျံရ်ဖံန် ဆငည်း(31)ဒိူန်အောႏ။
ကုင်တအာင်း၊ အိူင်အေဲမ်ခြီရ်၊ လှံင်အေဲမ်ခြီရ်၊ ဘံန်ဟောည်ႇဒေဲႈ ကျံရ်ဖံန်၊ ဆငည်း(31)ဒိူန် ဘည်ပဲန်ယာမ်ဇ်ုမ်ႏ ပ်ုန်တိုမ်ကစုအူန်း ငျားဒေကလူည်ႇပဒူႈ ပရဝ်ကော်င်တံပ် ကနာည်ႎီရ်ပျိူဝ်ႇယိူဝ်ႇ ကာည်း ဇီုင်းကာန်ကဇောည် နှာင်းရေဲန်ဟာဝ်းချာ်န်းချာ်န်း ကနာည် ကူန်ရဝ်မာဂါင်ဂဲ အီကတူႈဆူမ်းဟာဝ်းအဆာက် ကာည်း ဂါင်ဂေါည် အီဒါ့်ကီုတ်တရဟောမ်ရမာ။
ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း (Ta'ang Education Academy - TEA)ဂဲ ပ္လိူရ်ႈလေႈဒါႈ ဇူႈတောႇဟိုက်ႎါင်ပနော ကောန်အီမာည်း/ကောန်အီပ်ုန်(100)အီး ဟိုက်ႎါင်ပနော B.Ed.လိူဝ်ႈ(4) ကနာည်ဆန်ုမ်ပနောဘေဲႇ2026-2027နီန် ပ်ုန်ကယေင်ႎိူဝ်ႈဟာဝ်း ႎါပနောနီန်မိုႈ ကနာည်ဘယ်ပျိူဝ်ႇယိူဝ်ႇ တာဆြာ/ယာဆြာ အီနံပ်ဆမား ဆနီတ်လံပ်ပိင်ငျာႎှဲတ်ရဲရ် ကာည်း မောကံပ်ဘယ်ပြိူဝ်ႈလေႈ အီထာမ်းဇီုင်းကပ္လိူင် လံပ်ပိင်ငျာနိုက်နိုက် ခေဲင်ကုင်တအာင်းအောႏ။
အီဟိုက်ရောတ်ဒေဲႈ ခေဲင်ပ္လေါည်ပ္လိုတ်ႎါင်ပနောဒီန် ပါမောက္ခ ဒေါက်တာဟောည်ႇ၊ အီချှာင်ဇီုင်းလူမ်လှံင်၊ တားဆြာမံင်မံင်လေး၊ အီချှာင်ဇီုင်း-TLEC၊ ဂေါပ်အီချှာင်ဇီုင်းကာန်၊ အီရံပ်ဇီုင်းကပ္လိုင်ခေဲင်တီုင်ဌာန၊ တာဆြာ/ယာဆြာ ကာည်း ကောန်ႎါင်ပနော ကစုကပိုမ်(200)အီးလေႈ ဟိုက်ရောတ်အောႏ။
ပ်ုန်ဒီရ်;ဂီုန်း
