ခေဲင်ကုင်တအာင်း၊ ဘည်ကဇေန်းနီန်း ဘည်ယိူဝ်း ဆဖာဝအရာပ်တကြာက် ကတူႈ-ႎါႇရေင်နီး(ႎါႇအပျာ)ဂ ဘည်ပဲန်ဟာဝ်း ရောဂါ-(Scrub Typhus) ဂေါႇဘည်ဒီန် တီုင်ခေါခါႇကုင်တအာင်း ပ္လူႈဆဒိ တကူန်ရဝ်မာဂါင်အယ်ဂဲ ဒေင်ဘည်လိုဒံန်ခြဲဟာဝ်း တေဲင်ကတူႈ-ႎါႇရေင်(ႎါႇအပျာ)ဂ ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ ကာည်း လိုတောပ်ဟာဝ်းဘည်ပ္လူႈဆဒိ တီုင်ခေါခါႇကုင်တအာင်း။
ဒီရ်;ကဇေန်နီး
ပ္လေါည်ပ္လိုတ်ႎါင်ပနောနီန်း ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟာဝ်း ခည်မိုႈ ကျံရ်တီမ် ဆငည်း(8) အခိင်ခီညှာဇေဝ်ဒိူန်။ ႎါင်ပနောနီန် ကောန်အီမာည်း(11)အီး ကာည်း ကောန်အီပ်ုန်(21)အီး ကစုကပိုမ်ဂေါည်(32)အီး ဟိုက်ဒေဲႈပနော။ အီဟိုက်ပနောဟောည်ႇဟာဝ်း ကောန်ႎါင်ပနောကဲနီန်း ဖုင်ဘေဲႇတအာင်း-TLAဂဲ အာပ်ဒဲႈဟာဝ်း ပ္လါႇဘေဲႇ လှိုပ်ဂုင် (Certificates)တဂဲ။
ဂေါႇပဲန်ကားကဒူႈဘည်ဒီန် အီတောႇဒေဲႈခေဲင်ဆဲင်ကယ် လိုည်းလှအေး အဆာက်(19)ဆန်ုမ်၊ လိုည်းအေးချွေ အဆာက်(19)ဆန်ုမ် ကာည်း လိုည်းသူဆာဝူန်း အဆာက်(18)ဆန်ုမ်ကဲနီန် ကတူႈဟာဝ်းဖေးဘာတ် တကိင်၊ တည်း ကာည်း ဇိူင်ကဲ။
ပ်ုန်ဒီရ်;ဂီုန်း
