ပလှံင်အေဲမ်ခြီရ် ဆာ်ႈအယ်ဆိင်တီႇဆ်ုမ် တံင်ပိုႈ၊ တံင်ပ္လေ ဘိူန်းရောတ်ထုတ်လာည်း
23 June 2026
ပလှံင်အေဲမ်ခြီရ် ဆာ်ႈအယ်ဆိင်တီႇဆ်ုမ် တံင်ပိုႈ၊ တံင်ပ္လေ ဘိူန်းရောတ်ထုတ်လာည်း
အိုမ်ယ်ုရ်၊ ကျံရ်တောရ်၊ ဆငည်း( 23)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ ဆာ်ႈကူန်ရဝ်မာဂါင်အယ်ဂဲ ဆိင်တီႇဆ်ုမ် တံင်ပိုႈ၊ တံင်ပ္လေ ဘိူန်းရောတ်ထုတ်လာည်း ပကဘူမ်တီႇဆ်ုမ်မာန်နား၊ ပဇံင်အံင်ချမ်းသာ၊ ခေဲင်လှံင်အေဲမ်ခြီရ်။
တံင်ပိုႈခေဲင်ပ်ုန်တီႇဆ်ုမ်အူန်း ပကဘူမ်တီႇဆ်ုမ်ဒီန် မိုႈ ပိုႈစေင်၊ ကာမ်ကော်၊ ခယေ၊ ဆေင်ပါန်းလ၊ ဆေင်ခိုပါန်း၊ ရေသင်းဝင်၊ ငုဝါ၊ ငုရွှေ၊ ငုစပ်၊ သပြေဘူတ၊ ပိတောက်၊ အုန်းပွါး၊ ထဲင်ဝမ်ဗန်ဒါ ကာည်း အာကျုံးလမ်း ဘိူန်းရောတ်ထုတ်လာည်အောႏ။
ပ်ုန်ကယေင် တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်အိုမ်ဘြည်ကတာည်းဂဲ ရေဲန်ကဘူမ်တီႇဆ်ုမ်နီန်မိုႈ ကနာည်ကူန်ရဝ်မာဂါင် ဘိူန်းဒေလာည်တီႇဆ်ုမ် တံင်ပိုႈ၊ တံင်ပ္လေလိူည်လိူည်။
ခေဲင်ကုင်တအာင်းနီန် ပလှံင်အေဲမ်ခြီရ်၊ လှံင်အိုမ်ငျံရ်၊ လှံင်ရူကော ကာည်း လှံင်အိုမ်ယ်ုရ် ကနာည်ဘယ်ထိင်ခြဲ မောကံပ်ဆဖာဝအရာပ်အရာ ဆာယာချှီႇတခိူည်း ကာည်း မောကံပ်ဘိူန်းရလှဲဝ်ဒါဒီလှု ဒေင်ဒါင်းတောန်ဒီန် အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ကရောမ်တီႇဆ်ုမ်တံင်ပိုႈ၊ တံင်ပ္လေ(30,000)လေႈ ဘယ်တီႇဆ်ုမ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists