01 July 2026

ကောင်ဆံရ်ဇီုင်းပိင်ငျာကုင်တအာင်း-TLECဂဲ ရေဲန်ပ္လေါည်ပ္လိုတ်ႎါင်ပနောပဇာရ် ပ်ုန်နံပ်ပ်ုန်ဆမား ကနာည်ဘယ်ရိူရ်ႈလေႈ တာဆြာ/ယာဆြာ 

အိုမ်ယ်ုရ်၊ ကျံရ်တောရ်၊ ဆငည်း(30)

ဆဒါင်ကုင်တအာင်း

ကုင်တအာင်း၊ အိူင်အိုမ်ယ်ုရ်၊  ပလှံင်အိုမ်ယ်ုရ် ကျံရ်‌တောရ်၊ ဆငည်း(29)ဒိူန်  ကောင်ဆံရ်ဇီုင်းပိင်ငျာကုင်တအာင်း-TLECဂဲ ရေဲန်ပ္လေါည်ပ္လိုတ်ႎါင်ပနောပဇာရ် ပ်ုန်နံပ်ပ်ုန်ဆမား ကနာည်ဘယ်ရိူရ်ႈလေႈ တာဆြာ/ယာဆြာ။

အီဟိုက်‌ရောတ်ဒေဲႈ ခေဲင်ပ္လေါည်ပ္လိုတ်ႎါင်ပနောဒီန် ပါမောက္ခ ဒေါက်တာဟောည်ႇ၊ အီချှာင်ဇီုင်းလူမ်လှံင်၊ တားဆြာမံင်မံင်လေး၊ အီချှာင်ဇီုင်း-TLEC၊ ဂေါပ်အီချှာင်ဇီုင်းကာန်၊ အီရံပ်ဇီုင်းကပ္လိုင်ခေဲင်တီုင်ဌာန၊ တာဆြာ/ယာဆြာ ကာည်း  ကောန်ႎါင်ပနော ကစုကပိုမ်(200)အီးလေႈ ဟိုက်‌ရောတ်အောႏ။

ႎါင်ပနောနီန်း ဇူႈကျံရ်ဖိုန်၊ ဆငည်း(28) ရောတ် ကျံရ်တောရ်၊ ဆငည်း(28) အာရ်ပကျံရ်လလႎိူဝ်ႈဟာဝ်းအောႏ။ ဒဲႈဟာဝ်းႎါင်ပနော ကနာည်နှာင်းထာမ်းဇီုင်းကာန် ပဲန်ဆြာအူအီး။ ပ်ုန်နံပ်ပ်ုန်ဆမားပဲန်ဆြာဒီန် ကောန်ႎါင်ပနော ကောန်အီပ်ုန်(103)အီး ကာည်း ကောန်ႎါင်ပနော ကောန်အီမာည်း(46)အီး၊ ကစုကပိုမ်(149)အီး ဟောည်ႇဟာဝ်းႎါင်ပနောဒီန်အောႏ။

ခေဲင်ႎါင်ပနော ဖာဆာပ်ုန်ဒဲႈဟာဝ်း တကောန်ႎါင်ပနောဂဲ သင်တန်းအတွင်း Education Theory၊ Educational Psychology၊ Myanmar၊ English၊ Mathematics၊ Science၊ Social Studies၊ Physical Education၊ Performing Arts (Music)၊ Visual Arts၊ Local Curriculum (Agriculture, DS, IS) ကာည်း  Practice Teaching (Practicum) ဂေါည်(12)ဘာသာအောႏ။

အာပ်ဒဲႈဆု အီမိုႈဆု ဘည်နှဲအရာင် လျှံင်တည်းဇိူင် ႎှါင်းမှော ႎှါင်းအ်ုန်၊ ဆုကနိုက်ဖျံင်အျံရ်၊ ဆုငါ်;ပ္လေတာန်၊ ဆုဘည်ရေဲန်ဂြိုခြီုင်၊ ဆုပိင်ငျာ ဒါတည်းရေဲန်၊ ဆုလှလံမ်းဘေဲႇကောန်ကျောင်ဂဲ၊ ကောန်ႎါင်ပနော ကာည်း တာဆြာ ယာဆြာ အီအွံရ်နှဲဂဲ။

ကဆီုဝ်-TLECဂဲ ကယေင်ႎိူဝ်ႈဟာဝ်း ႎါင်ပနောလှေနီး ကနာည်တာဆြာ/ယာဆြာဂဲ အီညှံမ်တိုမ်ဟိုက်ဒိူန် ႎါင်ပနောပဲန်ဆြာနီး နှာင်းကဲဘိူန်းဒေဟိုက် ဘိူန်းဒေပဇာရ်ပ်ုန်နံပ်ပ်ုန်ဆမား ႎါင်ပနောအူလှေနီန်အ်ုန်အ‌ရေးဒါင်း ကနာည်တာဆြာ/ယာဆြာဂဲအောႏ။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း